唔好妒忌唔好攻擊，大家分享下自己嘅女神，只可以揀一個，需比原因
1個讚
余慕年。
唔係講笑，真係好鍾意佢。尊重自己嘅職業，而且唔聲唔聲幫咗好多人。和藹可親比風情萬種更加吸引。
7個讚
但係你打錯咗人哋個名… 
10個讚
朱玲玲
有貴氣。離婚個下走得好灑脫
2個讚
鐘楚紅
3個讚
朱千雪…
太特別…佢藝人同事問佢攞WhatsApp send 返啲相比佢
佢話：你email比我吖
4個讚
Soory…. Siri…. 余慕蓮
2個讚
麥明詩
啱啱選完記者問佢係咪處，佢話個記者再問落去就係侮辱女性而拒絕回答。
14個讚
有智慧
有諗過林青霞，但最終我都係選鍾楚紅，以前睇佢電影覺得佢絕對稱得上尤物，好性感但笑起上嚟又好可愛，咪咪眼，引死人，如果我係男人實會暈，之後發覺佢係環保人士，好多年前已經係，仲更加加分。
5個讚
點解有人問呢d問題？
近年幾欣賞欣宜，以前真係唔鐘意佢，但睇住佢成長，覺得佢條路一直唔容易行，由佢坦然接受自己體型開始，感覺佢好有正能量，努力做好自己，佢嘅靚喺個份對自己嘅肯定，以上純個人感覺 
14個讚
陳俞希，有氣質有個性，獨立自主，同時親切無架子
3個讚
細個唔明佢靚喺邊？！
大個先覺得佢好靚，真係優雅地老去。
1個讚
以前嗰個年代好興問㗎
仲記唔記得大台姐仔嗰堆自認處女黨？
嗰陣冇人敢得罪啲記者，驚唔㩒撈。
所以我嗰陣覺得佢係第一個女人選完出嚟夠膽咁答，起碼幫我哋啲女人出返啖氣。佢好似有講過話女性唔應該只係用呢個角度去 access ，但我唔係好搵得返啲報道。
2個讚
其實真係好無禮貌
處女黨其實都係因為信教，記者幫人改名
麥明詩當選港姐冠軍翌日，被某雜誌問到會否加入「處女黨」，借口問到她是否仍是處女。她笑指對方不尊重女性而拒絕回答。她說：「你認唔認同呢個問題都好，其實都有方法避，例如一路都唔答。我嗰一刻係有少少反叛，我覺得我要企出嚟。」
4個讚
Deanie姐， 唱得演得人品得
9個讚
以前佢做白雪公主真係有dislike佢，覺得佢冇外表又靠母幹
開始改觀嗰一點係肥姐追思會，兩個大人阿秋官同大哥榮喺度拗嘢，欣宜handle 得好好，好成熟。但真係開始欣賞佢係後來佢慢慢努力做出自己style，真正覺得佢內在好吸引。之後同你一樣，佢唔追求瘦，唱女神，再之後造星評判，就覺得佢內在好可愛。
4個讚
舒淇
細個唔識得欣賞,大個先睇到佢嘅靚,經歷咗咁多嘢仲感覺好真實
完全唔會覺得佢造作
而且靚得好獨特
2個讚
鍾楚紅 朱玲玲
唔止靚仲好優雅