大家有無親身，或身邊人有試過呢個經歷?
媽媽最近周身唔舒服，睇中西醫都未知原因。有人見到，話媽媽烏雲蓋頂，比左道符媽媽。仲有話因為61歲呢個歲數。
我唔識呀，唔係尾數9先有劫／關既咩?
仲有，如果真係惹到汙糟野，到底要點做呀？求大家意見。謝謝
去衣紙舖查日腳, 佢哋會教你點做, 做咗都唔得就要搵師傅
如果唔知邊日，衣紙舖識唔識用病徵推測到?
定由第一日開始唔舒服開始前後搵?
依d就唔知啦, 你直接問衣紙舖吧
咁本身你們有冇宗教信仰呢？
無呀
咁真係唯有搵紙紮舖幫忙
我會直接搵師父
唔好意思… 我唔知頭唔知路, 可能你講得唔係好仔細, 但單單就咁睇, 嗰個人話烏雲蓋頂&符, 感覺似神棍多啲. 病痛呢啲其實真係唔一定睇一兩個醫生就搵到咩事. 特別係如果一啲隱性病, 而病徵又唔係特別某種病先有, 淨係睇普通科好多時醫生都唔知咩事, 有時要睇多幾個專科先搵到病因. 或者講吓你媽媽點唔舒服睇吓有冇人幫到你?
2個讚
去廟拜下先
我媽都試過，無啦啦身體突然唔舒服，最後搵師父話撞野，比左啲符拜完之後燒成灰用嚟沖涼，係好過一排但之後又嚟過，週身痛，呢到痛完到嗰度痛，啲痛位好似識走咁，連跌打師父都忍唔住問係咪比鬼打
個時我係屋企見到有白影飄過，叫我媽念經不過佢冇做，依家個身體就好吓又痛吓咁，我都唔知點 
我媽媽都係奇難雜症，頭暈腳痛，睇開個跌打師傅話建議去搵另一個師傅既。
希望你地都搵到原因，快d搞掂，身體健康
你媽媽唔念，咁你叫佢播下d經聽都好，我叫左媽媽播心經聽
大家咁話 
其實屋企都有播開佛號嚟聽，盡量頂住先
您地有無試過查日腳呀？
個師傅唔係我地主動搵既，所以唔會無lala呃我地。
我地有去睇唔同專科醫生，但好多唔同病徵，媽媽全身敏感，好痕，食過藥都唔得。仲有其他地方唔舒服。
老人家有老人病係正常，唔好咁迷信，唔好浪費金錢、時間、心神喺呢 d 神神怪怪既事情上面，如果有人同你講乜野烏雲、乜野師父、乜野符水，一律當神棍看待
3個讚
冇，都唔記得邊日開始發生
如果會念經念佛號，即係信佛教嘅話
有病痛都係冤親債主太多，如果有法會就寫個牌位比冤親債主，等佢哋去聽經聞法，早日可以去善處，唔好攪住你
如果自己念，可以念藥師咒，YouTube有可以跟住念，病人自己念就最好，親人念嘅就迴向返比病者，求病人早日康復
我爸爸上年發現有cancer，佢無神論，我都係幫佢做呢啲嘢，而家爸爸情況叫做穩定，起碼行得走得，食得瞓得先
6個讚
你可以去荃灣龍母廟拜拜，搵廟入面的職員問下你媽媽既情況可以點做，佢地會教你，同埋唔會濫收費用，我全家都成日上去拜拜架，有時仲會撞到d名人都去拜的
2個讚
之前都有諗過叫父母一齊念經，但唔知係自己啲冤親債主勁，定佢地既冤親債主勁，每次一有呢個想法就總會發生一啲野阻止咗我
有一晚發夢夢見一個和尚入咗屋企，間屋成屋都係黑氣，佢手指一段梵文示意我念，係六字大明咒，跟住我就企係和尚後面一齊念
隔日就的起心肝同父母講呢個夢，我爸爸信有跟住念，但我媽聽完就算，唯有自己念經迴向比佢地