《超級冠軍》
2個讚
【姜濤相隔三個月再上台演出狀態大勇 首唱新歌《Dummy》 又唱又跳近半個鐘】
姜濤喺今年初《叱咤》演出後，相隔三個月終於喺今晚舉行嘅《POPFEST HKT西九音樂節：越流行》公開表演，清減咗嘅姜濤一身型仔黑look，帶住第11首solo新歌《Dummy》首次公開演唱，令台下舉燈牌應援嘅姜糖開心到不停尖叫打氣~
已經有一段時間冇表演嘅姜濤今晚狀態大勇，又唱又跳近半個鐘，分別唱出《Dummy》、《Master Class》、《鏡中鏡》、《蒙著嘴說愛你》，以及羅志祥嘅《夠了》同鹿晗嘅《超級冠軍》，姜濤全程唱歌冇發言，貫徹以作品說話；估計姜濤嘅新歌《Dummy》會喺佢4月30號生日前推出。
https://www.instagram.com/p/Cqigf0CPf7P/?igshid=YmMyMTA2M2Y=
3個讚
竟然呢個集團今次有正面報道
4個讚
東方新地喎？我有無睇錯，竟然！
4個讚
睇訪問話secret project係關於姜嘅服裝品牌喎，古巨基個老婆有份幫手。
3個讚
直接課俾姜admin, 俾錢俾得條氣順好多
5個讚
都係㗎
3個讚
睇片都完全感受到姜嘅熱誠同激情
傳媒洗版報道姜今晚表演，好感動
5個讚
都好呀，個個都有自己品牌，咁先至為將來鋪路，其他隊員個個開餐廳，有品牌，姜都會自己生意，姜糖支持
3個讚
我見佢濕得好緊要，真係好耐冇咁長時間表演
1個讚
係，姜要為未來打算
深信姜一定以演藝本業為首
1個讚
當然，佢係咁諗，但係而家咁多人針對佢，佢都要為自己打算下
2個讚
有自己品牌好吖，可以唔駛課金俾無能公司
4個讚
坦白講，我係有d失望
我一直覺得藝人開個人服裝品牌係有一d當fans係ATM嘅感覺 (勿打頭
)
2個讚
有片丨叱咤後再踏舞台認緊張 姜濤覺得對唔住粉絲 眼濕濕辯稱吹沙入眼 新歌《Dummy》加自嘲笑聲：希望大家多啲批評
足本訪問：姜濤足本訪問丨叱咤後再踏舞台認緊張 覺得對唔住粉絲 新歌《Dummy》加自嘲笑聲：希望大家多啲批評 宣告將推出自家品牌丨西九音樂節（#姜濤 #dummy #娛壹 ) - YouTube
自今年元旦姜濤在商台叱咤頒獎禮表演後，相隔三個月，昨晚（2日）在西九音樂節重踏舞台。他一氣呵成唱出六首歌曲，包括第11胎新作《Dummy》。表演完畢，姜濤向台下粉絲深深躹躬致謝數十秒。
之後他接受訪問，坦言三個月後重返舞台，早上開始緊張︰「叱咤完咗都四個月，今晚希望畀到大家一個好表演。 所以由今朝緊張到而家，希望大家都可以畀多啲意見，可以令我再進步嘅意見 。」
昨晚（2日）姜濤演出一氣呵成，完全冇安排talk位，他解釋︰「揀五首跳唱歌，就係希望中間唔好有停頓位，因為唔知講啲咩，希望大家從rundown中感受到我想帶出想講嘅嘢。 」一向喜歡用作品說話，姜濤這個rundown，固然也花了很多時間編排，他續道︰「好耐之前自己已經諗定咗，希望大家從我編排，感受到我想講嘅嘢。我自己講嘢唔叻，台上講又唔叻，活動講又驚尷尬，所以決定唔講，費事大家唔知我喺台上講咩。 用作品說話。」
台上只用作品說話，表演結束了，此刻有冇說話想跟fans講？姜濤有點靦腆︰「辛苦大家，希望以後會再令大家驕傲多啲。」
至於那深深的躹躬，當然是獻給姜糖。「覺得唔好意思，覺得對唔住係我啲fans，因為佢哋都受好大壓力，所以個躹躬係for佢哋，亦係for呢段期間批評我嘅人，佢哋批評得好。」
有指他在台上眼濕濕，姜濤學Stanley講︰「有沙啫！」一直緊張的姜濤，唱至《蒙著嘴》才開始放鬆，留意到台下的情景，就是姜糖不減的熱情。他說︰「其實我表演時無太focus台下嘅人，係最後唱《蒙著嘴說愛你》就relex咗啲，先wow，原來大家喺度嘅感覺，因為太耐無見fans。 」至於康復康中的腳，他稱演出前特意再接受衝擊波治療︰「其實而家都已經唔痛，我覺得康復晒，而家keep住做物理治療只係保養隻腳，手術後復原得七七八八，醫生今次可以放心睇我表演。」
新歌《Dummy》在西九音樂節首度獻唱，歌曲尾聲︰「道別放肆 再去終止／這種飄移 繼續開始／道別過去從頭灌溉 現在開始／Dummy Dummy Dummy Dummy Dummy」，他與舞者做出「掃」動作，音樂末段有嘲笑聲墊底。原來那把嘲笑聲音，是他本人。
「無錯，段聲係我，自己想錄，覺得係一首自嘲嘅歌，自己嘅笑聲係代表自己都笑自己。所以呢隻歌由開始大家對我嘅批評，到後尾自己慢慢開始接受，到慢慢覺得自己先係個Dummy。一開始收到呢啲意見時，會覺得大家都係Dummy，但後來發現自己先係。 希望盡快完成埋MV。希望生日時可推出。」4.30是姜濤誕。
他又宣佈即將推出個人時裝品牌，「希望生日可以推出到 ，所以所有嘢都好趕。希望MV同品牌同時進行。品牌構思咗大概半年，我鍾意透過音樂作品講啲嘢畀大家聽，品牌都一樣。」稍後他亦為公司開拍的新戲《12怪盜》埋位，同時又要演出袁劍偉執導，阿撈及Edan主演的《盜月者》。
3個讚
見到今年公司明目張膽咁去矮化姜係團內的重要性，對佢個人發展係完全冇規劃，我都想姜為自己打算搵多啲出路
而且我一直覺得佢地啲生意應該背後有人投資同營運，佢地只係有份夾資兼借用名氣
3個讚
我原本覺得做自己品牌唔係好事，因為自己本業未做好，大家都支持甘我都希望姜搞好佢。
3個讚
我諗法同你一樣，不過上面都覺得佢要為自己未來諗，甘又都無錯的
3個讚
我都係咁諗
之前隔離po有位會員講過呢個觀點
我係相當認同嘅
同意
都係嘅
3個讚