之前睇樂評話“鏡中鏡”都有hip hop trap嘅元素
但我嘗試研究過但都唔識 
邊度有得聽？
我試下搵返
今日個訪問好值得聽
1個讚
姜今日訪問話今年會出輕鬆d嘅情歌
下首歌已經錄好
應該演唱會前會出到
1個讚
叱咤樂壇訪問姜濤 （共兩part)
(包括訪問梁柏堅）
片：keung_show / 903music ig live
聲：903直播 （1:00開始）
2個讚
唔該晒，我搵到啦，但part 2 最後冇段，個dancer 冇左
1個讚
我係覺得佢好傷，可能有情緒病，如果唔係點會收埋自己咁耐呀
1個讚
聽完訪問和佢解釋dummy 概念， 我有d 唔明
佢話佢係Dummy: 係比邊個操控？外間聲音？公司？
佢要敲醒自己：但係已經聽好多聽音和批評
訪問中，我覺得佢自己對叱吒表演方法，佢係有自己諗法，我覺得佢係覺得冇問題，只係大家唔接受。
大家會唔會咁理解？
2個讚
佢腳傷好嚴重，手術原本做個幾鐘但做了4個鐘，𥚃面全部爛晒，要拎走晒所有軟組織同碎骨，等佢自癒重生，醫生話可能以後唔可以跳舞
當然內心都有受傷，一方面擔心自己腳傷恢復狀況，又同時承受外面咁多想佢死嘅抨擊，可以想像佢嗰段時間真係好難捱，如果唔係都唔會叫公司雪佢，佢想比時間自己沉澱下
幸好佢內心夠強大，自省能力高，現已對一切釋懷
5個讚
情緒點都會受困擾
但應該又未去到情緒病咁嚴重
2個讚
相信對佢打擊都好大
2個讚
我明白佢嘅諗法同想表達d乜
我覺得係冇問題
不過我自己就唔鍾意
2個讚
我一直都支持佢有自己表達方式，所以唔覺得叱吒表演有問題，好彩佢都係咁諗，咁先至有自己style, 唔做dummy
6個讚
梁栢堅係商台錄音訪問，話一個年輕人面對海量負評，仍可以有咁高壇數，有自省自嘲能力，好多大人都未必做到
梁栢堅係段訪問講咗2-3次大家要珍惜姜濤
9個讚
都係表達自己既一個創作，我欣賞呢種表達方式，呢種藝術唔係為取悅人，有邊個夠膽甘做？ 姜濤就係有甘既創意及膽識，你可以唔鍾意，佢都係為香港舞台寫下歷史。最重要係佢情感表達係真摯的。
4個讚
姜濤《叱咤》後主動提出雪藏自己 過百姜糖冒熱等候獲偶像簽名兩分鐘
姜濤推出第十一胎作品《Dummy》，自叱咤事件後，姜濤自覺不滿意自己的表現，希望推出一首能夠道出心聲及提醒自己的作品，最後足足花了四個月才籌備好新歌。今日中午一時左右，姜濤從商台正門步入電台，接受節目《叱咤樂壇》的訪問宣傳。
過百姜糖無懼極端酷熱的天氣在商台外守候，商台職員看到這個情況，在門外增設帳篷讓姜糖及記者們遮蔭，更開放部份室內位置讓他們等侯。由於天氣太熱，姜濤今早在IG限時動態出post留言道：「今天真的很熱！待會的電台訪問，大家真的不要勉強在門口等，擔心你們會很辛苦，有不舒服的趕緊給我回去！」期間突然下起大雨又行雷，姜糖們仍然風雨不改地默默守候偶像，訪問後，大約2時50分，姜濤在工作人員的陪同下在後門離開，離開前姜濤特地行近姜糖為他們簽名近2分鐘，上車前不忘揮手道別。
姜濤在訪問中大方分享自年頭叱咤頒獎禮表演後被批評的心路歷程，當時經歷完腳傷的他表演《鏡中鏡》後，引來極大迴響，他自己亦有一段時間不敢看回自己的表演，事後他更主動向公司提出雪藏自己數個月，又決定一年不出歌曲，希望藉此沉澱一下自己。那段時間姜濤直言經常跑山鍛鍊自己和減肥，又看了不少心靈雞湯，其中一句說話令他深刻，就是面對抨擊時，就好像有很多石頭拋向自己，但那些石頭其實是黃金，取決於自己心態會不會吧那些石頭拾起面對。
直到2月姜濤收到花姐通知，指今年四月西九會有一個表演計劃，第一反應他還在想要不要拒絕，最終姜濤決定面對自己，不再逃避，在西九表演決定一定要再次把《鏡中鏡》放入表演歌單，用行動說話！而《Dummy》這一首歌是插班生，在歌曲中自嘲自己，和把自己的想法表達出來！在咬字方面，姜濤下了不少苦工經常咬木塞練習令自己改進，又邀請了自己以往的中文老師監督。
https://std.stheadline.com/realtime/article/1929307/即時-娛樂-姜濤-叱咤-後主動提出雪藏自己-過百姜糖冒熱等候獲偶像簽名兩分鐘
