一個舊同事日夜都要 whatsapp 遲覆就質問話極都冇改善

前幾日同佢講過,過幾日要搞帛事較忙,要安排親戚朋友前往,及當日所需要安排物品,都係非常忙碌。而且唔想成日吹水,驚因此忘記嘢而到時有甩漏,所以早幾日已經同佢講,俾我忙埋幾日先 ! 但尋日佢又一早煩我,我晏啲佢就詐我型,話我係咪瞓到咁晏,我就話我都一早講左忙帛事,你唔記得定當我係肺老,根本全日好得閒冇自己事忙? 之後佢答叫我唔好勞氣,佢唔係咁既意思!

點知我今日忙完帛事,黃昏一齊叫做食餐飯,之後七點零我返到屋企好攰,諗住沖涼時佢就又 whatsapp 我,又係 forward 無謂嘢俾我,仲加留言講多餘嘢 … 唉 … 佢每次都係咁,好似完全忘記我之前說話,當作我完全冇同佢講過我有咩忙咁,又係一如以往每日煩我,呢次我真係嬲,真係要考慮係咪減少、或直頭唔好來往 ! :angry: :triumph:

佢煩成咁你先考慮減少來往:fearful:
其實一隻手拍唔響,有無諗過你一直以嚟嘅反應其實係助長緊佢?
我自己一感受到負能量好重時,就會避免上任何社交平台,都盡量減少同朋友傾計,因為知道如果自己唔處理啲負能量,一有出口,倒完垃圾又會繼續負落去
你可能阻止唔到你朋友唔識趣,但你絕對可以控制到自己要同佢保持一段點樣的距離

3個讚

我無追曬post,淨係睇左頭同尾幾個replies
請節衰, take care yourself and your family

你會令我記得, 我自己, 我身邊朋友都有D咁既朋友 (不過都係女)

其實, 點解佢會一直搵你 (速成啊~ 九方啊~)
因為你一直有回應佢嘛, 咁佢見你有回應佢, 咁佢當然會理所當然咁,
覺得你都明佢, 你係好好既傾訴對象 (開頭我以為係女女, 因為真係好少男會咁痴纏)

我地既解決方法都係得1個,
唔再理佢
你唔比feedback返佢, 佢自己會消失 (不過你忍到十年, 都好勁下)
你唔忍心, 對相方都唔會係好
你又煩, 佢又唔明自己有咩問題
(唔理佢之前, 可以講返你自己心底話)

朋友係用黎打攪, 但真係不能太
如果佢自己借錢比人, 自己都收唔返, 咁你可以同佢講下呢個問題
(或者直接比呢句佢)
你自己都諗下, 你有冇能力追返先得架
如果無, 咁你就唔好借
人地借到係佢本事, 你追得返佢還錢係你叻, 但而家問題係,
你呢方面唔夠叻, 追唔返, 點就唔好再借比人啦, 又唔係超有錢借比人

至於youtube新聞個D, 你話你都有睇到, 講多幾次之後,
就可以同佢講, 其實你唔使send比我, 我都有睇, 加個sad sad 樣 (如果段野係sad news )

有D人, 真係要講得好白, 好白, 唔係佢地會諗多左, 以為你唔介意, 所以會成日搵你
你講到出口都係咁, 真係… 飛得, 我唔會再用心去理呢D人,
大個啦, 有好多野都唔一定會同人share, 亦唔係每個人都得閒理其他人
自己要識得自己消化一D事, 咁樣先係有成長

