miss咗 
唔知邊度有得聽返
Part 1
https://www.instagram.com/tv/CkiAy8EOleh/?igshid=MDJmNzVkMjY=
Part 2
https://www.instagram.com/tv/CkiEJKlsk9o/?igshid=MDJmNzVkMjY=
3個讚
真快手 
thx 
as1.entertainment
《季前賽》
「孝媽」童愛玲臨場哭跪求饒動容
讚姜法怨恨眼神帶入戲
“事前好緊張 我要去跑步2分鐘放鬆”
戲外認無知 被姜濤國語氹掂彈額頭 腫到返屋企
昨晚(3日)的《季前賽》，除阿孝(姜濤 飾)與豬潤(梁業 飾)一幕「豬光乍孝」夠晒搶fo外，亦解構高家孝性格變得孤僻，對人缺乏信任的原因。隨著4年前拋棄兩子，離家出走的母親(童愛玲 飾)突然回來，向他剖白喪夫後成寡婦的軟弱，聲淚俱下跪地求饒，阿孝的心結被解開，童愛玲與姜濤的母子戲，令網民動容。
【哭跪臨場舉動】
淡出幕前8年，童愛玲因為 #袁劍偉 導演的邀請復出。袁導在新post強調，作為導演一直奉行「積極不干預政策」，亦重視演員間隨著臨場情緒而作出「Action and reaction」互動。故昨晚母子和解的一場，孝媽突然哭跪，打動兒子的舉動，童愛玲跟《娛壹》說︰「呢個係最後一take，臨場接情緒而生嘅舉動。代入咗孝媽世界，你只想快啲畀個仔知道自己嘅苦衷，但阿孝一直唔肯望我，作為阿媽情急下，我就好自然跪咗喺度。姜濤做得好好，我呢個突然舉動，佢完全接得住。」
【全隊crew望住跑走廊放鬆】
演出動容背後，童愛玲一度太緊張，要離開拍攝現場回氣。「首先嗰場跪地戲，事前冇安排。到拍嘅時候，拍咗3個take，導演話OK，但我覺得仍未到位，於是同導演講︰『可唔可以俾兩分鐘我。』」兩分鐘，童愛玲做了甚麼？「我走出跑步！我喺酒店房條走廊跑，來回十轉，全部crew望住。
「點解我要跑步，因為當日我哋早上已經開工，全日我都係拍啲心情沉重嘅戲份，所以到拍母子和解，我其實已經好攰。加上知道係重頭戲之一，個人又攰又緊張，我試過聽歌、飲水都唔得，所以我決定做運動俾自己放空，跑完兩分鐘喘晒氣，但我成個鬆晒，再埋位就拍出最後呢一take。」童愛玲說。
【姜濤請教入戲竅門】
跑一轉，情緒戲演來到位，阿仔姜濤事後捉著她請教，「佢問︰『你可唔可教我點做㗎？』 我同佢講︰『其實係你都帶到我入戲。』我放鬆咗啫，但都需要對手識交波，阿姜做到孤獨及怨恨嘅眼神，令我好快產生內疚感。」她盛讚姜濤細心，知道童愛玲來自台灣，不用埋位全程跟她用國語交流，令「母子」好快打破隔膜。
【童︰佢手指究竟係咩構造】
母子戲外，同樣有喊的時候，不過係痛到喊！製作特輯中，肥仔已踢爆︰「姜濤好鍾意撩啲前輩玩，玩咩？彈額頭。」童愛玲中過招。她說戲外的姜濤是個大細路，初次合作，在自己無知下，被姜濤氹掂落搭送額頭，非常搞笑。「佢用國語同我講︰『你會好開心，好似坐過山車一樣，很好玩。』其他演員聽到就係咁笑，我當時心諗彈一下冇乜所謂，於是戇居居接受挑戰。點知一彈，我差啲喊出嚟，真係好痛，佢隻手指到底咩構造，返到屋企我額頭腫咗，哈哈！好在第二日冇事。我到而家都諗唔明，點解佢手指咁勁。」
【與袁導是同學】
復出之作，她慶幸遇上開心的團隊，拍《季前賽》的緣份，由導演袁劍偉開始，「因為我同佢都係老師甄詠蓓 戲劇班嘅學生。」Stanley曾說袁導懂得站在演員立場著也想，大底是他在戲劇班的領會。
【無法認同孝媽 曾想拒演】
童愛玲說袁導邀拍時，還未有劇本，從他描述的「孝媽」角色，令最初不敢接拍。「因為我都係媽咪，無法理解孝媽點解咁忍心，既然我唔認同佢所做嘅嘢，又點會投入到呢個角色呢！怕出嚟變咗乞人憎。後來袁導講咗孝媽嘅背景，明白佢原本係丈夫愛護下嘅溫室小花，但丈夫走後，佢因性格軟弱，做出好多錯誤決定。說服到我之後，我就搵老師甄詠蓓幫忙，教我如何代入孝媽嘅處境。所以呢集求饒戲出咗，見外界反應我終於鬆一口氣。」
【離開幻想情節 葛綽瑤演出令人改觀】
