上年Deliveroo減完到今年Foodpanda減 但發現兩間公司做法都幾唔同
Deliveroo 喺上年疫情期間需求仲大嘅時候改制減人工
啲人多單做唔會嘈你咁耐
雖然最後又比人話報警 搞到焦頭爛額
但係制度始終係改咗 慳到成本好多錢
直頭係快刀斬亂麻
轉個頭呢一年洗多少少錢賣廣告
又Mirror 又Error 又古天樂 又試當真
成功洗到底 啲人又用返 仲俾人話有良心
完全睇透咗香港人善忘呢一點
袋鼠CEO咁成功 約滿嗰陣酬金應該賺到笑
反而Foodpanda慢慢減
on99公開每星期單價 容易比人搵到資料
顧客體驗差 依家越嚟越貴
得罪咁多人
呢兩間公司真係要做case被人參考
我喺連登見到，都幾有point
都係嗰句，追星還追星，幫襯還幫襯。
廣告好睇，睇完就算。
肯定都唔會係好人，因為呢個模式其實到依家都未可以睇到商業可行性。一方面運費已經好貴，例如foodpanda本身menu比餐廳貴起碼$5-6，仲要另外收運費，顧客其實比貴好多，佢仲要係餐廳食一大截，餐廳只係疫情靠辛苦錢叫幫補下無咩好賺，車手越來越低，越做越少錢，但係佢地自己仲蝕錢補貼來搶市場，算係All loss（唯一賺到嘅stakeholder係廣告商，例如子華神、Error等等），所以佢地如果要賺返以前咁多年補貼過D，以後有排加價、減薪。
但係單純比較起來，個人感覺foodpanda都算係其中問題最大嘅。總結呢段時間來睇，起碼呢D情況都算佢獨有——或者其他都有，但foodpanda次次都爆大，都起碼影響更嚴重/更經常：
黃店集體被cut單，例如泰Cool、阿木台灣麵，叫完幾千蚊超大單，foodpanda一句倒瀉話餐廳無包好，連相都無一張，直接淨係比四成餐廳。
https://m.facebook.com/story.php?story_fbid=369189004606795&id=101086341417064
逼商戶外賣自取都要比35%佣，如果唔係外賣速遞都無得用。（下面係泰Cool FB不過因為係
報導已經睇唔返）
https://m.facebook.com/permalink.php?story_fbid=188168152708882&id=101086341417064&_se_imp=0DeN40bpUqJqImANR
送貨車禍，只追問「餐送唔送到」，From立場。某程度上廣告做到「十分鐘」都算好失實，而且呢個行業鬥快遲早會好似大陸外賣員，衝紅燈上行人道馬路殺手，呢個係大陸都已經有反映背後algorithm逼佢地送餐越來越快（當然香港暫時應該無掛）
【Foodpanda罷工】餐廳老闆變送遞員 憶遇車禍公司只追問：個餐送唔送得呀 | 立場報道 | 立場新聞
今次罷工，威權式回應，責怪阻礙送遞服務（話有送遞員襲擊其他無罷工嘅，感覺難以相信但姑且不談），叫佢地「和平、有建設性對話」，成個回應似曾相識？
同樣今次罷工，有外賣員反映，步兵被要求同樣價錢送重嘢例如一箱米、一箱水⋯⋯
【Foodpanda 罷工】Pandamart門市鐵鏈鎖門 網購無法接單 資方：無法接受阻礙送遞 | 立場報道 | 立場新聞
另外印象中打風果次有成堆打手入侵bd…
其他平台無咩聽到，不過如果有咩都可以share下
可能我係理性消費者，所以成日唔明請代言人做咩
應該唔算唔係代言人，係拍廣告演員，
搵知名演員「代言人」收費貴好多，
但係拍廣告一定平過 代言人 好多，
外賣平台原來咁低人工㗎 原來間間都咁衰
Foodpanda有Pandamart 戶戶送有百佳 都係送重嘢米呀水呀
真係慘
同餐廳講到咁慘 點解咁多獨家？唔係好明白背後
同見到襲擊其他無罷工人嘅相 地下流囇血咁 咁都有得扮？
你好似好熟悉咁 不如你講多啲 點解戶戶送睇落咁好反而無乜選擇 
本人對呢啲新產業都幾有興趣 近排都好留意呢種生意
你好似好熟悉咁 不如你講多啲 好好奇 想學 
呢句好中
樓上噏乜9？
兩間都未嗌過。
認真問，其實點解要幫襯佢地嗌外賣？
好好奇幫襯佢地係唔係我係荃灣可以嗌柴灣嘅外賣？
講緊LLK定我？
你樓上
認真答，
懶。
唔可以。
有公司俾員工work from home，然後俾呢d外賣店coupon員工，當係膳食津貼
睇完上面，我又唔覺兩間野好差。只不過係行頭競爭激烈，無咩利潤，所以員工待遇差，服務差。類似電訊行業咁，正常發揮。
明明舖頭賺少左，客戶又比多左，等又等得耐
中間就比人食左浸
又要裝app又比人拎埋big data
如果我懶通常都係叫樓下茶餐廳
真係想食就出街食/買
其實你有數得計，外賣費當收你20蚊，佢點俾到30-40蚊送外賣員，咪就係從餐廳抽，所以點解平台set個價一定比你自己去堂食/外賣自取
何況上個月panda係sell緊300蚊1年會員費？平均5蚊一次外賣費？邊度賺？咪要從周圍扣返囉
Panda又好戶戶送又好，其實計數上都係類似情況，畢竟2家最大競爭，要靠平吸引人
如果要唔同就搵d細平台，例如拎得，但呢類你見到外賣費就多好多，例如50-60蚊，但如果你只係行唔開，自己一個想叫個餐食，加埋已經舊幾水，咁仲叫唔叫呢，而且細平台有個時間問題，叫完個餐等一個鐘先收到個餐，我自己試過……
到最後，大家都係自己外賣自取最好，但真係行唔開就無辦法，大家盡量睇多幾個選擇，個個平台都有好有唔好，只能係選擇一個自己覺得最ok既平台啦……
聽完大家咁講，其實真係勁唔明點解哩啲外賣平台會生存到。
對買家而言，收又收貴左，又多左一筆外賣費，點解唔直接打去間鋪嗌外賣就算？
對賣家黎講，賺個外賣餐費又冇啦啦俾人扣一筆，唔通俾人扣嘅哩一筆仲抵過請一個樓面兼送得外賣？
又或者大家講可以外賣自取，都自取囉點解唔直接自己打電話嗌外賣然後自己落去攞？
你可以開個app睇吓。
會搵你位置附近嘅食店俾你睇，有餐牌、預計時間。早上就俾早餐你睇、晚廳就俾晚餐你睇。餐牌同店內唔同，一般貴少少。
我訂過兩三次，主要係想食粥同腸粉，但我附近無傳統粥品食，最近嗰間都要兩公里以上。屋企有細路走唔開，又無人幫手買或睇細路。
之後都無用了，因為次次咁食都好貴。