3個讚
2個讚
4個讚
4個讚
#真正的小兔廬 #兔廬尋會址
喺呢個無乜特別嘅平凡日子，想同大家講一件特別嘅消息！
就係兔廬終於有一個真正嘅「廬」！我哋成功搵到會址喇
🫶🏽
一直以嚟，好想搵一個機會同大家講解「兔廬」呢個名嘅意思
因為一直都唔少人寫錯我哋個「廬」字，但其實呢一個字係有特別意思～
「廬」嘅意思係解作較簡陋同埋供暫用的房舍
以前我哋四海為「廬」，幸得一班義工傾力幫助。呢兩年兔廬發展相對較快，拯救棄兔數目倍增，義工都係兔接兔無休息過
而當棄兔越來越多，傷病兔數目都顯著增加，我哋都認為兔廬係時候成立一個真正嘅會址。
希望可以令緊急接收/拯救兔可以立刻有個落腳點，令長病兔可以得到更密切監察，從而稍稍紓緩暫託團隊壓力🫶🏽
大家可能覺得，兔廬從開始覓會址，到落實選址，好似好突然好快。其實最大原因係因為有姜濤同姜糖
真係萬分感謝
姜濤 姜濤香港後援會 KeungShow HKFanClub
我哋本來資金已經唔多，又要預留一大部分作緊急醫療基金使用。其實計嚟計去都覺得好忟水，加上早排嘅兔情況好差，一星期用咗超過十萬… 我哋直頭灰心地準備要擱置設立會址。
但就喺呢個時候，姜濤香港後援會一筆過贊助咗我哋接近30萬!!!
後援會舉辦嘅情人節兔濤限定蛋卷義賣活動，扣除成本後所有收益全數贊助 @膳心 同兔廬
今次活動兔廬共收到$293,000
我哋見到數目時非常激動….
呢筆款項除了幫補到我哋呢兩個月醫療支出，更加係大大力咁促成我哋設立會址嘅目標 呢個目標本身對於我哋黎講係非常非常非常遙不可及
所以真係無言感激
再次感謝姜濤先生（希望你有時間會嚟參觀一下，因為無你唔會咁順利設立到會址），亦都更加感謝姜濤香港後援會嘅愛心支持，及整個義賣活動嘅安排
呢個月尋找會址嘅過程，我哋都得到好多人熱心幫助同意見提供，喺度都想衷心感激各位一直嘅支持
會址裡面大部分兔兔物資及日常用品都會以節省經費及環保為前提，所以會先徵後買～
我哋稍後會另外出post詳列我哋所需人手(如裝修人才/車手等)及物資，希望大家多多支持
會址嘅裝修佈置將密鑼緊鼓開始籌備，雖然地方細細只有400呎左右但所謂麻雀雖小五臟俱全
裡面最多嘅將會係兔廬上下各義工及支持者對兔兔嘅愛🫶🏽
兔廬能走到這一步，絕不容易，係我哋呢個小小機構一個重大里程碑，兔廬一定會繼續努力，毋忘初心，拯救被遺棄的小生命，推動社會領養風氣
只希望默默地提示人類善良
簡單的愛 簡單的和平
才是以後路程
一體的愛 一體的心境 人類有靈
— 姜濤《作品說的話》
最後，預祝姜濤下星期日(4月30日)生日快樂!!!
————————————————————
「兔廬」於2015年成立，為註冊非牟利團體，宗旨為「拯救被遺棄嘅生命 推動社會領養風氣」。
7個讚
得3場，肯定唔夠人哋搶 
2個讚
To Zero launch event
現場多人到好誇張，地下同8層樓全企滿，繼續有人入，7,8樓都冇晒位，臨時要係地下加位
3個讚
大家唱生日歌比姜聽，姜好感動
2個讚
我估Ian,AK
Jeremy上年先出solo, 得幾首唔夠歌開solo，同埋AK做得多演唱會嘉賓，fans都多啲，比較有能力開solo concert
3個讚