袁導接受《娛壹》訪問，對於「孝媽」角色人設，他說︰「佢好多變，第一佢軟弱、第二自私，第三佢係見步行步，遇問題先退卻，再拆解。好多人都會係咁，所以孝媽係好複雜嘅角色。呢幕母子和解，對高家孝係好重要突破，如何再相信母親，喺兩個重要女人身上，如何再建立對人嘅信任，阿孝都需要呢兩個角色幫助佢。」
至於飾演「河馬」的葛綽瑤(YoYo)，昨晚勸阿孝接受母親的歉意︰「信就一步，唔信就原地踏步。」不在幻想戲的YoYo演來自然、討人喜歡，唔少網民都說對她演出改觀。袁導亦說︰「河馬由同阿孝一齊掛網嗰場戲，感覺阿姜開始接受佢，佢嘅幻想情節會少咗，因為佢已經靠近咗阿孝，昨晚開始有正常對話，我之前講揀啱佢，因為覺得佢清新、可愛、好cute，佢之後仲有啲情緒好大變化嘅場面，都做得好好睇。」
https://www.instagram.com/p/CkiQDi2BgeE/?igshid=YmMyMTA2M2Y=
季前賽｜姜濤肥仔重現《春光乍洩》經典場口 網民︰王家衛見到會點？
《季前賽》今日(3日)播出的一集，有童愛玲飾演的「孝媽」登場，但「阿孝」姜濤不滿對方當年拋下他與細佬老闆仔，於是把她趕走。由於「豬潤」肥仔為童愛玲幫口，因而與姜濤發生口角。肥仔因姜濤的說話感到心碎，所以暫時到「河馬」葛綽瑤(Yoyo)家的中醫館寄宿。
《春光乍洩》重現
其後二人和好，姜濤到中醫館尋找只穿白色底衫及短褲的肥仔，並向他道歉。姜濤更輕撫肥仔的臉，又向對方作出承諾，然後二人隨住音樂跳舞，畫面重現王家衛作品《春光乍洩》的經典場口。另外，肥仔起初獨自跳舞，以及姜濤其中一句對白「如果我屋企仲有一張床位」，無疑亦是向《阿飛正傳》及《花樣年華》致敬。
網民見到這一幕由肥仔重新扮演張國榮在片中的一角，大感好笑，並非常關心若王家衛見到這一幕會甚麼感覺。由於姜濤與肥仔向來老友，網民非常好奇拍攝這一幕時，他們是如何忍笑及NG了多少次。甚至有網民表示：「姜望肥仔個眼神深情過望Yoyo」，又謂家中的父母看完這一幕後，以為姜濤與肥仔是一對，甚至有網民笑謂︰「寧願看肥姜呢條BL線。」
Source: am730
Dodo 姐訪問姜及袁導
2個讚
我好想睇佢哋呢段NG片，我見姜好似响度忍笑咁，應該NG好多次
1個讚
邊場戲入房前肥，出來瘦左，冇留意喎
我都冇留意
但佢一減就10kg, 好勁
我都好想可以減得咁快
佢可以咁短時間減10kg, 其實都幾適合做演員，有d角色會要求肥瘦上落好大
佢話要減時間，1日食1餐，加上做運動，其實唔係幾健康
之前又話會搵營養師
用健康d嘅方法減肥嘅?!
姜濤昨日和ViuTV熱播劇《季前賽》的導演袁劍偉，一同接受鄭裕玲（Do姐）主持的商台節目《口水多過浪花》訪問，當中必然有提到拍攝《季》劇的過程及回憶，而Do姐竟殺姜濤一個措手不及：「點解姜濤個臉咁圓，圓碌碌？好似有啲唔連戲。」難得姜濤聞言不介意解釋：「我衰食太多嘢，因為嗰時冇諗太多，要打波，要食多啲嘢補充體力，拍拍吓唔多對路，由第一日開始唔係好敢睇playback，跟住唔得喇唔得喇。」
接著，姜濤火速減磅，但成功瘦身後又發現身形「唔連戲」，Do組問他磅數相差多少，姜濤表示足足有10kg。不過，袁導則表示沒有要求演員保持身形，因為他只在意各人演戲，姜濤聽到即笑謂：「所以我好鍾意佢。」他直認無時無刻都想著美食，奈何拍劇不能放肆，而他拍劇其間以輕斷食來keep fit；即一日只食一餐。
Do姐問袁導對姜濤的表現評價，他表示：「你依家23歲，做到嘅嘢係咁樣，係咪唔好？唔係，啱呢個年紀咪得。」袁導寄語姜濤要打開自己的感官；來接收對手給予感覺，這有助自己的投入及演出，自然會更見進步。
姜濤又指張繼聰和呂爵安（Edan）演出較〝free flow〞，相比自己較少「爆肚」：「講free style冇佢哋咁叻，尤其係阿聰，每次同佢對戲，每一take都唔一樣。」但袁導指姜濤劇中的口頭禪「我唔要」，是由他自己創作出來，姜濤解釋：「因為生活中有好多嘢唔係好想要，譬如花姐（經理人黃慧君）成日話我硬頸，我就會話我唔要。」另外，袁導指有觀眾批評打波戲不夠多，但他坦言團隊已盡力，而劇集亦不會有第二季：「呢班人腳，加埋天時地利人和，好難再發生。」
