SORRY囉, 如果套戲有你同梅媽既話, 我只諗到…只會得一場戲…
比錢比錢比錢, 攞錢攞錢攞錢
無其他野架喇~
2021年11月12日週五 下午12:28·1 分鐘文章
梅啟明評《梅艷芳》電影冇梅媽唔夠真 俾王丹妮幾多分？
《梅艷芳》電影上畫，雖然電影展現梅姐一生，但係對於梅姐家庭生活嘅描寫，只係著眼於王丹妮飾演嘅梅姐，同家姐梅愛芳（廖子妤飾）嘅姊妹情，梅媽（梅覃美金）及胞兄梅啟明喺戲中無影無蹤。
有傳媒搵梅啟明講吓對《梅》電影觀後感，原來梅啟明喺上畫前已經入場睇咗套戲，佢對於戲中冇關於佢地一家嘅戲份表示可惜，又話套戲應該要有關於梅媽嘅情節，因為係真實故事喎。
梅啟明與梅媽
梅啟明認為戲中描述佢兩位妹妹（梅艷芳與梅愛芳）童年嘅段落好兒戲，只係求其搵人扮，又話小演員唔係企喺度un兩下就做到。至於飾演成年梅艷芳嘅王丹妮，梅啟明評佢嘅表現值50分，覺得王嘅短髮造型最似梅姐真人，但係梅啟明覺得王無梅姐咁多人生經歷，好難演得神似。
電影入面有部份梅姐生前片段，梅啟明話睇到佢眼濕濕，不過對於電影將梅姐遇襲事件加入其中有所不滿，認為唔係好尊重，因為事件係梅姐人生一大遺憾，佢生前都好少講起。
