之前見有人講呢間ok, 所以就揀咗。我哋有20箱家檔，16/6收箱，跟住7月尾上船直至9月尾到英國。其實我同個friend一齊揀呢間，我個sales都麻麻地，一直冇update status, 我都係由朋友口中先知道隻船幾時到（朋友係另一個sales)，呢個都唔係問題，只要佢送到貨比我。
朋友10月中收到通知話21/10送貨，我地直至19/10先收到英國船公司Reloxx通知21/10送黎，點知到5點都冇影，第二日揾RexxUK, 佢地話壞咗車所以送唔到，又有人中Covid, 所以未知幾時安排再送。到26/10通知3/11會送黎，結果下晝唔見人再問status, 架車又一次壞咗。
跟住再問已經安排15/11上晝送貨，中午又唔見人，再問話上一個客未搞完又送唔到會今朝7點送到，當然佢今朝係冇出現。
上網睇過原來有好多苦主，我朋友已經一早收咗貨，唔見咗一箱都係11月頭送返比佢。我想提未去既人小心呢間公司，安排船公司最好問埋U.K.同邊一間合作，U.K. 呢間公司完全冇誠信，如果船運有問題真係搞到自己一頭煙。
