呢個問題真係好困擾. 我係呢間公司做左十幾年.
但佢地成日都係位食煙. 因為間隔好細得2百呎左右.
成日都要被迫食二手煙.
講又講過但冇用. 除非真係自己唔做…
想請問大家有咩好既應付食煙時既煙味問題?
我已經狂噴檸檬味香薰但都冇咩用.
空氣清新機開左都功效不大. 
我岩岩出嚟做嘢時試過，我坐上司房出面，日日食佢二手煙，都頂咗幾個月。
後來我扮狂咳，咳咗幾日後，我同佢講醫生話我食得太多二手煙，嚴重氣管炎同敏感，手尾好長，我要點同admin講好，嚇到佢以後落樓食煙唔敢響房食，仲要響佢房同我位中間私人加部空氣淨化機。
6個讚
哇, 長期吸二手煙, 慘過我朝朝俾吸塵機隊呀!
我有個煙民朋友, 佢屋企放無火香薰
聞落都清新, 唔攻鼻, D衣物布料又真係唔會吸左煙味
放一支呢D在位得唔得?
(唔想幫人賣廣告 所以唔會開名)
搵過份工
賺埋都唔夠睇醫生.
食煙果個唔會死, 索二手煙既死得最快的.
2個讚
插住一支支嗰啲？
香薰點可能有用㗎
都冇吸嘅功能
啲toxins又去得邊
唔會chemically react 咗
佢最多咪蓋住陣煙味
個煙民朋友睇怕係出露台食，對住個窗食，飄哂去隔離屋冇入到自己屋囉
2個讚
第一下要用火點
然後吹熄佢 佢自己會行十零個鐘
佢下面有條繩浸住D香薰, D味就咁散發出黎囉
不過學 @amigos 咁講, 只係蓋左個味 D化學野仲向度
治標唔治本
2個讚
鄰居吸煙，飄完出街再入返隔離屋都要硬食
何況佢喺封閉空間吸煙，坐附近硬食㗎喇。
打去控煙辦匿名舉報掂唔掂
如果受害者超過一人
鬼知邊個報咩
自己做下bodycheck先
同老闆講，佢唔行動，如果身體有咩事會追究返
先多謝大家意見.
其實平時老闆同另一食煙同事出左去會好好多,
係呢個星期差不多日日係度就狂吸2手煙真係勁辛苦. 我已經表明好唔舒服唔鐘意. 都有係咁咳.
(我真係唔舒服咳)
但講到尾都係懶理. 只係話咁開個窗等空條流通囉…
的確可以告佢. 但老實講做到咁我又真係唔想…
始終相處大家冇問題. 係食煙呢樣難頂.
我老公話叫我考慮買個豬咀返公司戴算 
1個讚
話說我老闆又係鐘意係自己房食煙, 搞到成公司都係味, 跟住唔知佢個 partner 導佢食新個D 電子煙, 依家佢都仲係日日係office 食, 但就冇咗個D 煙味, 依家佢個partner 一上黎, 我地當佢神咁拜
拿…我唔係鼓吹電子煙架, 但依家我入佢房同佢report, 佢係我面前噴都冇味, 至於健唔健康就唔關我事LA
最傷係你，吸二手煙仲勁過真係食
該主題在最後一個回覆創建後30天后自動關閉。不再允許新的回覆。