屯門新墟街市爆減價「豬肉大戰」 老店貼「同歸於盡」最低18元斤
位於屯門新墟啟民徑戶外街市的「黃元興鮮肉食品公司」豬肉檔，寫上「自家舖唔使交租，特價大平賣益街坊」，店外貼告示稱現時是「豬肉大戰」、「同歸於盡、血戰到底」；又稱該店由1985年開業至今，經歷無數難關及疫情，仍一直「秉承祖訓、明碼實價、斤兩十足、童叟無欺」，只是「最近多間肉店在新墟開業，並以低（於）成本的價格出售」，該店為免被淘汰，決定跟隨減價，並稱會「撐到最後」。
黃元興豬肉切割員陳先生說，近來活豬批發價回落，惟數月內附近新增多間豬肉檔，「前後四間鬥平賣，愈開愈多，街坊主要就腳，唔想行咁遠」，為保持競爭力及繼續經營，老闆約一星期前決定降價及貼告示，「好多苦水，好多同行蝕本嚟賣，多咗同行競爭，豬無平到，但大家競爭無辦法，適者生存，睇下頂到幾耐。」
顧客買滿50元獲送兩條細臘腸
「黃元興」有售本地豬肉及內地活豬，店內豬肉都貼有價錢及部位名稱，當中豬俐及腩肉只售18元一斤、上肉20元斤、西施及豬尾38元斤等，買滿50元豬肉的客人更會獲送兩條細臘腸。陳生直言，「30幾蚊（斤）嚟計數係為圍唔到本」，惟老闆堅持不以個別部位減價吸客，而是選擇明碼實價，「我咃實際啲，標明價錢，係咁多就咁多（錢），唔係全場幾多錢。」
食安中心