12歲以下，所以填紙仔，
So far 去過兩個場，兩個場地張form都唔同嘅，但都有各自嘅 non sense 嘢:
場地1: 內容可以家長填，但要求小朋友自己簽名証明所填資料真確。白痴，就算發現係虛報咗，份form又唔係個小朋友填嘅，而且12歲以下，有刑責都係父母受啦，咁做乜一定要個小朋友簽名？！
場地2: 都係填 form，填完後要拎去場地辦事處，佢會打一次電話核對，咁都算喇，佢仲話要帶埋個小朋友去俾佢 “觀察” (exact wordings) 下係咪真係 under 12歲，我問佢用咩客觀準則嚟判斷佢嘅主觀觀察，佢支吾以對淨係話 “總之下次就要拖埋個小朋友過嚟俾我哋睇”。
工作關係我都係要用不安心出行，但除此之外我都係會繼續堅持唔用，小朋友填完 form 自己入場，我坐看台。雖然有種垂死掙紮嘅感覺，但堅持到一秒就一秒，至少我覺得係僅餘嘅窄縫中一種卑微嘅表態。
大家加油
搵巿民嚟攪，可以揀我唔想交稅養班咁嘅人，想交比一個真心為巿民的政府、更加唔想養班打巿民嘅狗
觀察下？真係想講粗口
依家啲門口狗以為自好大權
討L厭
埸地１，有個疑問，乜小朋友簽名有效既咩，唔犯法？
係唔係應該由小朋友填資料，然後家長確認簽名。
如果小朋友簽名有效，咁學校啲手冊測驗就唔洗老豆老母簽啦。
咁帶個兩歲小朋友入去踢波仔點搞？都未識摣筆
我一個星期要同校隊練兩次波，我仲要係超過12歲，一定要用安心出行
，真係唔知點講🥲
如果我仔得3 歲未識認字、更加唔識寫字，咁咪冇得入場？
同一疑問
上面開聲話有咁嘅政策，要跟呀，唔係就揹鑊，甚至有啲為表現自己有幾忠誠而做，但就無話俾下面知應該點做點跟進，咁下面嗰班咪為有自由發揮囉。
宜家已經唔怕市民投訴，最緊要做到俾上面嗰班睇交到貨，有咩E郁就總之自己有配合政府有跟指示，最多俾上面話下次做好啲，好過做少咗俾上面嘈。
好似打針咁，打多幾枝都無問題，唔打？哈…….
呢班人打人殺豬就叻
我返去講俾我老公知，佢一秒爆粗！
我都係咁講，場地1門口兩個阿姐話「唔知咁多呀，總之一定要個細路簽，唔係你簽啦」。
有常識嘅人都會好似我哋咁諗，可悲嘅係宜家係香港 common sense is not common
我隔離有個幼稚園年紀嘅小朋友，佢阿媽叫佢求其畫兩筆
好漢不吃眼前虧，尤其係香港嘅年輕人，唔好同佢哋硬碰，香港已經失去太多寶貴嘅年輕人，你地有事叔叔姨姨會好心痛！
場地1門口兩個阿姐話「唔知咁多呀，總之一定要個細路簽，唔係你簽啦」喎
因為佢哋嘅服務對象已經唔係市民喇，仲點會怕市民投訴？
如果仲有非建制議員，我相信唔會發生呢啲咁嘅事。
呢家班建制垃圾完全唔去理，就算知道咁唔合邏輯嘅事都唔去反映。簡直不知所謂，仲想要我地選民嘅一票，真係慳啲啦。
聽到都覺得好很煩
我個邊體育館仲要出示出世紙睇名睇號碼，直係擾民到極點，勁想用粗口罵，我知未必關個職員事，但真係好嬲！
好白痴，主題樂園都唔駛咁啦