我錯唒重點，我覺得樓主成家都好 sweet 呀，幸福家庭，好有愛！ 講嚟講去，睇嚟搬走比較可行～
工人下次幾時放長期返鄉下?
如果呢兩年不用工人，有冇諗過借比朋友，我身邊有啲需要請工人照顧幼兒x2，但幾年後會去外國，所以只係用幾年，之後你可以決定要唔要番個工人。
1個讚
1 請鐘點，一星期一兩次
2 平日各自清潔自己房，換床單
3 家務簡單化，不用抹布，用除麈紙，消毒濕紙巾，用乾衣機乾衫，如果冇乾衣機就換部大容量嘅洗衣乾衣機
4 生活簡單化，煮飯一餸或兩餸，大碟d,有菜有肉，有營養就好，例如蒸條魚+西蘭花炒牛肉。唔使成日煲湯，反正唔係特別有益。
搞掂日常生活，其實可以唔使工人，亦唔使為未來未必發生嘅事諗多咗，活在當下. 更加唔使擔心工人份工，如果佢係好，出面大把世界.
2個讚
點解自己個女想請個工人比自己都唔比？佢哋冇做嘢，家務廿四小時自己控制幾時做當然爽啦，但個女要返工㗎嘛
依家香港經濟下滑，港九新界捐窿捐罅，越嚟越多兩三餸飯店，每日買定幾盒凈餸返屋企，雪入雪櫃入面，等兩老或教兩個仔煮白飯，翻熱好啲凈餸等埋妳返嚟食，碗碟由佢兩個仔輪流洗。衣服又係要佢兩個輪流洗及晾，乜都狠心放手，睇下佢地慢慢會點! 
1個讚
姐姐有冇試過返鄉下？有冇試過放長假期？
既然小朋友主動願意分擔家務也是好事，雖然預計未必幫到好多，但都係教育一部分
學樓上話齋，可以叫小朋友放學買2-3個餸，淨係煮飯
如果屋企大，可添置洗碗碟機，洗衣乾衣機，洗地機。
如果擔心父母出事，咁就要溝通下，因為疫情唔係隨時請到工人，佢哋可唔可以考慮等疫情過去，比較容易請工人再決定。
1個讚
好多上一輩淨係識諗自己，真心討厭
叫佢哋日日返工搵錢，放工做家務丫
唔好意思，樓主
好工人難求
到你要再請時就煩
一係睇下有冇機會搬大d既屋
樓主話父母應該會二話不說幫佢做埋，我都相信佢哋會，只不過樓主唔忍心要兩老勞心勞力啫~
但老人家已經七十幾歲，有咩病點樣突然變個工人出嚟？
1個讚
問題係老人家好反感，咁點解一定要令佢哋難受？請鐘點每個月使費都係$2500之內。
因為本來個女未搬嚟一齊住之前都係冇工人。喺自己屋企要求唔要個工人同住都好合理。
1個讚
我都唔想屋企有老公同BB以外嘅人，所以我寧願家務自己做
1個讚
老人家跌親可大可少。假設係你媽媽出左去大半日買野或者搵人，爸爸自己一個人 touch wood 跌親穿頭，打唔到電話，要等到有人返屋企先叫到救命。多個人多雙眼。
有次我兩個家人輪流入院，一個要家人 24 小時睇住，一個就老弱，阿媽本身都幾經常去醫院複診，咁樣入院睇得一個睇唔到第二個，咁啱我又唔喺香港。如果嗰陣有工人會舒服好多。起碼就算自己去左醫院，屋企都有個人打掃做家務，可以煮埋飯送飯。
有啲錢真係唔慳得。
1個讚
所以啲人淨係用自己嘅角度出發，然後就話咁樣做係為老人家好。
但其實我好明白老人家嘅心情，佢哋真係唔鍾意有個外人喺度，有時寧願自己做返啲家務。講真對佢哋來講，嗰啲家務以前都做咗咁多年，比起要對住個工人，佢哋完全唔會覺得辛苦。
1個讚
青年/壯年就話淨係考慮家務問題，老年的話真係要諗如果跌親喺屋企無人發現呢樣嘢，或者身體狀況突然轉差
1個讚
要考慮返父母唔係獨居老人，可以相互照應
加上個女未搬來之前佢哋兩個都係一齊生活，已經有既定嘅生活模式
再加上冇長期病患，真係需要第三者貼身照顧
當時我用左工人1X年，老人家又係話冇咩做唔洗要工人，咁啱姐姐要返去結婚生仔，就冇用工人。
好快已經日日地獄咁，冇哂生活，每日就係趕，趕收工買餸煮餸，趕沖涼因為要洗衫，趕洗厠所吸塵拖地，因為仲要趕住放狗
間屋係完全唔會執，冇可能執，個人已經死左4/5，只能維持基本清潔。
各人做返自己個份係童話故事黎，佢哋唔整亂啲都偷笑，而當中係會鬧交，因為個人已經身心疲累，一噠即著，況且你爆佢都冇意思，因為大家都用慣工人，唔想做。
結論如果我係你會留工人，一來咁多年都有感情，唔洗諗將來老人家病左會點，實情係我以家已經冇工人唔得。
搬走可能係winwin
6個讚
你對仔用左工人十幾年，要佢地分擔家務真係無咩可能，你又話二老唔會幫你做你家庭嗰份，你預左最後都係你做。
其實佢地想要多啲空間，會唔會你地搬走其實佢二老唔介意？只係你自己覺得唔好意思？咁如果佢二個唔介意，可能咁樣解決係最好，最多應承touch wood 有咩事就搬返去