姜濤(Keung To)8月3日至5日，在亞洲國際博覽館舉行首次個人演唱會。為慶祝姜濤首次個唱，遠在美國的姜糖們都鼎力支持，「姜濤美國應援團」準備430個快樂・順景的「薑汁蛋撻」，在演唱會首天免費派發，與大家一同分享快樂。
姜濤美國應援團 8月2日派快樂．順景「薑汁蛋撻」
日期：2023年 8 月 2 日（三）
時間：早上11時 及 下午2時（共兩場）
地點：快樂．順景 — 銅鑼灣蘭芳道 3號地下
“濤” 前奏
【開Show前夕推出主題曲《濤》】《姜濤Keung To “Waves” In My Sight 個人演唱會》將於明晚起正式展開，為了這次演唱會，姜濤特別製作了演唱會主題曲《濤》於開Show前夕推出，進入最後綵排階段的姜濤，特別披露了今次演唱會細節，讓人引頸以待。
《濤》用上姜濤的名字，除了源於填詞人小克過去在《鏡中鏡》的一句歌詞「我是濤」外，其實亦因為今次演唱會的主題是「Waves（浪濤）」，但過去的作品卻未能帶出主題，姜濤說：「「以往自己嘅作品都有好強烈嘅主題喺入面，所以一直都搵唔到好合適嘅歌去演繹成個演唱會主題，所以就希望寫一隻純粹關於水嘅歌，咁啱自己個名又有一個『濤』字，所以就用《濤》作為歌名，好多謝小克老師幫忙寫咗呢隻歌。」「濤」是水的其中一種形態，姜濤說：「水好多樣化，當中仲包含好多哲學喺入面；好想自己好似水一樣，無論喺想法、做人處事，又或者具體啲，喺做嘅歌曲音樂類型上，都一樣有好多唔同形態展現出嚟，而今次《濤》呢首歌，係想話俾大家聽，我會用一種好自己嘅方式，去帶動『水』，即係我自己去流動。」
據姜濤形容，《濤》是很炸場的一首歌，會聽到猶如瀑布、浪濤一樣的氣勢，姜濤說：「呢首歌就好似要話俾大家聽，我要嚟喇！」為了營造這種氣勢，今次《濤》找來合唱團演唱歌劇式的和音，副歌方面亦好易記，姜濤說：「過去作品裡面應該都未有過咁樣嘅Hook Line俾大家聽到。」《濤》將會在今次演唱會上作首次公開演出，當中會有舞蹈去表達水的形態，姜濤說：「唔想好純粹用而家好常見嘅街舞形式去表達水嘅形態，所以會用好多布去營造水嘅感覺，同時舞蹈上除咗Urban Dance之外，仲會加入現代舞嘅元素，大家會睇到一個好豐富嘅大畫面。」
說回演唱會，為了配合演唱會主題，今次姜濤亦會嘗試不同的舞種，他說：「正如水一樣喺唔同形態有唔同嘅形狀、方式，包羅萬有，今次喺演唱會入面都會用唔同曲風、舞種串連成個演唱會，所有舞種甚至溝埋一齊，唔需要特別區分。」但腳傷可會形響排舞？姜濤大派定心丸，道：「Keep住有做物理治療，帶住腳箍跳舞都OK，唔使擔心！」除了《濤》以外，在今次演唱會姜濤亦會唱出多首從未曝光的新歌，還有意想不到的內容及驚喜，被問到姜糖要如何準備迎接演唱會的來臨，姜濤只簡單道：「準備一個好嘅身體嚟睇表演就可以，唔要求大家做咁多嘢，好好地睇就得了。」
【姜濤首個個人演唱會聽日開鑼 預告演出如水多變 混合新舞種及唱新歌 ｜ 今出個唱主題曲《濤》 「就好似要話畀大家聽我要嚟喇！」】
《姜濤Keung To “Waves” In My Sight 個人演唱會》聽日開鑼，姜濤以「WAVES」作為演唱會主題，除咗配合佢個名外，佢透露今次演出會試不同舞種，「正如水一樣喺唔同形態有唔同嘅形狀、方式，包羅萬有，今次喺演唱會入面都會用唔同曲風、舞種串連成個演唱會，所有舞種甚至溝埋一齊，唔需要特別區分。」但腳傷會唔會形響排舞？姜濤就向fans派定心丸：「Keep住有做物理治療，帶住腳箍跳舞都OK，唔使擔心。」姜濤今日推出個唱主題曲《濤》，喺演唱會入面當然會唱，但其實佢仲會唱出多首從未曝光嘅新歌，被問到姜糖要點樣準備迎接演唱會，姜濤話大家準備一個好身體嚟睇表演就ok，「唔要求大家做咁多嘢，好好地睇就得啦。」