-------- 講下自己先------
(我自己既係, 佢一直覺得我地好細個就識, 識左十幾廿年, 但細個個時我淨係知佢係我朋友既屋企人, 都無過幾多句, 但心底裡好多謝佢, 13定14年見返, 近呢幾年有時都聽下我訴苦
2,3年前, 佢開始拍拖, 我都鄧佢好開, 始終佢同屋企人關系麻麻, 而家有個男朋友係件好事,
但就開始成日同我講佢同佢男朋友既事, 佢覺得佢有時好蠢, 有D又開下佢男朋友玩笑, 我叫佢, 對人好D啦, 又叫佢主動搵下人, 放閃就更加添啦,
咁我無男朋友, 我就佢講, 唔係唔比你放閃, 但請照顧單身狗感受,
真係佢拍幾耐拖, 我就講足呢句咁耐, 唔講男友, 就係屋企人,
有時我都會比下支持既說話, 希望大家都唔好咁down,
如果唔係, 就係講佢男友屋企人(其實你男友屋企人, 關我咩事?
有排佢係講埋佢點照顧佢男友細佬個女, 個女入到咩學校都會講我知, 佢男友讚佢係好女友, 直到最近, 佢男友老豆入院, 佢男友阿媽比埋鎖匙佢, 咁我就話咁幾好呀, 佢阿媽都信你, 但佢又不斷否認, 我講左好多正面既說話, 佢又係reject我好意, 咁其實你想點??
打字打到我好無癮, 咁我就話我要瞓啦, 點知第2日佢打電話黎, 繼續呢個話題, 其實你想我點, 單身狗要比咩反應你, 你先肯收貨.

有時我覺得, 其實佢講咩, 我都要聽, 佢想食咩, 一定要去食, 唔去食就嬲左我
我都好想去BBQ, 但佢一野就rejected我, 其實我覺得咁樣好攰, being supportive, 無問題, 但你唔理我感受, 我真係覺得心傷, 但佢係我好煩惱既時候,佢會主動幫我既(係佢能力之內), 可能佢都會覺得我係一個麻煩既人, 為左一餐野食, 大家都無再搵對方, 應該係大家都忍夠對方啦 )

(其實我都好鐘意打字, 但都要睇人, 唔係人人都值得自己用時間去回覆)

2個讚

你個朋友都似我果個朋友,又係一味佢不停連環炮發打字,好多時大家約出去食飯,因為佢打字太快,加上佢個人太自我,原來好多時佢都未睇清楚我回覆,試過我約佢果度等,佢就冇睇到去左另一度 ! 之後佢就現場發脾氣,死都話我唔係約佢呢度,我開番 Whatsapp 對話記錄佢睇,佢就冇哂聲出 !

上週佢約左我嚟緊星期六踩單車,我就話近星期忙家事,到時睇天氣再確定,點知佢就發脾氣,話點解唔可以約實?!

『至於youtube新聞個D, 你話你都有睇到, 講多幾次之後,
就可以同佢講, 其實你唔使send比我, 我都有睇, 加個sad sad 樣 (如果段野係sad news )』

回覆:我已經直接同佢講過,唔好再轉載任何新聞、或八卦嘢俾我,果次我仲係俾佢煩到發脾氣,佢沙冧完第二日就好似忘記哂,好快又故態復萌。佢性格好易抆好冇耐性,同埋好中意句句窒住哂。只要佢未聽過嘅事,佢就唔會信會覺得我吹水,好膚淺 !

1個讚

如果唔係知佢係仔, 我真係會以為係同一個人 :joy: :joy:
(不過我朋友佢打字好慢, 又成日打埋D 爭小小既同音字, 同埋佢唔係九方)

睇你形容佢, 咁真係係你面前好 “自己”, 唔知佢係其他人面前係咪咁?
(即係佢做佢最真既自己, 唔使理人感覺)

但係條街度發脾氣唔尷尬架咩?? 佢D反應好直接下, 未大個仔咁
(你快D幫佢一把, 幫佢長大啦, 唔趺一次個人係唔會成長架)
(我諗起我呢個朋友, 都好鐘意大大聲講野, 有時都覺得尷尬, 但有左男朋友就好左D, 少左大大聲講野)

細個就話約實啫,
明知對方屋企有事, 直接call off啦, 仲約咩,
佢真係唔係好有放你係心, 但就放自己係自己中心

(你highlight 個句, 就會彈出"引用", 你㩒落去,就可以引用架啦)

