上黎呻下

呢排既情緒又起伏不穩,
每日睇新聞都係兩年前抽後算賬而被判罪,個心好憤怒覺得好唔公平。但又乜都做唔到。

我都明白做唔到乜嘢,但真係好心痛:broken_heart:父母係黃,佢話我太上心,叫我睇開啲。老公係中立,都好少講政治費時傷感情,但佢都話我地乜都做唔到唔好理咁多。

好似得我一個人覺得煩惱唔開心,又唔敢講比朋友知怕影響到人,都屈到就黎爆,個氛圍令到人抖不到氣咁,現在既生活每日都不開心好折磨咁,我知好多在獄中既手足比我地更難捱,有時都反問自己係咪我有問題?點解咁睇唔開,最近又再失眠情緒低落:disappointed:

20個讚

做好自己每一個選擇,起碼一直以來對得住自己。豈能盡如人意,但求無愧於心

4個讚

上嚟吹下水啦

3個讚

搵方法比自己排解,休息完先可以繼續努力

我自己取態同你一樣,都係寧願有情緒都唔要不聞不問

5個讚

唔係得你一個咁上心架,只係大家都屈喺心入面唔敢表達出嚟,怕自己承受唔到,又怕身邊啲人承受唔到。

9個讚

我哋係度呀,一齊頂住:pray:t2:

4個讚

撐住:pray:
相信好多人都一樣

3個讚

俾自己休息下, 唔係你冷漠或者放低左, 單純只係你需要休息。抖夠再關心返你堅持嘅野。
有時睇到啲記者話有牆內手足講出面冇人理佢地, 聽落好情緒勒索。
但係事實係而家冇左/唔可以好似2前年咁, 有方法俾大家CONNECT埋一齊。冇得上街, 冇得去街站, 冇連儂牆, 可能冇辦法發現身邊係咪仲有人一齊行。
試下揾下有冇任何屋企附近的同路人街坊/ 團購group可以圍下爐暖暖身。加油 :pray:

4個讚

另外我會得閒睇下有咩新店開,算係有正能量:

你都好,唔多藍係附近,身邊傾唔到就上嚟,好過我身邊有藍,鬧又傷感情,寧願大家唔出聲,但細路就唔會被洗腦變藍,e點我肯定會企硬,freight過,我會睇住年紀慢慢教導佢正確的事,同埋同佢講將來做咩都好,唔好做:policewoman:

7個讚

我都情願憤怒而不想麻木
努力調節情緒,真心覺得累

2個讚

佢地困左係入面既情緒會更加差,所以都理解既
我哋係外面都咁差,佢地更加難過呢,唯有做下寫信師

6個讚

係啊,身教真係好重要,咩行業都做得真係唔好做:policeman:t2:‍♂:policeman:t2:

2個讚

我都係㗎,喪吊,但之後冇乜可以做

3個讚

其實並不孤單啊! 大家都係度,keep 好自己身體, 好戲在後頭:hugs:

4個讚

起碼都叫做發洩下
唔使谷住

You are not alone
我都係咁同朋友講,做唔到港:pig:
係辛苦,但盡量保持身心健康,要同佢哋鬥長命
,睇佢哋點折墮。

1個讚

me too
一聽見果d新聞就無名火起 屋企仲有個藍既長輩喺度睇cctvb既假聞台 真係好想打爆個電視機乜都無得睇就最好

我都唔知係咪有病 商場/超市播節日歌 呢排播緊聖誕啦 一聽到就覺得煩 心諗有乜好慶祝 好多不公義既事情未解決 好多冤案坐緊審緊 真係咁開心?!

我都明 大家都做唔到d乜 有咁既想法 應該係想折磨吓自己 令自己無咁舒服 同自己過唔去 … 真係做唔到d乜

我都明 明天要繼續走下去 有家庭有小朋友既 節日係需要慶祝的 過多十年8年 當無人記得呢段歷史時 會照樣歌舞昇平 就好似64咁 若果同依家既小朋友講 佢地其實無感 只有經歷過既人先會痛

7個讚

情緒開始受困擾,就先放低新聞唔好睇一排。

1個讚

放心, 除非所有經歷過嘅香港人死哂, 如果唔係一定會有人記住, 仲會話俾細路知

2個讚