好似瘦翻
2個讚
以前我會喺YT 睇多啦A夢 日文版 
1個讚
姜濤今早出席公開活動
4個讚
靚仔翻曬
4個讚
MIRROR齊人登場 姜濤復出身型回復狀態
男團MIRROR去年演唱會事故後休假2個月，10月復工後卻因為種種因素未能齊人，姜濤去年11月喺商台籃球賽腳部受傷而休養，到今年元旦嘅叱咤頒獎禮終於全員合體。但係叱咤過後，姜濤因為身體不適而未能參與多個演出及活動，至今已經接近2個月，到今日嘅保險公司宣傳活動，終於見到全隊MIRROR一齊上台！
呢個活動並非公開進行，但係有安排網上直播，MIRROR 12子首先一齊上台，後來再分成3組再度出場。姜濤安排同Ian（陳卓賢）、Jer（柳應廷）及Jeremy（李駿傑）玩遊戲，由Jer扮樂器聲要隊友估。Ian、Jer同Jeremy都相當識做，俾姜濤負責估。從直播所見，姜濤玩遊戲偶有微笑，而無論身型同面型都似乎回復狀態，相信閉關期間都下過一番苦功。
Source : Yahoo
4個讚
5個讚
4個讚
記者問係咪4 5萬租咗樓，姜話我都買咗樓，點解要租
記者問咁係咪假，1800萬係真嘅，4 5萬係假嘅
姜講嘢仲係咁真
9個讚
換句話姜係買來自己住，唔係投資，甘果度一定風水好。
1個讚
本來係，但而家通晒天
訪問話可能比屋企人住或放租
2個讚
大部分訪問都係問姜，好彩大家都有幫手解圍
7個讚
3個讚
訪問片姜濤剪輯
4個讚
【姜濤休息逾50日出關 回應近期評論：我唔覺得係惡意批評，因為對我嚟講全部都係好好嘅批評】
MIRROR12子相隔3個月後再次齊人出席保險宣傳活動，自《叱咤》後一直休息養病同調整身心嘅姜濤，今日同隊友一齊現身，超過50日冇公開露面嘅姜濤比前清減，但精神唔錯，係有少少緊張，不過隊友間不時有交流，互相支持。
姜濤接受訪問時話自己近況OK，大家唔使擔心，「做緊物理治療，比之前好返好多。」佢承認今日出席活動係有少少緊張，但見返MIRROR齊人好開心。過去呢兩個月姜濤冇喺社交平台更新個人近況，問佢係咪因為受到惡意批評影響？姜濤回答：「我唔覺得係惡意批評，因為對我嚟講全部都係好好嘅批評；呢排我都收到好多批評，我心態係任何批評對我嚟講都係好珍貴。」原來姜濤依家冇咩玩手機，少上社交平台，所以連message都好少睇到，「我覺得唔玩手機已經好放鬆，同以前生活好唔同，可能以前嘥咗好多時間碌手機，依家完全冇玩手機，我覺得專心咗。」
姜濤除咗做治療，希望腳傷早日康復外，仲做緊第11胎新歌，又會打下波、去Stanley嘅健身室做gym，佢冇諗體重問題，因為唔想畀自己壓力，喺姜濤身邊嘅AK、Lokman、Edan都有幫口，其實大家都覺得腳傷好返先係最重要。另外，姜濤亦承認榮升業主，本來佢諗住自住，但因為一買樓就被報道，所以會考慮放租或者畀家人住。
4個讚
佢做訪問好真，對答好似同朋友傾計咁
姜答得好幽默，記者問佢點樣減壓，佢答買樓可以減壓
6個讚
【星工廠】好開心見到姜濤！狀態 
喎
點解阿姜冇住家飯食？唔再玩 social media？
由元旦開始閉關，小休後嘅姜濤終於歸隊，今午與 MIRROR 全員出席保險代言活動！
咁耐冇見，梗係要傾多幾句！活動後阿姜聯同隊友 Jer、Jermery、Ian 排排坐做訪問，講到點樣減壓，佢就話會聽阿哥 Ian 的《DWBF》；提到健康飲食習慣，
就話阿媽平時少煮飯，要佢幫手嗌外賣；至於運動方面，最近有落街場打籃球，但就已經遠離網絡、冇再玩 social media 咯
3個讚
所以好鍾意睇佢d訪問
3個讚
好開心見到佢做返開心仔 
5個讚