買餸時間冷清 渣華道街市檔販生意跌半︰唔好搞咁耐啦

11月起出入政府大樓、醫院及街市等,必須使用「安心出行」,不少市民嫌麻煩,索性放棄光顧食環署管轄街市。記者於今日下午3時許,到需要使用安心出行才可進入的北角渣華道街市觀察,到場買餸的市民稀少,不少檔主大呻生意暴跌40%至50%。有檔販直言,如情況持續或寧願結業;有檔主期望港府應盡快結束強制掃碼政策,「唔好搞咁耐啦,一段時間好喇,真係搞唔掂。」
與渣華道街市一街之隔的春秧街則人頭湧湧,春秧街地舖商戶種類與渣華道街市相近,有市民直言,因嫌使用安心出行麻煩,近日轉到春秧街買餸。

記者下午3時許,於北角渣華道街市觀察。現場十分冷清,光顧市民亦寥寥可數,不少攤檔「拍烏蠅」,更有數個攤檔沒有營業。

經營魚檔的方太直言,自食環署街市強制使用安心出行措施實施以來,該街市人流大減,「直頭無人行,無得做啦。」她不滿指,「多數老人家嚟買嘢,搞埋啲安心出行都唔識嘟,咪無人嚟買嘢囉」,亦有不少熟客索性改往附近的春秧街買餸。方太又指,最近兩日生意至少暴跌一半,坦言若情況未有改善,唯有結束攤檔生意,「做埋做埋都唔夠交租,唔做算啦。」

00

菜檔檔主︰生意倘無起色 下周或暫休

菜檔檔主潘太同樣指出,自周一進入街市須使用安心出行後,生意額最少跌40%,「劈價都無用,都無人嚟、無人知。」她稱強制掃碼措施實行前,街市內人流較多,亦不斷有客人光顧,現時卻十分冷清,相差極遠。

潘太又無奈指,「好多人喺(街市)門口都唔入嚟,寧願去春秧街,對面個檔唔使嘟企滿人,得我哋喺度等運到。」而其菜檔附近的攤檔因生意銳減,店主索性暫時休息,她稱若未來數天生意未有起色,下周或同樣暫休。潘太又直言,現時疫情平穩,「唔明無事無幹都要人嘟。」她希望政府擱置有關安排,「唔好搞咁耐啦,唔係搞唔掂喇。」

在渣華街街市一街之隔的春秧街卻人頭湧湧,街道被準備晚餐的買餸市民擠得水洩不通。以魚檔為例,記者在渣華道街市魚檔觀察10分鐘,沒有一個顧客;不過春秧街魚檔門口則有逾10名顧客輪候買魚。至於菜檔、肉檔亦同樣有類似情況,街市內的商戶與其他街舖市況相距甚遠。

黃先生︰買少少嘢又要搞嚟搞去

市民程先生指已下載安心出行,不過要使用程序十分不便,「有時唔記得嘟又畀人鬧,最好唔使用」。他又認為,現時街外人人戴口罩,「都好安全啦」。

另一市民黃先生則直言,因食環署街市要使心安心出行,而改赴春秧街買餸,認為較方便,「買少少嘢又要搞嚟搞去,可以唔用就唔用」。

晚上約6時半的買餸高峰時間,渣華道街市與春秧街的人流分別更大。在渣華道街市的攤檔門可羅雀,間中才有一、兩名顧客行過,不少攤檔均怨聲載道,紛紛提早收拾貨物關門。反觀春秧街入夜人流再增加,各攤檔前亦擠滿買餸市民,有菜檔多款蔬菜已售罄,僅剩菜心和生菜。

菜檔潘先生︰以前上晝都賣晒啲菜 𠵱家成日一件都賣唔到

渣華道街市菜檔負責人潘先生批評,港府措施導致民不聊生,「官個口大個我哋,做咩都無得反對。」他又氣憤稱「以前上晝都賣晒啲菜,𠵱家成日一件都賣唔到,叫啲官上嚟睇吓搞成點!」;附近菜檔東主亦附和指,「唔好叫安心出行啦,係『驚心出行』呀。」

7個讚

正~
唔知康文署街市幾時有退租潮呢?

8個讚

好似用咗安心出行就百毒不侵,戴口罩作用都唔夠佢勁🥲

4個讚

其實搞嚟係益錢大媽同建華~ D 小藍絲食谷種lu~

正苦: 公平d啦,春秧街都要安心同行啦

1個讚

似迫死d小商戶,多過為防疫。

4個讚

岩呀… 街市d檔主真係應該要反… 佢地影響好大
我就係果d要嘟就會唔去既人…

4個讚

雖然戥小販慘, 但睇到好心涼

11個讚

Nancy 無去撐場? :roll_eyes:

北角有福建國春秧街街市,所以影響好明顯,但有啲地區,附近無露天街市,都要入政府街市硬食,我嗰區同之前無分別,一樣咁多人入街市。

2個讚

邊區?印象中好多都附近有街舖

附近要買游水魚就一定要入街市。 超市唔掂。
菜、肉得錢大媽同一啲好可疑賣得平嘅店,所以仲有咁多人迫住入街市。

住灣仔就可以唔入市政大廈,鵝頸橋附近大把海鮮檔。

2個讚

阿聶整餅 :roll_eyes:

我樓下個街市都冷清咗好多
以前咩時間都人頭湧湧

1個讚

正苦唔會理腥港人,只會接受指令,腥港人死心啦。 nacey 唔撐場真係衰

3個讚

so sad

有無搞錯呀,福建人地頭都唔支持呢個垃圾app?d街坊大部份都紅㗎喎

1個讚

仲諗住要放長雙眼,點知…咁快見效喎~
我等睇退租潮,街市人去樓空,達到政府想見成效,安心都慳番,保安又慳番唔洗請。

6個讚

行唔一定買、但唔行一定唔會買、我媽係日日都要行下街市超市既人、佢都話煩、咪去第度八囉:rofl:

今日特首講架
要通關呀 犧牲下啦你哋~~

1個讚