Look at this post on Facebook https://fb.watch/omNZuSM8vX/?mibextid=WC7FNe
希望有日姜都可以做到Leon咁輕鬆自若
1個讚
網上都有講頭髮遮額頭及眼睛系唔好的，比人感覺陰暗，同埋影響佢自己思考，見佢遮對眼我都唔敢睇佢，希望fans club 有人可以認真提醒佢。
我入去玩完回完啦，基本匿名果d都盲不講理，同d邪魔組織無大分別。
所以唔好再應機由佢地講，artist 總有人鍾
意有人唔鍾意，點講佢地都一樣有嘢講有嘢
話點點點。爆紅好自然係都係天時地利人和，
有咩好研究。好似郭富城咁佢初初係香港出道
都唔紅係去左台灣拍左個廣告爆紅，再係台灣
紅到返香港。
4個讚
其實外人冇責任要睇晒姜嘅表演，了解晒件事先評論，對佢嘅表演或印象都係主觀，正如我好多紅星都唔鍾意㗎，佢哋一樣都好多人鍾意，不過我唔會特登周圍留言講人哋壞話之嘛。
至於咪嘴，都係好主觀，有啲人覺得播咗原聲就係咪嘴，拗嚟都無謂。
6個讚
其實同身邊朋友我都唔會傾鏡同姜，就算聽到有人話佢(地)唔好，我都唔會解釋，更加唔會拗
網上如果覺得嗰啲人無心正常討論，就冇謂好花時間回佢地。隔離個po有人形容係打爛仔交，我都覺得係，所以無視佢地就可以
9個讚
講姜無緊要，你地無需過分擔心，好及唔好其實都係比緊能量姜濤。應該多謝隔離po 帶起姜濤話題，屈佢的呈稱一下都係好的。
1個讚
做好自己就夠啦，無可否認係有偏激嘅糖，但亦都有好多理性有禮貌有素養嘅糖。當然執意只看負面野嘅人，只會睇到偏激嗰部份，唔會睇埋其他願意接受批評，明白姜有錯只係同時表明會繼續支持佢嘅糖
所以我只留咗一次言，見個氣氛並唔係想討論就無再回，將時間精神放係更有意義嘅事上
6個讚
https://www.am730.com.hk/本地/ray-online-陳國基-團隊年輕人共同決定請姜濤表演-指若由他選擇會請老歌星/411721
新一代年輕偶像姜濤早前壓軸出場，驚喜現身政府「共創明Teen」畢業禮。負責項目嘅政務司司長陳國基接受報章專訪解釋，佢當時提出邊個最好就請佢返嚟，於是團隊中嘅年輕人落咗共同結論，決定就係姜濤啦。
1個讚
如果比人屈出聲反駁就係偏激，我承認我係，我情願唔做啞忍高質糖。
反駁一次就可以，如果明知嗰班人係挑釁引戰嘅，仲要loop 嚟loop 去掀起駡戰，係將自己降格到同嗰班人同一個level。
loop來loop去因為佢地不停用錯誤方法提出論據，我只係按正常人理論反駁，同唔同level其實無所謂，我又唔會覺得自己高人一等。
咁你其實想achieve啲乜嘢呢？鬧贏場交？但兩邊都冇可能說服對方。想澄清俾其他人聽？咁講一次就夠，重覆嘅論點只會令人覺得煩。老實講你哋開頭對話我一開始有睇，但後尾skip 晒，因為loop 嚟loop 去好煩，你講乜佢講乜都唔會想睇。最後只會得一個印象，姜糖又同人罵戰。
只係你無睇，但我清楚自己論點係對，對方跟本係錯誤，講來講去因為有有人唔同方位舉証, 要呈稱就要清楚交代，人地覺得姜糖點點點每個人有自己睇法，我唔可能滿足所有人。
同意
仲同佢哋講落去只係變相幫緊佢哋
由得佢哋講到夠
到佢哋講到冇野好講就自然會停
等如嗌交咁，兩邊都唔退讓，只會沒完沒了咁嗌落去
如果是但一邊肯停，另一邊得佢一個係咁鬧，鬧鬧下覺得冇癮就會自然收口
唔同佢哋講唔係覺得佢哋啱，而係想件事停落嚟
件事再繼續發酵，對姜濤，姜糖，都唔係一件好事
退一步海闊天空
老實講就算你點澄清都冇用，亦都改變唔到人哋既睇法，既然改變唔到，點解仲要花咁多時間去回post? 其實呢到咁多姜糖都好沉得住氣，亦都知道發生緊d 咩事，所以真係唔需要再繼續計較落去，停一停好嗎？
我見你地甘擔心，已經無回。
2個讚
當佢哋只係普通街客，其實點講，都改變唔到佢哋嘅觀點
但如果佢哋係有心挑釁嘅，繼續回po豈不是中緊佢哋計？
所以無論佢哋嘅動機係點，唔理隔離po係最好嘅處理方法
1個讚
其實唔係沈唔住氣問題，而係屈人的我會出聲。
其實… 我覺得你好可疑，個post 本身好多人話緊姜嗰陣你唔出聲，到開始有人講姜糖理性嗰陣你就突然跳出嚟俾個位人入，跟住成班人出嚟攞住你啲言論嚟話晒所有fans。平時你喺度啲言論都成日挑起仇恨，但有啲嘢又錯唔晒，我唔識定義你係毒粉盲粉定黑粉。不過點都好，希望你可以學吓偶像咁，如果佢真係你偶像。