我係好早返工果類, 每朝返到黎清潔姐姐都未開始做野
以往大家都相處OK, 會講早晨 點頭示好
但最近新黎左一個姐姐… 我非常頂佢唔順
可能佢太盡責, 明明坐住向度, 佢都會用個吸塵機狂隊我坐緊張椅
有幾次, 我起身 同佢講 “我起身俾你吸啦唔該曬” (我自覺態度仍然良好)
然後, 佢收機時, 會好大聲唉聲嘆氣, 拍腰骨, 呻呢呻路
朝朝咁聽其實係煩既
到今朝! 佢做出一個我最討厭嘅行為 - 嘔氣! 仲要一連幾個
好似人地飲完汽水果D打嗝聲!!!
(我係試過向快餐店聽到隔離個阿伯猛咁嘔氣而衝左入洗手間嘔 
)
我唔會投訴佢, 亦都唔想
我知道係辛苦工 而且每個人做事方式都唔同
所以我只會在大氣電波呻下…
我每朝或者可能差不多時候就會自己閃開避開佢
唔想一早就做黑面神 
你list 個三樣嘢全部係我死穴，唔好話專心做嘢，我心情即時會受影響 
似乎係啲冇乜禮貌修養嘅姐姐，講極都唔會有用，去pantry 蛇下皇算啦～～～
咁早有冇其他同事返咗？
我都好怕人做到好晦氣，負能量咁勁，避開下，去食個早餐再返去
X2 呢啲人寸下佢的話（本身我真係想咁提議）後遺症仲大，下次一見佢入嚟，即刻閃人就算
係呀, 真係即時受影響 
都有其他同事恒常返早既
一個在另一個角落 一個就會落返街呼吸
所以都係得我見到… 
其實佢自己拍腰骨, 唉聲嘆氣
或者佢就係想藉此打開話題掛
係囉, 平日向位嘆早餐 變相要閃一閃走
串佢… 都未必有用
極多人覺得當眾嘔氣係無問題 (even my mum)
所以上呻幾句仲好
就返個時間，讓個空間俾佢工作，大家都好過d
如果佢唔係特別針對你，我會選擇避開佢就算
係呀, 無打算對姐姐做任何野
所以上黎呻下 一早公司又無人 
該主題在最後一個回覆創建後30天后自動關閉。不再允許新的回覆。