明天Do姐訪問姜 
4個讚
上次上去冇錄以為會冇，期待 
3個讚
姜濤接受Do 姐訪問
2個讚
原來姜仲未整好隻腳 
1個讚
係呀，心痛佢
唉！ 個傻仔搞咩，真係令人擔心
唉，真係令人擔心
5:40開始
姜有義氣，為大表哥仗義執言
1個讚
《口水多過浪花》丨姜濤成功抗衡服裝師 堅拒34度炎夏再著褸 Do姐讚sweet boy感性良善 姜濤感慨：伴隨好多痛苦事情先大個
姜濤早前透露做運動時再弄傷腳，一直未再交代最新情況。今日（11日）姜到商台接受鄭裕玲（Do姐）《口水多過浪花》節目訪問，Do姐首先關心他的身體，姜濤說：「好好，知好多人擔心我隻腳，keep住做康復訓練，大家唔使擔心。」
姜濤指入行前有次打波被撞一下，就整斷了韌帶，「當時唔知咁大件事，一直冇為意，嗰次籃球賽都冇駁番韌帶，冇辦法，因為康復時間太耐，要6-9個月，我冇咁多時間，惟有清晒碎骨出嚟。因為斷得七七八八，就算駁番都好難好得番，但相對都好啲。」姜指各方面包括醫生好多人幫他，每次跳完舞做衝擊波。
【否認跟髮型師緋聞】
問到心情，姜先自欺欺人：「今年都好好…」接著才認真說：「我覺得呢行風水真係幾靈，犯太歲好應，一嚟又受傷，又是是非非。」Do姐分享人生經驗，冇人會100%獲讚，問姜是否常想得負面？他說：「其實我對報道點講我唔緊要，但講到屋企人同身邊工作人員，影響到人，我覺得對唔住大家。」
Do姐即關心是否包括最近跟髮型師的緋聞？姜直言：「佢真係我入行冇耐就幫手，我同每一個身邊工作人員都係咁相處，可能人哋生得靚啲高啲就俾人寫，我覺得影響人哋生活同工作，我會好內疚。而家知道，身為公眾人物要收番埋啲自己，惟有多啲注意，都係嗰句，我份人工包，藝人冇私生活可言。」
Do姐教姜如認同當中箭，就跌落唔開心陷阱，姜說：「我明，由今年年頭經歷咁多是非，學識接受大家所有評論，無論好定唔好，我都袋喺袋，有啲人可能純粹想攻擊你，都會睇吓佢係咩原因，自己都要做好啲。」Do姐問現在的他是否開心？姜說：「ok，一般，我唔可以呃大家話今年好開心，但我會朝住開心方向行。」問將來拍拖會否承認？姜說：「睇另一半意願，拍拖唔係需要遮掩事，但好多嘢要雙方決定，我冇乜所謂。」Do姐教他公眾人物有權唔分享，姜說：「可能自己諗得有啲慘，我都覺得啱，藝人有權力。」
擁有大批姜糖的他，今日到電台訪問，有很多姜糖在等候，Do姐問姜知唔知自己點解咁受歡迎？他說：「聽粉絲講，有時作品之外，人品都可能係佢哋追求原因，希望自己保持正能量畀佢哋，知自己有時比較負能量。」Do姐再傳授經驗之談，教姜經過批評後，當是學習袋住，他說：「有前輩同我講，呢個係上天畀我考驗，我會檻過去。」
日前姜宣佈停玩IG等社交網，他解釋：「今年年頭冇玩幾個月，當時網上好多負面報道，關閉咗幾個月，發現生活可以好專心，幾享受唔玩IG，而家都幾好，生活上專注演唱會。」
話題轉到8月個人演唱會，姜指演唱會槪念想了很久，始終第一次做個人演唱會好緊張：「我是濤畀好大靈感，覺得我命中有濤字，我都想好似濤，經歷幾多風波都好，希望內心歸於平靜。」姜並透露個唱得到好多他仰慕的人幫助，如有位大師級排舞師，「大家知佢幫我，會好開心好驚喜。」
2個讚
《口水多過浪花》丨姜濤成功抗衡服裝師 堅拒34度炎夏再著褸 Do姐讚sweet boy感性良善 姜濤感慨：伴隨好多痛苦事情先大個 (cont.)
