仲有唔好將佢同隊友比較，搞分化，今集用咗好多時間影mirror，佢都講過，佢想mirror 好。
1個讚
係wor
見到薑濤同LM, Alton, 虎仔一齊食飯，隊員之間好有愛，覺得好安慰 
1個讚
正副隊長講得好好，根本就好正常不會，好想知睇唔過眼嘅係咪外星人？
順便同老人台講埋生日快樂
佢哋大方更顯得老人台小氣。
2個讚
岩岩99台見到Ian彈琴新廣告, 唱得睇得彈得, "造星"居功至偉
個記者又係無腦的，大台台慶係咪要全世界咩活動都唔搞避開佢呀！國慶咩？不如叫政府訂為公眾假期，大家唔洗返工返學啦！
1個讚
D記者真係好鬼煩，乜叉都關mirror 事，正如薑濤紀錄片中所講，好多報導唔關佢事，但都要報導佢，搞到佢地鬼死咁大壓力 
1個讚
季前賽
1個讚
d娛記想撩是非 仲係牛華Leon年代咩 呢招唔WORK架LA
3個讚
如果唔係邊有咁多新聞寫
2個讚
【紀錄片第二集 入行3年 每見fans漸感壓力大 薑濤：可能我未承受得起】
#姜濤 第二集紀錄片取名《 #問題 ？》，由活動上暈倒開始講。正如之前預告片中他那句「唔好諗得我咁脆弱」，薑濤用行動證明。雖然，他經常暈車浪，可能同「餓底」身份有關，對胃唔好，但也反映了他意志力驚人。一班兄弟常說，面對美食，薑濤話唔食，就唔食。
【花姐】
薑濤暈倒，大家都擔心他，他擔心花姐 。「我知道我暈咗，一定會有一大班人話我公司唔好，講花姐唔好，其實唔關事。」他不止一次為花姐平反。這個他百分百信任的人。如外間指公司側重部份成員，或現在說的「上下弦」，他都會挺身而出，但就是不敢在花姐面前講。
小休一日半，薑濤已復工埋位繼續拍戲。早上拍戲，晚上為《拉闊》綵排。「差唔多拍埋呢part拍就放lunch喇！」花姐笑他：「成日掛住放lunch！」薑濤已經知花姐想點：「你想問我噚日嗰單嘢呀嘛？唔係，前日。」數學還是那麼差，唉。他說：「花姐喺度我有啲緊張。」「點解呀？我都想關心下你。」他說：「唔好啦！」作勢逃走，花姐無奈：「唉，我行開喇！」
【兒登】
《叱吒》上，薑濤說希望全港市民督促他們成長。一年下來，大家眼中的薑B仍可愛善良；薑糖覺得BB越來越少話，笑容也好像少了；12兄弟一起成長，正副隊長說阿薑堅強硬淨，平時少講心事。AK謂：「We are one and all，冇問題，頂得住。我哋都會照顧住阿薑。」
「呢半年又《叱吒》完咗，開始就變得奇怪喇我個人。」薑濤在紀錄片說。成長有不同方向，會迷失。令薑濤自覺變得奇怪的還有奇怪的是非。「越嚟越多嘅報道都唔關我事嘅，但唔知點解要報道我。」
奇怪的是非包括傳不和。兄弟互相「欺淩」時，薑濤就會發出魔音，例如笑Jer「肥但樣衰」。Edan出道未幾，台灣傳媒還未認識他，以為他是羅家英小fans，將他的樣子打格。兒登向薑濤自誇：「薑濤，我上咗動新聞喇，你上過未呀？」薑濤淡然回他：「我未上過動新聞但我都唔會俾人打格。」眾笑。「欺淩」是這樣。
兒登向薑濤豎中指，被演繹成「不和」。兩人事先綵排如何面對傳媒。兒登誠懇說：「首先好對唔住薑濤。」稍稍欠身：「我唔應該舉中指嘅…」薑濤已經狂笑。兒登再說：「『欺淩』呢個字其實我從來冇想像過喺我身上發生，通常得我被欺淩。」又補充：「咁但係，男仔之間有時玩得興起，就會咁玩下囉。」薑濤索一索鼻哭音問：「玩？咁玩嘅咩？」Edan撲過去跪求：「俾條生路行吓啦！」
【教主】
紀錄片中，今集多了12兄弟相處畫面。薑濤打趣說Lokman樣子像草泥馬，Lokman就做出草泥馬吃草的爽樣；又示範一秒激嬲教主Anson Lo，向他耳邊吹氣。這對官配CP，一齊出現就派糖。
