我爸70 (應該有75… I.D. CARD 係報細數)
我媽65
2個老人家都行得走得, 健健康康… 我爸仲一D都唔似70…成個港男咁既款.
(雖然, 我媽近年身體轉差, 成日都有小毛病…但總算正常人一個)
我2個小朋友都1X歲…
我媽媽同我講, 佢地兩老唔想再用工人…
- 兩老禁多件黎, 一向都係非常抗拒有工人
- 屋企唔係好夠住, 如果唔用工人, 各個家庭成員既生活空間會多好多
- 2個細路都大, 可以自理, 亦無理由每個月比幾千蚊出去養住個工人等佢地兩老身體變差.
我擔心既係…
- 我早出晚歸… 屋企D 家務我的確唔想做, 要做都預左係辛苦;
- 2個細路梗係話會負責返自己家務, 但當一段時間後, 人有惰性, 相信一定會走樣…最後辛苦既係兩個老人家同
- 重中之重…我爸都70… 而家行山, 吃喝玩樂當然唔係問題, 但意外就係意外… 無人知呢一日幾時黎… 有時跌一下, 跟住就會變成餘生都要人照顧…
- 而家請工人幾難, 大家都有眼睇… 我工人係我父母口中係懶, 但我覺得主要係我地屋企無野比佢做, 佢係一個好人, 識慳家, 從來唔會有過份要求. 亦跟左我第4張約.
TO 我, 每月洗少幾錢… 家庭生活空間改善, 我當然求之不得… 我亦負擔得到.
但… 一諗起我果對健康既父母… 我真係諗得好長遠…我唔想唔要工人
究竟我要點做好…
我既心… 70% 想繼續要工人… 30% 唔想要工人
但我父母非常希望我放棄用工人… 要召開家庭會議… 唉…
1個讚
如果負擔得到，工人又叫正正常常，有個工人喺屋企，多對眼睇實老人家最好，老人家跌襯可大可小，第一時間發現好重要。同埋老人家退化好快，今日做到嘅嘢，隨時第二朝就做唔到，之後都復原唔到，所以為老人家著想，亦為自己日後可外出放心，有個工人始終較好，起碼其中一個老人家，有唔舒服或睇醫生，都有個工人陪及照顧下先! 如果到時要由您照顧，又要請假又要照顧，壓力係非常之大，到昤你就會後悔，點解唔繼續請工人了 ! 
10個讚
我都係咁同我呀媽講… 我又唔係負擔唔到…
我地工人亦真係一個大好人… 黎左香港幾十年, 個個老闆都請佢N 張約… 呢D真係事實…
但佢地兩位老人家好抗拒, 覺得佢地現時根本唔需要人照顧, 出入自如, 開車周圍去完全無問題…
唉…
講起老人家，識朋友佢阿爸70幾80好人好姐仲可以打份粗重工搵兩餐，有日係廁所跌親（未有人及時發現），到發現再送入醫院唔夠兩日咁就走咗。
如果唔係錢問題，我會繼續請工人多對眼睇住兩老。
4個讚
咁請問你個工人實際請左幾多年? 如果個工人已經同你父親咁多年，你父親都咁抗拒而冇漸漸習慣，又確係幾煩 ! 不過易送難再請，我都係勸你為自己將來著想，拖延住兩老繼續用工人。因我有照顧兩老多年經驗，依家兩老行得走得你唔會諗深一層，當佢是旦一個突然情況差，到時唔通由你另一老伴照顧? 根本都冇可能啦! 總之錢解決到嘅問題，就唔係問題 !
我呢個工人跟左我差唔多8年
由我大仔出世開始我已經用工人… 用工人既習慣已經OVER 14年.
我父母唔MIND我請工人照顧小朋友, 但只可以照顧我地幾仔NA… 唔准工人出現響佢地屋企.
但因為近年某D 原因, 2年前我地幾仔NA 同工人搬返去同父母同住… 雖然每個PARTY都有自己一間房, 但兩老總係覺得工人好阻住晒, 好無私人空間…
現在同工人一齊住都2年… 工人有幫手煮飯洗衫清潔之類…但兩老總人日日夜夜唔想工人存在…
唔係我唔想要工人, 我係想KEEP住工人, 而家係兩老要我炒…
老人家就係咁，一小小病痛瞓幾日床，情況就會退化得較後生快，就算慢慢康復要行得返，都會比後生耐好多好多，而且就算好番都冇之前咁好 ! 尤其照你講話跌襯，例如跌斷髖骨 (大腿開節骨)，身體情況支撐到做全身麻醉，再做到置換髖關節手術還好，做唔到一直臥床，身體就好快直線下降 ! 如果不幸中風，就更加不敢想像了!
我就係擔心呢D情況… 我爺爺都係咁樣, 由一個猛男變成…餘生都要人貼身照顧…
只因一次跌倒…
我父母好似完全唔覺得係問題… 我真係…唔知點樣可以講服佢地…
我家都係咁，老人家覺得行得走得做乜要工人照顧，嘥錢又冇私人空間…
咁請問你點處理…真係放棄用工人?
我覺得放棄一個好既工人係好可惜… 我呢個工人真係唔錯…
您都係用【拖】字闕先，任何老人家都係固執要臉子，冇事就永遠誇啦啦，有事最後都係您煩!
5個讚
一家6口既家務…我真係唔敢諗…
我2個小朋友仲要1X歲青春期… 我真係唔敢想像會因為家務鬧出咩野糾紛…
一個未雨綢繆，有計劃有預算將來嘅人，將來生活先更大機會過得更好! 否則到時後悔都莫及，而且近年請外傭咁難，請到又未必做得長，中介費及每次請新工人費用又高，不如留嚟俾舊工人薪金仲好啦!
我諗…可能我會提出… 細果個升中一, 我地一家帶埋工人搬走啦…
可能係另一個解決方法…
工人我留得住, 只要父母出事我就有人用… 係咪?
5個讚
繼續請… 一路鬧一路keep 住…
有時我都戥個工人慘，好似佢嘅存在已經係原罪咁
諗起就講，之前有個朋友請工人係用老人家名義去簽合約（in stead of 個朋友自己名），原因係有人教路話如果老人家走咗，可以唔使點賠錢叫工人即走，結果就係個老人點都唔簽約，所以奉勸各位唔好因為呢個原因諗縮數，麻煩仲多
2個讚
工人係我名請…
我工人真係好人一個… 我做唔出唔比LONG SVC 既錢佢而請佢走…
我就算無錢, 我都借返黎比LONG SVC佢…
3個讚
係，盡量拖得到就拖，否則到其中一個老人家唔舒服，到時就要犧牲你、及你份工都唔奇，仲要埋身肉搏貼身照顧、買餸煮飯沖涼洗衣服、陪診、陪物理治療一大堆煩瑣事 ! 到時慳一個工人，就會犧牲咗您工作及自由，亦間接犧牲咗您自己家庭，係雙輸!
2個讚
認同咁樣可行啲。父母唔想同工人一齊住, 咁唯有你地搬走, 但 keep 工人。
我阿婆都係口講唔洗工人講左好多次, 到某一次病完, 就話要請工人, 話驚自己一個係間屋有咩事無人知 (佢獨居)。問題係識廣東話印印真係好缺, 佢一要又要即刻有 (老人家係理解唔到點解請工人要咁耐), 一係就係 agent 見到啲斷約工人都話好呀好呀呢個啦 (完全但求就手)…
結論, 唔好聽啲老人家講, 佢地轉呔快到你跟唔到 
4個讚