1個讚
姜濤和劇集《季前賽》導演袁劍偉，昨日接受鄭裕玲（Do姐）主持的商台節目《口水多過浪花》訪問，除了提到劇集拍攝的點滴，而節目下半部份，Do姐再問姜濤休團兩個月的情況，而姜濤則坦言，最開心是跟家人一同歐遊，還透露跟家人傾談這麼多及講心事，今次還是首次。
至於，為何有念頭要跟家人一起旅行？姜濤稱：「有一日見到屋企人嘅身體突然冇以前咁好，尤其係媽咪同舅父，原來生活上有好多嘢要幫手，趁佢哋仲行到嘅時候去多啲地方。」Do姐爆出原來姜濤曾應承她會做一件事，要他自己親自跟聽眾分享：「之前應承Do姐要同阿媽講〝I love you〞，喺歐洲嘅酒店有同佢講，佢唔敢信我係講呢啲嘢嘅人，佢話：『你咩事呀？係咪有其他嘢要同我講？』。」姜濤坦言媽咪被他此舉嚇了一跳。
此外，姜濤亦爆此行令媽咪及姨媽落淚：「第一日去到嘅時候，我記得阿媽、姨媽係有喊，因為佢哋未去過嗰啲地方，以前家境唔好，冇乜去過外國，去到其他地方旅行都唔夠膽花費太多，但今次佢哋覺得唔使煩惱呢啲，可能覺得我大個啦，可以帶佢哋出去，好感動。」他坦言以往的確忽略家人，但現在卻十分著重，更表示希望以後每年都有家族旅行。
最後，Do姐重提姜濤之前透露有意29歲退休，他表示休團時曾再思考這個問題：「今年拍戲比較多，可能以後唔做歌手做演員。依家個人目標係完成晒歌手想完成嘅嘢，30歲後？嘗試喺演員嘅道路行。」唱歌方面，姜濤透露籌備下年推出第11胎，他謂：「《作品的說話》係前一個階段嘅完結，第11胎係新開始，可能去海外做都唔一定。」
https://www.instagram.com/p/CkjH3Ikhh7o/
出年先出第11胎
希望慢工出細貨
1個讚
實時︱姜濤柳應廷
首次出席《阿媽有咗第二個》宣傳
Mo姐生日 離港缺席
柳炒姜糖塞滿iSQUARE 有人通宵排隊
方晴與子軒， 紅濤綠柳 ，今晚（5日） 姜濤與柳應廷（Jer）將出席主演電影《阿媽有咗第二個》慈善觀映，活動於iSQUARE舉行，晚上7時半舉行儀式，電影於8時40分放映。今次亦是 MIRROR復團以來首個公開活動。
截至昨日（4日），《 阿媽有咗第二個》上映86日，累積票房達$39,753,570，惟電影上映以來，柳和姜一直「被缺席」宣傳，首映當日柳只能在尖沙嘴街頭，跟電影廣告燈箱合照，當是出席。海報上印著「 風雨不改 ，相親相愛」。柳寫道：「首映日tdy，雖然去唔到…腦海中有曾經幻想過它的出現。」另一個帖文是海浪怒翻，柳說：「很好聽的浪聲，多謝你每天在安撫人。」今天他終能親身感受這個場面，電影宣傳文案亦由「風雨不改 相親相愛」改為「風雨不改 再遇歸來」。
姜柳首次出席電影宣傳，不少柳炒和姜糖一早到場，部份更是昨晚已抵達iSQUARE外通宵排隊﹐近中午更已擠滿商場。炒糖分別穿上FC的tee，帶齊應援物，自備凳仔靜心等候。當中也有糖換上方晴tee，以「晴天娃娃」身份出席。
…
【彭導：好想一起坐在觀眾席分享成果】
8月10日，MIRROR演唱會事故發生未幾，《阿媽》首映，各人彌漫一片低氣壓，彭秀慧導演在首映前發文寫道：「今天有不能出現的伙伴和演員，可能移民了，可能因事不能出席，我忽然非比尋常地想念他們，好想一起坐在觀眾席分享成果，好想一起感受現場氣氛。」當日大批柳炒姜糖「代」柳姜出席，以示支持。電影上映後，姜濤一次到銅鑼灣時代廣場欣賞本片，但因為他有天生的金粉 ，即使一身黑，反而顯得很不低調，惟中途離場。
方晴已經由韓國學成回港，希望紅濤綠柳今日能好好欣賞你們的第一部電影。
https://www.instagram.com/p/CkkdaAVSYrc/
通宵排隊, 好誇張 
3個讚
姜好耐無出來參加人山人海活動，好可愛
3個讚
今天8分鐘訪問。
2個讚
2個讚
其實佢係一個大細路
1個讚
佢好似唔慣咁多人
1個讚