新歌《濤》用上姜濤名字，源於填詞人小克寫嘅《鏡中鏡》歌詞「我是濤」，另外亦因為個唱主題係「Waves（浪濤）」，而「濤」係水嘅其中一種形態，姜濤講返：「水好多樣化，當中仲包含好多哲學喺入面；好想自己好似水一樣，無論喺想法、做人處事，又或者具體啲，喺做嘅歌曲音樂類型上，都一樣有好多唔同形態展現出嚟，而今次《濤》呢首歌，係想話畀大家聽，我會用一種好自己嘅方式，去帶動『水』，即係我自己去流動。」
姜濤形容《濤》係首炸場歌，會聽到好似瀑布、浪濤嘅氣勢，「呢首歌就好似要話畀大家聽，我要嚟喇！」為咗營造呢種氣勢，特別邀請合唱團演唱歌劇式嘅和音，副歌方面亦好易記，姜濤說：「過去作品裡面應該都未有過咁樣嘅Hook Line俾大家聽到。」《濤》會喺KT演唱會上首次公開演出，當中會有舞蹈去表達水嘅形態，姜濤說：「唔想好純粹用而家好常見嘅街舞形式去表達水嘅形態，所以會用好多布去營造水嘅感覺，同時舞蹈上除咗Urban Dance之外，仲會加入現代舞嘅元素，大家會睇到一個好豐富嘅大畫面。」
【HK SoundBite 香港聲勢榜綜合週榜：2023 年第 30 週】
《HK SoundBite 香港聲勢榜》參照外國 Billboard, iChart 同埋 Oricon 具權威性嘅綜合歌曲排行榜，整合香港 11 個主流播放媒體包括音樂串流平台、電視以及電台嘅歌曲週榜，先根據各個歌曲榜單上嘅歌曲排名俾個分數，再就住榜單嘅媒體類型、媒體市場佔有率以及榜單排名計算方式總共三方面進行加權，以綜合估算歌曲喺各個播放媒體嘅播放廣度，反映出歌曲嘅整體流行程度 
…
今個禮拜，姜濤嘅《DUMMY》繼續佔據我哋嘅榜首位置，連續四個星期成為綜合週榜嘅冠軍歌曲
。綜合香港現有嘅 11 個週榜，今次《DUMMY》合共打入 8 個榜單，包括 Spotify, Apple Music (過去 7 天日榜之總數據), YouTube, KKBOX, JOOX, MOOV, 香港電台以及新城電台嘅週榜，全部排名依然穩守十大，屹立不倒
！
曲風, 定位一向都係歌手常要面對嘅問題
曲風一成不變, 樂迷好快會厭倦
但唔少歌手一轉曲風就出事
聽過唔只一個追開星嘅朋友講過, 佢哋最後脫粉嘅原因係歌手轉咗曲風
佢覺得d歌唔啱聽
成班美國姜糖返嚟派蛋撻。
現場直擊，好多糖，好開心呀！
有片丨姜濤演唱會頭場 親落姜濤灣體驗應援 視姜糖為真正屋企人 林海峰想每年頒我最喜愛獎給姜濤
姜濤一連四場「KEUNG TO “WAVES” IN MY SIGHT SOLO CONCERT 2023」，昨晚（2日）假亞博開鑼，逾3,000姜糖於開場前齊集大合照，為姜admin吶喊打氣；「奶奶」姜媽入場時，現場一陣尖叫歡呼，姜媽親切地揮手答謝。
8時29正式開騷，姜以新歌《濤》揭序幕，舞者以布幅做出水的形狀呼應濤，負責舞蹈編排為梅卓燕，乃國際著名舞蹈家及編舞家，被譽為香港「舞蹈大使」。姜曾說請了一位很有份量的人幫手編舞，相信就是梅老師。
姜解說個唱取名為濤WAVES的原因：「因為過去一年，無論我個人同團隊都經歷好多浪濤，我希望自己好似水一樣，可以有一萬種形態，用所有形態、心態接受所有批評同自貶，今日將會為各位帶來…」說到此突然忘記台詞，姜都笑：「太正經講嘢都唔係好啱我。」之後唱《我只在乎你》送給姜媽，十分溫馨。
