我仔3歲
我琴日放工返到去姐姐同我講我仔係shuttle bus上面扭計
我返到黎就罰左個仔先.再講一大輪道理
之後我仔琴晚食食下飯同我講工人姐姐係shuttle bus上面打佢
佢話打佢個頭,好痛
我問姐姐,佢當然話無
但我仔有時會誇大,eg唔小心整到佢,佢會以為人地打佢
但實係有d事發生左,無事發生佢唔會無啦啦咁講…
而家唔知點算好,又無證據…
PS我仔近半年係勁唔跟姐姐
直情去到唔比姐姐埋身既地步,由其我同老公係屋企…
成日開cam聽到佢好粗魯咁鬧仔
我係屋企佢就好正常
勁唔肯跟姐姐已經係一個警號。
但有時我唔係屋企,佢又會肯同姐姐玩
但只要我係屋企,佢就唔比姐姐埋身
乜都要mami,唔要姐姐
信仔仔
小朋友言語表達會不足。但佢地好直接，唔願意跟一個大人已經好明顯係個警號
你都睇到冇人時工人對你仔仔粗魯又鬧，仲要成半年，我會快手換人，到有大事發生已經太遲
PS: 快著手換人
小朋友好純真，冇人可揀時，佢地都會搵佢地
好粗魯鬧仔已經係一條死罪。
通常醒目嘅工人點都會跟小主人 friend，由細培養感情，咁以後萬一犯錯都有人幫手求情。
唔跟工人係一個警號，我覺得呢個工人留多一日都係對自己小朋友殘忍。
聽過佢大叫
“你做乜鬼野呀?”
“你唔好玩野好無呀??”
“你想點呀?你做乜野呀?”
大家覺得正唔正常?
我舊工人都對仔仔粗暴, 阿仔話佢, 佢會話返阿仔… 決定換工人係我係 cam 見到工人不停話阿仔 “naughty, you naughty boy, naughty”, 但當時阿仔係自己係枱寫緊字… 我叫工人唔好咁講, 佢又無曳緊, 工人仲黑返我面兼失常…
但講左咁多… 阿仔都跟呢個工人, 會同佢講笑玩… 當年阿仔 K3… 如果你仔仔唔跟工人, 我覺得應該唔止講野粗魯咁少野 
我都雙職家庭我明工人唔係話炒就炒得, 但真係開始物色下新工人, 兩手準備 
全部都係死罪，你哋個氣勢食唔住個工人先係咁。
我覺得就算阿仔覺得無乜野, 但阿仔學左啲語氣都係衰…
而家呢個疫情…換人真係好難 
我地對佢的確好友善…惡都無惡過佢…
係
有段時間我仔會對佢郁手(只對姐姐,對其他人唔會)
我都教左好耐,先改善左
有啲工人係不知感恩… 
姐姐會用呢招威脅小朋友的
就算小朋友作大，工人冇郁手，我覺得工人言語態度都好難接受…
你換唔到工人,就要話明俾工人聽,係HK打小朋友係犯法,可以報警既
我覺得已經睇得出佢冇耐性同冇愛心，小朋友唔係佢親生，佢喺你哋背後對佢唔好嘅風險好大。
好唔正常！
你會唔會咁鬧仔丫？
就算無打，我都唔捨得個仔咁樣俾人鬧囉！
同埋對小朋友成長都唔好啦！
有冇plan b 有其他人照顧小朋友呀？
我有提左佢要注意語氣/用字
我無plan b,無姐姐既話係完全無人湊到