你哋仔女係邊間上游泳班學游水？上左x天，好勞氣!報名又話無收到報名表，學完連張進度表都無，要10追9問先有。拎到手，一睇，連教練名都打錯。
有無 jm 分享下，最好九龍區，謝謝大家先
小女N年前上史X福, 上左半年有多都係持板踢腳, 仲要次次唔同教練, 一班4-6人, 未落水就比曬水袖龜背, 最緊要唔好浸親(因為人手唔夠), 學唔學到不是重點, 嬉水半年後覺得唔係辦法, 轉左魔鬼教練, 7堂學識自由式, 半年學曬4式
結論: 泳班適合想比小朋友嬉水柴娃娃開心下嘅家長
2個讚
之前有間黃嘅叫天空
利申冇試過
好認同呀, 我小朋友學咗三個月, 一去到仍然係上龜背+水袖, 踢幾吓水咁, 剛開始頭一兩堂最有效果, 我個仔識閉氣, 之後就好似冇咩進展
我都聽有同事咁講過, 都係要貴貴哋搵個堅嘅教練先學得識
謝謝上面 jm 分享，利申下，錢唔平，講緊2,3百蚊1堂1個鐘，基本上都識游水，要求唔高。。。
最重要係我小朋友勁鐘意游水，如果唔係，我都想唔搵泳班!最嬲既係佢張進度表求其搵個教練簽，我都唔知佢乜水，面都未見!咁又知我小朋友進度學到邊既？如果佢有嚟監場，我堂堂自己接送，一定見到，都算!
覺佢哋行政亂嚟，收表亂嚟，太勞氣。所以想問下，有無真心有間教游水？介紹教練都可以。謝謝大家分享＆幫忙
JM, 魔鬼教練惡惡地 (ESP對男仔), 所以唔係人人啱, 但目標為本想學識游水係堅有用, 同埋佢夏天唔出去教, 喺沙田, 要你就佢SCHEDULE的, 你有興趣可PM我比資料你
2個讚
唔知你講邊間x天 因為有另一間泳會都係叫x天
如果係同一間的話 今年都激到我爆
已經早一個半月報名 然後臨上堂前2日 （星期日通知 本來星期二開始上堂）我個小朋友不被取錄！
最搞笑係 我問佢有無得reassign去其他location
佢叫我自己逐個location打去問 因為有唔同負責同事
喂 你中央派位咁唔得架咩？你地同一伙架喎
果陣已經開始左暑假 完全搵唔到其他泳會
因為全部已經過曬報名期
嬲到我震
而家一有朋友想報名泳會 我就會分享我的親身經歷
八卦一問 係海定泳?
以前小學泳隊跟過海乜
你冇另外報佢操水班既話
個教練完全唔會教同唔執泳式
只係係咁叫你操水
搞到我跟左4丶5年個蝶都係未識曬 
跳水都未係好識
利申 我學得慢嘅 但係係原先個泳會(已結業)一對6左右學左三丶四年已經差唔多學曬四式 入咗泳隊反而完全冇進步到
我仔跟泳x, so far ok, 學左暑期班，識踢水換氣，而家上緊常規，學埋撥水，我諗就快識喇卦，我仔運動細胞超差，我覺得學左游水協調好左，所以我都收貨
eee…有 d 料喎，我又係報名咁中伏，真心爆曬粗
謝謝 jm,沙田唔就腳，真心謝謝你！如果有需要，再問你，謝謝你呀
無錯 真係爆曬粗
如果佢唔係先到先得，fine! 你咪抽籤囉
但臨上堂先通知人唔收 真係好差
仲夠膽死叫我自己逐個location打去
然後打去佢總部搞退錢 位小姐問咩事退錢
我又嬲爆佢一餐 咪你地臨上堂先話我知不被取錄囉！
我知位小姐都好無辜架喇 但係我諗唔到原因可以唔嬲 
我仔就快7歲，跟1個呀sir 單對單學。呀sir 好有心機教。學左12堂已經可以放手吾驚咁游半個池。主要係我仔有弱聽。要慢慢大聲係佢耳邊講教佢。呀sir 好好心機。3佰幾蚊一堂，都係值得呀。
2個讚
可唔可以pm我邊間
我覺得泳班油未至於係嬉水；佢係有教技巧但人手問題，好靠個小朋友自己領悟同練習
如果你小朋友係屬於比較大膽同好動既，呢類泳班既慳錢又學到游水
但如小朋友好似我囡咁比較謹慎型又唔太好動，呢類泳班就唔適合，因為佢哋要 one on one 去教好D
請問你有冇推薦? 我仔都比較內向 
冇呀，我囡仲未識
我就係兩個暑期都見冇乜進展先覺得唔適合（但同期有個好動又大膽既女同學就已經識得游1/3個池了）