【成功爭取唔著褸】
今日姜穿了一件黑色恤衫現身，連Do姐都好奇說：「識咁耐，今日著得最薄，一件裇衫，之前諗緊姜濤會唔會著褸。」姜興奮：「其實呢個喺屋企著出嚟，我冇換衫，唔想每次訪問著到好隆重，今日服裝師同我拗好耐，由朝早拗到而家，佢話唔得，唔可以咁單薄，我話想焦點喺訪問內容，而唔係我點著衫。」問是否一個轉變？以前好聽話地去著？姜說：「應該話入行越耐，越知自己乜場合狀態最舒服，因為天氣真係好熱，好難再去著長褸短褸或幾件衫或戴帽，我覺得自己舒服最緊要。」
Do姐問以後會否自己揸多些主意，打扮歌曲演唱會之類？姜說：「一直音樂有好大自主權，不過嚟緊生活打扮有多啲自己諗法，人大咗，越嚟越多嘢想去表達番自己。」Do姐贊成：「起碼拒絕著褸先，今日好姜濤。」姜開心：「你係咪覺得好好先，服裝師聽到啦，佢朝早同我拗咗一個鐘，好想我著褸，入面一件、打底一件、再著番件褸、換番條褲，我話唔使，我覺得今日件衫唔係好差，幫我熨吓得啦！」
至於外界很關心姜濤體重一事，問會否是他的長期煩惱？姜說：「以前肥仔底，加埋之前受傷有一排冇做運動，自己好有壓力係咁食嘢。」Do姐指隊友都戥姜慘，因他飲水都肥，姜苦笑：「你見我呢杯水都冇飲，惟有努力，冇藉口。」Do姐叫他唔好唔開心，因姜唔開心就食，姜坦言：「而家漸漸地，唔開心程度令我食嘢都唔想食，以前食嘢會開心啲。」
【叮囑姜糖陪家人去旅行】
Do姐讚姜是sweet boy，非常感性，心地良善，但面對批評會好在意上心，她以前輩身份教姜，要識分好意見和惡意批評，不可輸畀攻擊，令對方心涼，姜說：「我識得分，媽咪話做呢行要多謝任何一個攻擊你或讚你嘅人，要肯去聽。」姜指和家人去旅行時最開心，早前姜帶家人去旅行，又跟姜媽講「Ｉ love you」：「想同粉絲講，留多啲時間陪屋企人，我唔係你哋心目中嘅第一名，屋企人先係你哋嘅第一名，趁有能力同身體時，帶佢哋多啲去玩。」
姜最喜歡唱歌，雖然表演會好緊張，但上完台好過癮，而演戲對他來說，仍有很多學習地方，「知演員要忘我，但自己未做到，自己對演戲好多嘢未識。」Do姐謂感覺到姜想轉，唔想一世做同一角色，問如劇本冇得靚仔要增肥肯接嗎？姜聽到肥字第一反應：「吓，夠啦已經，仲嚟，唔使啦！我覺得冇所謂可以嘗試，如果要突破冇乜所謂，演員首先要尊重套戲。」
2個讚
《口水多過浪花》丨姜濤成功抗衡服裝師 堅拒34度炎夏再著褸 Do姐讚sweet boy感性良善 姜濤感慨：伴隨好多痛苦事情先大個 (cont.)
【唔會再講退休】
接著介紹新歌《Dummy》，姜指覺得自己都是dummy，覺得自己曾迷失了初心，所以用這首歌自嘲，Do姐問姜是否很介懷別人如何看他？姜說：「有人話想自己成為乜人，就諗吓喪禮上主持人會點講你，我好簡單，想係一個好善良嘅人就夠，所有作品都係秉持呢個方向做，下年嘅歌，想講一系列關於放低嘅故事，呢行好需要放低好多嘢，要有放低比較心態，好多時候唔係自己想，係外界會擺嚟比較，好似 #MIRROR 觀眾會話上下弦，不得不比較，人有好多面，要識同自己陰暗面相處，我一定唔會比較。」
Do姐問另一樣放低，唔會再講想 #退休？姜說：「唔會啦，我有吸收大家畀我嘅意見，每次講呢件事，粉絲又好，所有支持我嘅人都唔想。而家為咗屋企人、自己粉絲，我知道就算有日要離開，都要做咗好多令大家好驕傲嘅嘢，好驕傲同大家講我交咗好嘅成績表，唔會講退休，講轉型、改變。」24歲的他，認為29、30歲是轉變的時候，首先對身邊工作人員要多些照顧。
最後，Do姐指感覺姜大個了成熟了，他感嘆：「不得不大個，大個係會伴隨住好多痛苦事情先大過。張繼聰前輩都有同我講，番轉頭睇，會知道是最好安排。」Do姐指他今日唔著褸已勝一仗，「希望你喺唔開心時候，可以開心啲。」姜說多謝。
2個讚
好欣賞佢咁講，佢真心想fans好
唔係只想d粉為佢付出金錢，時間，等人知佢有幾多人圍有幾紅
2個讚
我覺得佢講呢啲說話,都係真心的,欣賞佢
2個讚
好勁，佢有幾個月近乎全停，都可以no.1
3個讚
3個讚
3個讚