薑濤曾說，花姐是他最信任的人。去年9月推第六胎《孤獨病》時，他開Live：「我係一個好唔容易信人嘅人，或者話，我唔係咁易100%相信人。甚至係阿海、Anson Lo，都唔會係我最信任嘅人，我最信任嗰個係花姐。佢真係為我哋做咗好多好多嘢。係我哋，唔係話剩係得我。」
Source : 娛壹
1個讚
【薑糖】
不易信人但渴望有朋友。薑濤出道前，曾用半份糧買一對耳環，現在歌迷送他的耳環多得夠開舖，叮囑fans勿再破費。上天補償了他過去沒曾擁有的萬千寵愛，他說。但他懷疑自己未承受得起。
出道時間越久，見到fans的時候，薑濤感壓力就越大。紀錄片中，他說：「其實呢啲event，啱啱出道嘅時候我好開心，因為可以見到fans，因為我應承過大家，希望見到大家嘅時候我係好開心嘅。（現在）我見到大家，壓力就更加大，可能我未承受得起啩。」
至於朋友，他說：「雖然我話我當初入呢行嘅目標係為咗識朋友，但而家我覺得，自己唔係一個咁易識到朋友嘅人。
「或者話，我而家要決定同一班新嘅人去認識佢做朋友，我要說服自己百分之百信任呢個人。」他放開了。其中一個鏡頭，是薑濤與工作人員的背影，薑濤身邊那張側臉，教主無疑。
【薑B】
《問題？》中，薑濤有不少疑惑。例如定型，嬉皮笑臉不認真。「我覺得好困惑，即係你平時嘅image係咁樣嘅時候，大家對我就有個好主觀嘅印象，所以我惟有喺自己作品入面…」
薑濤的天然呆也很令人困惑，這點他有解釋過：「我鍾意講國語多啲，細個最開始接觸就係台灣劇，小豬嗰啲。」「我成日講國語因為我鍾意用國語諗嘢。有時佢哋話我發夢，其實唔係，係因為我load緊佢哋講嘅嘢，佢哋嗰一秒就會覺得，『哎呀又發夢喇！』」
【兄弟】
「呢8個月一路係咁同心入面抗爭緊。一時好似好返啲，一時又好似唔得。第三隻歌（《一天多一點》）係解釋呢一切嘅歌，我自己覺得。係我自己搵到一切解決方案嘅一隻歌。」這首被形容為跟《孤獨病》一樣的遺珠，他說過很喜歡。
日期回到9月16日。《拉闊》綵排，暈倒後首次公開露面，「上到台前我以為會好緊張，結果又冇嘢。一上台攞住咪唱係一種好開心嘅感覺，無論甩咗定係係咩，我都唔會覺得慌張。」
演出當晚，兄弟們在台下打氣。AK聽到他唱《特登》時興奮得企起身跟住唱兼派心。教主也是。薑虎關注組的虎仔在扭腰。結尾訪問了幾位薑糖，每粒糖都有洋蔥。字幕打出：「答案也許未知，但知道的是，『你不是獨自面對的』。」
那個第一次跟花姐去大阪搭頭等、不住發出魔音傻笑的薑濤，那個開Live諗唔到嘢講索性匿入被竇「逃避現實」的薑B。成長過程很漫長，有些畫面可能只得一次。但薑Man，你不會獨自面對。
紀錄片播完。薑濤又派糖。在IG Story貼YouTube留言cap圖。其中一張截圖上方是薑神CP。還是海港城觀景台，薑Man指著教主大笑。大家的留言他都會看。
Source : 娛壹
1個讚
到今日仲問打波單嘢。
打場波都冇私隱，心痛薑濤。
娛壹一路好努力地考古，唔好再叫佢姜b 啦，講過好多次唔鐘意。
依家班記者成日想挑起罵戰，好彩班鏡仔答問題一向得體，反而令人更鐘意佢哋。
咁你個女鍾唔鍾意薑濤?
佢都ok鍾意嘅
或者咁講啦，mirror裡面佢最鍾意姜man個性格
但就比較鍾意Jer 首砂之器
我淨係知好多人like Mirror
昨日剛喺youtube睇咗段片，係講薑濤暈低前一日個工作行程。一早去拍攝場地，嗰日佢要同阿Jer拍打架戲份，大太陽底下著住件厚衫，不停試位打架。拍完阿Jer走得，薑濤留低繼續同Mo姐喺海邊拍戲至淩晨兩點先走得。到咗第二日就去海港城啦，睇完段片都“登”佢辛苦。
1個讚
呢到薑濤本命fans, 是否知道下星期一要投票？如果知就唔需要回應我，如果唔知嘅可以pm我傾