第一位嘉賓肥仔攞毛巾上台，叫姜：「幫我簽個名，唔夠啲味，索多兩啖。講真，我成日收dm問幾時表演《特務肥姜》？衰仔應承我開solo con請我做嘉賓。」之後合唱《特務肥姜2.0》。唱《孤獨病》時，姜坐在波濤洶湧形狀的櫈上，似獨個兒在對抗巨浪，對比他的孤獨！
之後現場播片段，是姜坐七人車落姜濤灣，他在車內讀fans信、睇應援片，「嘩原來美國咁多fans」應援片中，美國、大馬、英國、澳洲、加拿大糖姜齊喊支持。姜說：「聽工作人員講，有姜糖舉牌舉好耐，嗰種付出係我想像唔到…成日講好多『粉絲辛苦晒』，但其實係咪真係明白佢哋嘅辛苦？我想今日自己親身感受。」變身「姜糖」的他，站在姜濤灣街頭上舉燈牌，廿分鐘後嗌好攰：「姜濤係咪好乞人憎，真係好攰，諗到佢哋每一個都企過喺度…」片中姜糖齊喊：「風雨不改，永遠支持你！」
姜濤說：「覺得好對唔住大家，我應該stay耐啲，諗起佢哋咁樣去迫，有啲心翳，淨係覺得自己做歌表演就足夠，但覺得自己做得唔足夠，尤其呢兩年，某程度仲好驚冇支持自己嘅粉絲，覺得自己冇乜自信面對大家，好對唔住大家，唔應該懷疑你哋喺唔喺度，我應該同大家緊密多啲，入行5年以嚟，從來未試過咁想見到你哋，由呢刻開始，將你哋變成我生命中真正屋企人，辛苦你哋。」全場叫姜濤我愛你。
之後姜首唱另一首新歌《好得太過份》送給姜糖：「你哋真係好得太過份，我有乜做錯可以同我講，大家有咩錯，我都可以提點大家。」他記得第一年生日時，大家送了一首歌給他，他現在送一首歌回報姜糖。
…
有片丨姜濤演唱會頭場 親落姜濤灣體驗應援 視姜糖為真正屋企人 林海峰想每年頒我最喜愛獎給姜濤 (cont.)
…
跟著，現場播姜在叱咤拎我最喜愛的男歌手片段，原來第二位嘉賓是林海峰，全場拍掌，林生鬼說：「姜濤第一次攞我最喜愛男歌手，因為疫情關係，現場有啲遺憾，我等咗三年，今晚再頒過…有請姜濤出嚟。」
林海峰問姜：「你做唔做得番當年表情，再頒畀你之前，我有啲嘢想講，過去三年，呢個獎唔係只屬於你，我想頒畀姜糖，佢哋作品隨時多過你嘅上榜歌，想問你哋買咗幾支牙膏？食咗幾多炸雞？買咗幾支汽水？隊咗幾支啤酒？買咗幾份保險？呢啲就係用作品說話。」全場大笑，姜都笑出聲。
林海峰再說：「所以呢個獎唔止屬於你，係屬於姜糖，我真係想講一句，你哋真係好勤力，樂壇需要你。姜糖除咗為廣告界帶嚟新面貌，亦為廣播道帶嚟新面貌，每次去《口水》做訪問，我返到去見到大閘坐晒姜糖，早過我返《晴朗》，你知唔知最近商台為你哋換鐵閘，我喺商台返咗3、40年，商台咁多年只係換節目主持人同廁紙，冇換過其他嘢，但最近為姜糖換晒鐵閘，所以呢個獎屬於姜糖，前排30幾度，我返《晴朗》見到擔住把遮、細個搵軟硬，而家變阿媽嘅姜糖，成班盧覓雪咁，百幾人冇人暈低，所以你都唔可以再暈啦！」姜忙應承答「係」。
繼續妙語如珠的林海峰：「姜糖其中一個最重要，將銅鑼灣變姜濤灣，銅鑼灣揸弗人係邊個知唔知？浩南（鄭伊健)去咗福岡退休；自從我頒完獎畀你，我人氣急升好多，創事業高峰，全部寫『感謝林公子咁愛錫姜濤』，我自己得獎都未有咁多留言，只係有『樂壇已死』、『香港玩完』、『林狗都紅 天理不容』，所以姜濤你要繼續努力，成為我最喜愛的男歌手，我就有機會冧莊做頒獎嘉賓，所以你要努力，你嘅努力唔係你口中衝出亞洲，成為亞洲第一或韓國羅湖，係為咗林公子嘅成就，講講吓，個獎係屬於我，你頒畀我，我最喜愛嘅頒獎嘉賓。」
姜乖乖聽話頒獎，林扮返姜當年O咀樣，說：「我應承大家，我會努力頒獎畀佢，希望後輩每年都提攜前輩，冇你冇我。」並搞鬼宣佈自己將在亞博舉行3場演唱會，又說：「約定你一月一叱咤見」全場拍掌。
