【聽聽這些聲音】
今朝881晴朗接了幾個電話,全是有血有肉的安心出行故事:
有個阿叔用3G電話,圖書館職員話佢安裝唔到安心出行,佢向平機會投訴受到數碼歧視,「係咪我窮冇錢換4G卡就唔駛出街?我哋係咪要做隱蔽長者?我30號去街市同檔主farewell話我入唔到來,餐廳要嘟安心出行我都入唔到。」
有個女人話去開的街市有八個出口,現在全用膠帶圍住,不是食環署職員看守而是外判清潔工,全是彎曬腰的阿婆。「打兩支針都可能受感染,久不久有沒源頭個個,根本冇可能清零,呢個政府做乜都令我反感。」
有個90歲伯伯話自己有豁免,但60零歲太太冇豁免,兩公婆都冇智能電話。「老人家去街市除了買餸,仲去圖書館同食肆,你嘅措施係剝奪老人家的日常情趣,又影響街市生意。」
有個男人話太太看見電話舖收老人家80蚊裝安心出行,話以前有好多區議員幫手但冇咗區議員,話公公婆婆堆在街市外攞手機可能遇上扒手。「明明冇本土感染,你個措施令市民好反感,地鐵站投注站咁多人係咪又要安心出行?」
長者安居協會話一星期收到百幾個查詢,有伯伯即使有豁免,但唔識字唔想俾人知,不肯請人幫手填紙仔,寧願以後不去街市。有老年媽媽擔心患精神病兒子外貌不似殘疾人士,若突然有人停低要佢掃碼或填紙仔,擔心會情緒失控。
有個男人話嘗試教爸爸用安心出行,但老人家眼矇耳聾,擔心自己唔識用又擔心聽唔到電話響,話寧願唔去街市,佢最怕爸爸連唔舒服都逃避去醫院,「你開唔開關我唔關注,我只關注你哋的措施為難老人家。」
最後來電為副政府資訊科技總監,佢話明白有些長者遇上困難,所以有熱線支援佢哋。
主持:咁你哋熱線幾多號?
總監:1823 。
主持:吓?
總監:(講一輪會改善技術)我哋仲有WhatsApp係 96171823。
主持:係有人對答可以打去問嗎?