https://www.facebook.com/427392377612691/posts/1668077076877542/
還記得嗎？早前講過家豬野化成為野豬，只需要一兩代嘅時間。香港目前嘅野豬，除左原本野生嘅族群之外，仲有被豬場遺棄，野化嘅野豬，以及經水路由大陸游水落嚟嘅野豬(非洲豬瘟爆發期間被遺棄嘅豬)。
野豬確實具備攻擊性，但只有生命以及幼豬受到威脅，先會主動攻擊。最近幾年，野豬已經適應同香港人共處，大家各行各路，河水不犯井水，咁緊密接觸嘅環境下，甚少出現野豬攻擊人類嘅事件。
但強力嘅狩獵會直接打破呢種平衡，令整個野豬族群對人類產生更強嘅敵意。豬遠遠比政府想象中聰明，甚至有低度組織化嘅社會性，地盤意識都幾強勁，喺出沒範圍受到攻擊的話，人類日後一定會被瘋狂攻擊。
歐洲人喺中世紀已經建立出完整嘅狩獵文化以及系統，繼而演變成運動。歐洲人喺過程裡面受過教訓，過度狩獵以及踐踏野豬嘅地盤，用左唔少代價先取得平衡。
而香港打算使用嘅狩獵方法，連人地中世紀嘅知識水平都不如。