當林海峰落台後，姜坦言之前冇綵排：「每年叱咤唔係驚獎，係驚林海峰前輩出嚟嗰吓，總有意想不到嘢發生，完全估唔到佢做乜，每次都係驚呢件事；林海峰前輩係我想請嘅嘉賓，覺得佢係好神秘，想問佢點諗到嗰啲，頭先準備演唱會都完全見唔到佢個人，到出嚟嗰下先見到，林海峰前輩喺叱咤改變咗我演藝事業方向，正所謂…諗唔到，無論攞唔攞我最喜愛都好，之後嘅路好長，無論以後攞乜獎，希望每個都成為屋企人，成為最親近嘅人，嗰個我最喜愛就夠。」
尾聲時，姜多謝背後所有dancers，又再感謝姜糖：「你哋每位都係我屋企人，有乜批評都虛心接受，最後一首歌，我哋唔再需要《蒙著嘴說愛你》。」個唱結束，台上升起巨型姜吹氣公仔，手持一粒糖。
【姜濤演唱會】姜濤 Waves In My Sight 演唱會掀序幕 姜糖迫爆亞博館兼帶旺附近酒店生意
《姜濤Keung To “Waves” In My Sight 個人演唱會》在周三（２日）終掀起序幕，在接近８點半姜濤現身以演唱會主題曲《濤》正式開始。MIRROR 4子的Solo演唱會，姜濤是繼阿JER和Anson Lo之後第三位舉行，由於姜濤向來一舉手，一投足都受到外界關注，故他的個人演唱會自然也備受注目，現場所見，場內座無虛席，部份沒有門票的粉絲只能到應援區打卡留念。姜濤個人演唱會門票一票難求，甚至有些較近舞台的最佳位置有指炒價逾萬元，也要有人脈才能買得到。
姜濤既然被稱為人氣王，也深得廣告客戶愛戴，由他代言的產品都不用擔心是甚麼，只要有「姜濤」兩個字就必熱銷，當然這除了是姜濤的叫座力，也要歸功於姜糖的購買力，所以首場演唱會嘉賓林海峰要重演再頒一次「我最喜愛的男歌手」獎項給他時，笑言想把這獎項頒給他的姜糖，因為他們在過去3年也是真真正正的「用作品說話」，而林海峰所指的，是大家「落力掃」姜濤的代言產品。
林海峰問姜糖們：「你們買了多少枝牙膏？食了多少炸雞？令了幾多汽水？買了幾多枝啤酒？有沒有做Body check？買了幾多份保險？」他笑言，姜濤的代言猶如一條龍服務，逗得現場笑聲不斷。
此外，姜濤舉行演唱會其實還刺激了一類消費。由於演出場地在亞洲博覽館，雖然現在香港交通便利，乘搭巴士鐵路也很方便，但因為不少粉絲都不止觀賞一場演唱會希望省卻每日來回的時間，加上大批專程從海外回來觀看姜濤演唱會的粉絲也要安排住宿，所以這幾天正因為姜濤演唱會，而帶動了亞洲博覽館附近幾間酒店的入住率，更有些房間的房租因而飆升了。
所以說姜濤除了站在舞台上有個人魅力，在推動經濟方面也甚有影響力。無論大家是否支持他，這些都是可從商品的銷售數字中「用數據說話」。
話說回來，今次演唱會主題曲《濤》用上姜濤的名字，除了源於填詞人小克過去在《鏡中鏡》的一句歌詞「我是濤」外，亦因為今次演唱會的主題是「Waves（浪濤）」，但過去的作品卻未能帶出主題。如姜濤形容，《濤》是一首很炸場的歌，會聽到猶如瀑布、浪濤一樣的氣勢，他希望用這首歌跟大家說：「我要嚟喇！」
首場演唱會，姜濤表現令大家眼前一亮，有感動得令姜糖哭濕不止一張紙巾的畫面，也有逗得全場哈哈大笑的情節，而過去多月承受著網上欺淩、攻擊的姜濤，從他表演期間臉上經常流露出的笑容，也是過去一段時間少見。
#《香港經濟日報》iMoney
記者：張以正
呢段片真係好感動
關於新歌《濤》
有片丨《Wave》演唱會首唱《濤》
姜濤：本身是濤，注定不能風平浪靜
「浪濤能成為萬般形態、以柔克剛」
…
