如題，小朋友返緊n 班，聖誕兩個星期長假，唔知好唔好報個weekdays playgroup，每日朝早返兩個鐘，類似平時返學時間。公眾假期唔返，即係一共8 堂。
想報：
本人係沉悶媽媽，驚喺屋企悶親佢。我認自己係懶惰媽媽，冇諗聖誕特別節目。
太耐唔返學，驚長假期之後要的佢返學係噩夢。
唔報：
放假都要返學，都唔係真係放假，好似好慘。
一家人冇得即興出街。
難得放假，自己想訓晏啲，仲要係冬天被竇season 😮💨😮💨
感謝各位嘅意見 
我會唔報（利申：愛躝街媽媽）
如果諗唔到節目，淨係帶佢地去影商場聖誕裝飾都已經好多地方去
參加親子小食班，去草地野餐，坐船去離島，接下爸爸收工………
仲有好多選擇呢
4個讚
我唔會報
去下公園去下農場有其他嘢學
你好好呀 
點解可以咁叻諗到咁多節目 見到你呢類型嘅super mom 真係會有mom guilt
我係宅到無倫嘅老母
最鍾意嘅地方就係屋企 所以小朋友都唔鍾意返學出街，淨係鍾意喺屋企，可能我自己都要再努力改變下
你哋係單拖咁去嗎？試過一次單拖去沙灘，都真係handle 唔到
你真係好宅喎
啲節且唔洗諗，上網參考大把，仲有得玩下露營，去游水都得呀，我女嗰時日日游，室內暖水池，一嘢用哂佢啲精力
出出下就慣，未有小朋友前，我同我老公個個星期日都可以係屋企打機，但有左小朋友，真係想佢出去見識下，有啲生活體驗未親身試過係學唔到，出出下，我一湊二出去都ok,可以由落附近公園野餐開始，買個飯團，拎張墊，坐低食野
2個讚
N 班仲好細，其實小朋友帶佢出去行下都好開心，香港嘅燈飾、商場聖誕佈置仲要咁靚。
1個讚
沙灘可能帶得多嘢會輪盡，又玩具又mat 又可能要多套衫。
你去下d 簡單嘅地方（公園、親子餐廳etc) 就無咁麻煩。
帶住咁細沙灘單拖真係幾麻煩，人有三急都行唔開
，細個都有好多細個方便去的地方
我覺得都唔駛報，返嗰一陣轉頭又要接其實都好煩。
假期就係要hea下，有時我地太習慣俾小朋友忙，但我覺得悶有時都需要，俾大家有啲時間係留白，唔好成日衝衝衝。
間中可以出街見下啲親戚朋友、去屋企附近啲公園仔玩下、去啲商場影下聖誕裝飾咁，聖誕應該好多地方有活動，有時有啲聖誕工作坊一堂半堂玩下都可以。
同埋我覺得就算喺屋企，都可以好多嘢做，一齊整下嘢食、做下小手工。唔知你地重唔重視儀式感，如果重視，可以趁假期預備下過節，出街買下聖誕禮物、喺屋企整下聖誕卡、一齊佈置屋企，其實都可以好開心。
2個讚
之前報過星期六PLAYGROUP, 上左十堂
每次2小時
完左後冇再報
真係好辛苦, 限住曬d時間
平時假期會出街, 上pg o個幾星期又攰又唔係話學到多野
而家帶個仔去公園, 去戶外, 去科學館
佢不知幾開心
如果已經返緊N班唔會報 playgroup, 難得的學校假期就做下啲唔同活動~
諗唔到去邊…我試過最 hea 同阿仔搭商場 shuttle bus (循環線) 
其實小朋友好簡單, 係屋企樓下吹下泡泡, 去公園遊樂場行個圈, 係商場行下睇下聖誕佈置已經好開心 
有得hea好hea，小朋友越大越忙。K3就開始忙，要準備升小學，小學更加忙
感謝各位，答案好一面倒無懸念呀
其實嗰個係親子playgroup 嚟，我係想同佢spend time together 㗎但係個人好枯燥諗唔到做乜好，多謝各位比咁多ideas 我。慳咗學費可以買多啲嘢，豪啲搭uber 去遠啲 
有感而發，自從生咗小朋友自己個作息生態都改變好多，本身leisure time 最鍾意匿埋喺屋企睇書唔見人，細路出世之後都keep 住盡量weekend 出街，但相比其他小朋友真係差好遠，自己都成日內疚呢樣嘢，但都真係盡咗力，我係嗰種社交完要獨處嚟回氣嘅奇怪人類，希望慢慢循序漸進，令成件事無咁吃力啦。
再次多謝大家提供咁多好節目好主義比我 
1個讚
唔報日日，報一堂兩堂果啲都可以
當係俾個break 自己抖返一兩個鐘
我同樓主一樣超級宅，宅到日日唔出街都唔會覺得悶嘅人
有左小朋友都唔會日日出
依加有兩個小朋友，佢哋打打鬧鬧玩下嘈下又一日
老公都放假就出街親子一下
如果老公唔放假就睇心情啦
去超市行下都可以係一個節目嚟架
1個讚
梗係報啦，聖誕都無嘢玩，週街都係人，公園、主題樂園、離島一定勁多人，去playgroup玩下小朋友會開心啲。
1個讚
該主題在最後一個回覆創建後30天后自動關閉。不再允許新的回覆。