同99住左幾年，有好有唔好，小朋友越大越唔好，小朋友開始大個想有多啲私人空間，想搬出去住，但老爺身體最近唔好，又入院又手術，呢個時候想搬，但兩老好需要個仔即我老公幫手，為左小朋友，越快搬當然越好，老爺寵孫寵到一個點，成日話開電腦即刻開，功課唔做都要睇youtube,搞到唔聽我講，驚佢好快近視，又俾啲佢認為好既野食個孫食，例如蛋撻，蛋糕等等，奶奶成個管家婆咁，我同小朋友去邊都問，答左又話唔好去，我自己系ftm,但佢咩都幫我決定哂又唔系佢湊，番過娘家仲衰，一聞娘家色變，一個月過一兩次都有說話，又話我地每次去都夜番，過去又話疫情我父母防疫又唔知做得足唔足，話我成日唔痴家，過娘家探下父母又叫我早啲番，帶埋個仔又話我帶唔掂，唔帶又話我唔湊仔，老公佢又唔俾過，要照顧老爺，都唔知佢想點，之前我地話過要出去租，又叫我地唔好諗，係度住下先，但同佢根本相處溝通都有問題，家務又成日催我做，未得閒做又話我唔做，老公幫手做下，又話我唔幫下老公手，ftm要處理既野太多，其實我都好累好頭暈，奶奶自己做唔掂又要埋怨，簡單講系，用廚房又唔得，出街又唔得，家務做慢啲都唔得，唔跟佢果套又唔得，同佢住已經系一個死局，我又做唔到野，佢唔肯湊，我搬出去搵我媽湊，我可以做野快啲上樓，如果唔系再甘困住做ftm無咩意思，但老公話老爺身體唔好，過幾日先講話搬，但老公答應我搬，我相信佢，想係下學期開始前搬到，系咪講句搬真係影響到老爺身體，已預左奶奶聽到會好煩。
1個讚
男人講嘅嘢都信：「遲啲先搬啦」
你準備住一世都得了。
1個讚
搬！
呢個家你都有份，既然有共識，你去睇樓都得，唔使等男人郁。
2個讚
可唔可以具體啲講下點幫手法？
你老公留係佢地到照顧老爺啦，你同小朋友搬出去，否則到時你都病埋
1個讚
你有心理準備係幾年幾個月好了, 一來本身老爺身體不好,老實講也不會突然愈來愈好,好到20幾30歲, 二來奶奶本身反對,甘多聲音阻力下,我諗未必甘快呢
唔好比佢再搵藉口
身體只會越嚟越唔好，咁就一世都唔洗搬添
你99思想仲係古舊
佢哋果個年代好唔鍾意新抱返娘家
認為呢個行為係對夫家唔尊重既意思之類
所以你一返去就有說話你聽
下次就話出街得喇
你唔係我媽，我去邊度唔洗話你知
3個讚
試下同老人家講、小朋友電腦睇得多、影響個腦溫唔到書、大個會揾唔到食。
講「揾食」、老人家會緊張好多。
4個讚
咁又唔使咁倔嘅
雖然代入樓主，聽到奶奶嫌我返娘家，我都會秒嬲！
我有一句幾好嘅台詞架，奶奶一試圖管我，我就會笑笑口講「
得架喇，奶奶，我有分數架喇」「唔使擔心喎，我自己有分數架喇」
如果講及老公嘅，就話「我地自己有分數架喇」
呢個「分數」真係幾好用，令我唔使正面接招，我奶奶縱有不滿都唔會咁易比說話我聽。配上個笑面，佢真係好難搵位入自己。
5個讚
係既，你啱！
不過我意思就係既然佢唔鍾意，咁咪好講咁多，廢事煩囉！
軟功一推，的確係好過硬功
2個讚
一句唔好聽你老爺走咗，你老公更加唔會調低佢呀媽搬走
你99嘅注意力就會放曬喺你哋度
所以要搬真係要盡快
5個讚
呢段文字好有共鳴🥲
快啲安排比你媽媽照顧小朋友，然後你返工，你哋搬咗吾可以請人幫老爺嗎？一來有位比佢住，二來你老公可以輕鬆啲，三來你又唔使再對住佢地
再唔搬呢世都唔駛搬、老人家身體差你先搬、罪名好大
1個讚
再唔搬你都有病，快搬
可能掘啲先唔會比人蝦
老公唔識做，搞到老婆爆炸，自己攞嚟衰
1個讚
我睇完都有共鳴，大部分同我99好相似。唯一唔同係分開住，不過係隔離街。
你老公把口氹住你先，未必有實際行動，我係你會快手揾幾個租盤俾佢望，迫佢揀。唔係等得佢黎有排都唔洗搬
趁關係未破裂前快啲搬啦！
搬走咗關係可能反而好咗，
到遲啲你哋關係差到你99話唔想再見到你，兩婆媳永不相見，仔女次次返嫲嫲度但媽咪就永遠唔會同場，都會影響小朋友㗎⋯⋯
到嗰陣你老公就後悔都無謂，關係破裂係返唔到轉頭㗎！
1個讚
搬得到就搬,搬咗反而對雙方面都有好處.
當你第一步比咗奶奶同你同住
就以後都唔走得