Edward Chan 分享了一條短片，香港浸會大學音樂學院 為《濤》錄製和音，氣勢磅薄。姜濤多次預告《濤》屬「炸場」作品：「用一種好自己嘅方式，帶動水流動，好似瀑布、浪濤一樣，話畀大家聽，『我要嚟喇！』」又說副歌非常易記：「過去作品裏面應該都未有過咁樣嘅Hook Line（歌詞中最點題一句）畀大家聽到。」
【瀑布與濤】
《濤》用上姜濤的名字，一來是源於填詞人小克在《鏡中鏡》歌詞「 我是濤 」，亦配合個唱主題「Waves（浪濤）」。頓悟後用力吐的懷疑、懦弱、靈魂和內臟，最後多到變成瀑布，被浸沒如洗禮一樣才發現「根本 我是濤」，經歷了轉化。由外界步步追迫，反思細意探視，追求內在的自己，我就是我，不是別人口中不同的「我」。
由《 MasterClass》MV一把火燒掉了「我」，到《鏡中鏡》意識到一直追趕自己的藏鏡人就是自己，跟自己和解；《Dummy》在捆繩中掙扎，發生連串「趣事」（磁場過量 如花式表演誇張／力量變重量 另類當漂亮／突異的音量 要鏗鏘卻放空槍），在混亂中再校對軌跡。《濤》甫開始主角已墮入瀑布中：「破 鏡映／吐 聖詩／墮 瀑布／方知 根本我是濤」，濤注定不能風平浪靜。「我」這命題，在姜濤作品中從未缺席。
【小克：不如搵人寫啲輕鬆情歌俾佢平衡吓啦！】
小克曾形容姜「老派」，每次邀請他填詞（《鏡中鏡》及《作品的說話》）也是經監製Edward Chan邀請，以示尊重；每次稱呼他必定加「老師」兩字：「佢分尊卑分到係我都驚…佢係好尊重你，差唔多想買個果籃畀你嗰種。」今次亦然。小克形容《濤》歌詞比《鏡中鏡》「淺返少少咁啦」。他回覆《娛壹》表示：「前兩個月，有日姜濤through Edward搵我寫一首好有氣勢嘅歌，我話吓？又嚟heavy嘢？已經連續幾首，我話不如搵人寫啲輕鬆情歌俾佢平衡吓啦！我都想聽嗰啲多啲。佢話唔係呀，係佢演唱會主題曲所以想有啲氣勢。而因為演唱會名稱叫Waves，係來自《鏡中鏡》嘅一句『我是濤』，所以搵番我寫囉。」
【海納百川：只需要做好我哋可以控制嘅嘢】
姜邀請小克寫《鏡中鏡》時，曾寫長文表達想法，《濤》也有。小克說：「佢briefing係：新歌將成為『我是濤』演唱會主題曲，所以整體以突出氣勢為主，內容上希望呼應主題，重點帶出信息：雖然本身是『濤』，注定不能風平浪靜，但浪濤可以承載巨艦、可以衝擊上岸，更能成為萬般形態、以柔克剛。所以只要內心堅持逆流而上的勇氣和決心，定可以成就自己。」
因為姜想要有戰艦，於是有了「托起一艘戰艦」一句；他要求chorus寫英文，「咁咪Ocean囉，波瀾壯闊啲吖嘛，又同emotion押到韻。所以內容主要都係佢諗，我照跟briefing寫。」
「但交歌詞時我話，《鏡中鏡》、《Dummy》之後嘅新階段，並唔係『只要內心堅持逆流而上的勇氣和決心，定可以成就自己』，而係更豁達地：融入大海去接納從不同河流而來的水，不管好水壞水，喜怒哀樂，都如海納百川。我哋只需要做好我哋可以控制嘅嘢，控制唔到嘅，don’t care。」
【籲姜糖：準備一個好嘅身體嚟睇表演就可以】
姜濤則說：「好想自己嘅想法可以好似水一樣。水好多樣化，做人處事都有好多哲學喺入面。以往自己嘅作品，主題、目的性都好大，希望寫一隻純粹關於水嘅歌，就用自己個名『濤』做一隻歌。好多謝小克老師幫忙寫咗呢隻歌。」
舞蹈方面，會用大量布匹營造水感，姜謂今次演出會嘗試不同舞種：「正如水一樣，喺唔同形態有唔同嘅形狀、方式，包羅萬有，所有舞種甚至溝埋一齊，唔需要特別區分。」至於膝患，他說：「Keep住有做物理治療，戴住腳箍跳舞都OK，唔使擔心！」又反過來擔心姜糖，說：「準備一個好嘅身體嚟睇表演就可以，唔要求大家做咁多嘢，好好地睇就得了。」