呢個組合，預左薑少野講，辛苦哂大表哥LM
1個讚
2個讚
悶
我都覺悶，半個鐘都咁，再拖落去就慘 
1個讚
可能有fans 聽到後走去做送外賣，姜濤餐餐咁嗌，分分鐘接到單送外賣上佢屋企
1個讚
尋晚個fb live都幾悶
如果未睇嘅可以睇呢個精華
花姐係咪好少讚姜濤？
點解d留言都係“花姐終於讚姜濤” ？
1個讚
尋晚我都想快d完
有姜濤都咁話 
1個讚
花姐真係好少讚薑濤，比人感覺佢唔係好睇薑濤，可能佢出道時細個，有好多嘢需要調教。但蝦頭
眼，未講已知佢係真薑糖
2個讚
薑濤以前d live, 好多都係靜默live, d fans 純粹見到佢開live 就滿足
2個讚
薑糖排隊申請做外賣仔，免費送上門
2個讚
“鏡中鏡” 樂評
薑濤最新作品《鏡中鏡》，係一首音樂上同歌詞上都且豐富又深奧嘅作品。由薑糖角度、由市民角度、由人類角度去聽《鏡》都有會唔同嘅睇法，呢啲睇法全部都係歌名中表達嘅「鏡」。
「薑B」、「得意」、「K-Pop」、「俾心」、「走音」、「肥仔」。呢啲形象係好係壞唔輪到薑濤定奪，係由觀眾、樂迷，甚至粉絲塑造㗎。咁究竟薑濤鍾唔鍾意呢啲形象？故此，薑濤早前推出一連三條影片紀錄尋找「答案」嘅經過同點滴。有興趣了解更多嘅自己去睇睇。
「訴」、「吐」、「濤」。《鏡》由小克執筆填詞，而呢三個韻腳都係歸功於小克，簡單但有重量。
「訴」，「用作品說話」係薑濤嘅至理名言，佢只係想將自己嘅諗法訴說俾大眾知，成功尋找答案後學識同自己相處嘅薑濤唔係一味只係想反駁，而係訴說。
「吐」，一睇呢個字就已經感受到嗰種辛苦，薑濤作為當紅明星，單靠幾個廣告同出幾首大路情歌已經夠煞食，但佢唔單止冇咁做，仲要向難度挑戰，嘗試唔同曲風同題材，吞下現狀嘅滿足，吸收後，將當中未夠好嘅嘢反吐，形成新嘅自己。
「濤」，《鏡》本身係同《Master Class》同期出品㗎，但當時嘅薑濤係向住反擊負評呢個方向衝住去㗎，當時嘅佢決定先停一停，先讓自己消化一下。一開頭講到嘅「鏡」係人哋對佢嘅睇法，而「鏡中鏡」就係薑濤反觀人哋嘅睇法，換言之係睇緊人哋點睇佢。薑濤曾經講過佢其實唔太鍾意自己嘅中文全名，但係今次歌曲入面佢開宗明義咁表達「我是濤」，相信佢喺人哋睇自己同自己睇自己之間嘅拉鋸當中開始搵緊平衡，明白自己都有能力成為驚濤駭浪，唔係流於表面得意嘅「薑B」。
歌曲由Gareth.T作曲同編曲，另外Y.Siu、Ariel Lai同埋Big Spoon一同合編。經編曲後嘅《鏡》，同主流廣東歌好唔同，為Cantopop爭一口氣，既擺脫K-Pop嘅影子，同時又擴大Cantopop嘅可能性。最為精彩嘅係尾段長長嘅Outro，當中夾雜一啲人吼叫聲，相信係嚟自薑濤嘅。成首歌大部分時間係一種畫面寬闊、發生緊好多事嘅感覺，但Outro部分由人聲到管弦樂聲再到只剩低零星嘅琴聲嘅過程就似將緊張嘅氣氛慢慢減弱、想令人平靜同沉澱一路以嚟發生嘅事，如同感受薑濤經歷。
由《孤獨病》到《Dear My Friend,》，薑濤都唔會吝嗇每個表達自己情感嘅機會，好讓大家都明白同理解佢諗緊啲乜，到今次《鏡》，大家係時候要設身處地咁了解吓呢一個年青人為咗乜嘢去努力喇。
薑濤早前預告咗嚟緊嘅歌曲計劃會脫離暗黑同尋找答案呢個方向，期待蛻變咗嘅薑濤再次為我哋帶嚟衝擊！
2個讚
下？ 咁個live做幾耐？
真係好少聽到花姐讚姜姜，唔知係比人話得多終於改口定係呢個系佢本身諗法，記得佢最比賽時最欣賞Ian，係佢男神，宜家話揀AK做男友
1個讚
花姐真係好少讚姜，比賽時佢最鍾意係AL, Ian, AK，監制Edward話有次錄好歌，花姐聽完讚咗句好聽，姜知道後好開心因為花姐好少讚佢
1個讚
造星一時公司冇budget, 全部都係素人樣出嚟參加比賽，冇乜點執過就出鏡。我冇用fans瀘鏡睇都係得薑一個最四正最有星味
感覺花姐睇人都幾先入為主，佢比賽前已識AL AK就好主觀覺得佢地係最掂
2個讚
花姐以前又話姜個人好悶，成日話佢唔識講野，叫佢讀多D書先講，今時今日花姐唔可以再甘講，姜已經係超級明星，再甘比人鬧死。
我仲未有時間睇造星一
希望嚟緊有時間睇下頭幾集 + 姜濤cut
順便睇下全部參賽者係咩質素
咁花姐推薦佢哋參加造星
點都要幫下口
花姐唔係最like姜濤唔緊要
最緊要仲有好多人識欣賞姜
姜濤初出道講野係好率直
但起碼唔會亂講野
佢雖然學歷唔高
但講野算係有紋有路