1個讚
2個讚
2個讚
姜濤年初《叱咤》後曾要求入雪櫃︰5年嚟最Deep嘅時期
姜濤去年7月底因MIRROR紅館演唱會墜屏事故，與隊友停工2個多月，10月底復工，惟11月參加商台明星籃球賽時不慎弄傷腳，需做手術和休養，直至今年元旦重踏舞台出席《叱咤頒獎禮》時，因身形暴脹及跪地演出惹負評。他之後閉關兼絕跡社交網，直至4月初再次踏上舞台參與西九音樂節演出，一口氣跳唱6首歌曲，狀態大勇。姜濤今日現身商台《叱咤樂壇》宣傳新歌《DUMMY》，直言這首歌是用來自嘲年初時叱咤頒獎禮上的表現。他說︰「呢一首歌係『插班生』，我喺《叱咤》前已做起咗啲歌for今年，但嗰件事之後，我冇諗住再出歌。其實我諗住今年唔出歌，想畀自己安靜一年，但係聽到呢首歌嘅Demo時就有個新諗法，我都幾想笑自己，不如出一首咁樣嘅歌都幾得意。」
姜濤坦言當日在《叱咤頒獎禮》的表現，說對自己沒影響就假。他說︰「通常我一落台就會睇番自己嘅表現，嗰陣已覺得有啲唔對路，但冇諗過係海量式嘅報道，覺得係我呢5年嚟一個最Deep（沉）嘅時期。 （公司戰友對你想一年唔出歌有乜意見？）冇，我冇同大家講，因為我哋都相處咗好耐，兄弟同兄弟之間唔需要多講啲乜。大家見到我，都冇提呢件事。大家照樣好似平時咁，我都係扮冇事咁同人哋相處。好多謝MIRROR對我嗰種唔使出聲嘅關心﹗（管理層方面點樣？）全部冇Comment﹗我嘅性格係唔需要人哋同我去講啲乜嘢，通常我自己會提醒自己好多嘢。嗰幾個月，我有同公司講不如我停一陣先，我自己要求，不如你哋雪我呀，哈哈，因為我希望有一段時間思考番啲嘢。前嗰幾年，無論係MIRROR或者個人都衝得太快，太多嘢太快得到就好易迷失。」
談到4月初重踏舞台，姜濤回憶2、3月時收到經理人花姐（黃慧君）的訊息，說安排他4月參與西九音樂節演出，今年亦會有個人演唱會。姜濤回憶他當時正在山上跑步，收到訊息時有考慮過要不要拒絕，但很快已自覺不應逃避演出，因此決定將畢生所學在西九音樂節上表現出來。他說︰「我攞晒自己所有學識嘅嘢出嚟博一次，我唔想再逃避嗰件事。西九個騷，我第一首決定要表演嘅歌就係《鏡中鏡》，因為我唔想逃避呢一首歌。就算大家笑都好，呢首歌係我自己生出嚟嘅，我唔應該因為呢件事而丟低呢首歌。（好好做番呢首歌嘅表演，拎番自信心？）係﹗嗰個表演，我覺得係我人生中最重要嘅一次表演。我用行動去證明，將我想講嘅說話都喺表演入面邊講晒出嚟。」
姜濤透露他在個多月後才敢翻看他在《叱咤頒獎禮》的表演片段︰「真係唔夠膽睇﹗有一日，我扚起心肝開咗個電視，屋企個電視仲要好大，我喺最近嘅位置睇，一定要搞清楚發生乜嘢事先，唔可以去逃避呢一件事。我有本簿寫低每次表演嘅檢討，嗰時真係唔夠膽。我開電視睇，捱過咗嗰3分鐘。同大家一樣，我都好難捱，都真係好難捱﹗不過，我睇完覺得『ok，唔緊要』，同以前一樣發生咗啲乜嘢事就逐步去解決。（你喺本簿仔度記低啲乜嘢？ ）減肥先囉﹗我當然寫低咗自己乜嘢缺點，但要講會2、3點都講唔晒。」
他坦言曾問自己可後悔做了那次表演︰「我後期其實唔後悔。做歌手或者藝術呢個行業，每個藝術家、表演者都想表達自己嗰一刻嘅情緒，從而令觀眾得到共鳴。我嗰一刻係去想表達我受傷之前嘅憤怒、嗰種想證明嘅急切心態，所以唔後悔。嗰個就係真實嘅自己，但我用咗一種不成熟嘅、脫離咗表演本身嘅方式去做。」《叱咤頒獎禮》是姜濤腳傷停工後首次復出舞台，他表示醫生當時不准他做運動，惟他仍心急落街跑步。姜濤說︰「呢件事好白癡，所以效果都唔好。當日我走埋落台，都係想用近距離話畀大家知『我冇事嘅﹗我ok㗎』，因為其實都驚。」
姜濤表示當日其膝蓋手術本來預計只需1、2個小時，但最後要4個鐘才完成。他透露︰「冇諗過入面係咁嚴重。我韌帶受傷後已6年，照CT時，醫生以為只係有啲裂痕同碎骨，冇諗過入面其實係爛晒。佢同我講之後可能未必再跳到舞，唔樂觀，我聽完好驚，更想證明畀大家睇，我係ok嘅﹗（依家已完全康復？）ok啦，至少醫生話比預期中好，話我可能後生，復原得比較快。」
2個讚