哇, 呢D真係好朋友喎,
如果你窒得黎, 係有建設既話, 我OK既,
但廢既可以收返,

我朋友都係咁, 有時覺得, 你認叻唔使認到咁既, 我問你野, 你就答我唔識喎

(打字太快, 有時真係唔係咁好, 有好多時都miss左1,2句, 試得多 :cry:, 我唔想架, sorry)

其實睇你呢2段野,
我都係建議你, 同你朋友真心話一次, 最後最後通碟
講到明, 你真係接受唔到你朋友既N個問題, 唔想咁樣無左段友情
(如果佢咁都get唔到, 你都係放棄佢啦)
對住呢D人, 真心攰 (但我真係唔會忍佢十八年, 原來係18年, 我以為係十年, 我look返上去睇), 你kind of 助長左佢呢D性格18年, 你自己亦辛苦左18年
忍唔住計一計數, 佢都應該有35+, 希望佢係對住你先係咁
如果唔係, 對所有人都係咁, 都好大件事, 呢D性格好難相處

為佢好, 狠狠咁屌左佢一鑊先, 無改既話, 真係放生佢
你都唔使再做善長人翁

1個讚

@Sirolimus , 新人應該無quota回我架啦?? 有需要就edit your post or reply later la
其實如果個人連朋友屋企人有事, 都係顧左自己感受先, 真係可以收收皮
佢有冇問候過你一聲? 關心過你??
如果都無, 請你狠心D鬧佢啦, 佢個圈, 真係得佢自己一個

2個讚

你問起又真係冇,佢連 RIP 都打過一句,凈係不斷 Whatsapp。如果得閒同佢傾,佢可以由佢食完晚飯七八點後,同我網上打字到夜晚11點,直至我話唔傾佢先停,佢係唔中意語音中意齋打字,自問我打字慢唔過佢,但我始終大佢十年,人到中年心態精力唔同左,所顧及家事私事都亦多,屋企責任大小及錢都由我負責,負擔及責任壓力亦大,唔似佢仲係受母親照顧,幫佢洗衫做家務及煮定飯佢食,但我卻相反要趕收工,煮定飯俾屋企人食,及之前要照顧老人家餵食。所以我唔會好似佢咁得閒,咁集中到精神佢打字 !

不過諗深一層佢似我十幾歲侄女,乜都冇心裝載,講完又唔聽又煩我,好似金魚記憶咁,心目中只有自己,都係冇得救了! :sleepy:

識佢約18年,以前佢脾氣就年少氣盛,但唔係咁煩的 ! 如果細數都係近兩三年係咁,唔知點解佢就開始好中意搵我傾偈,仲成日都搵我約我食飯添! 咁現實出到嚟佢就冇咩,因為講口才佢唔夠我,講串人佢都唔係我果皮,佢最煩只係佢得閒時、就當我都一樣得閒,仲有十幾個字分五六段連擊發出,果種煩擾真係有時令我心火盛!

佢仲有一樣嘢好令人有壓迫感,例如我有樣興趣嘢已經買得多過佢,佢就買咗同類型其他知名品牌,就不斷叫我都跟佢買多個。我話我已經有多,仲買多個做乜呀? 佢就有理冇理日日不停,催促我買佢用緊果隻牌子多一個。佢呢種性格唔怪得之冇女朋友,有都俾佢呢種無形壓力,逼到透不過氣來 ! :cold_sweat:

你覺得煩,咁點解你仲要繼續理佢?

睇黎你應該都離唔開哩種被需要嘅感覺,其實你同佢算係同一類嘅人,只係性質不同。

3個讚

唔係,係佢曾經喺我病重時,成日去探我及帶食物俾我,有時做人做唔到咁絕,佢係一個好心人,年紀都唔細,但心態好似細路仔咁,唔識為人切想 !

雖然你一早講咗唔係 gay,不過我想問你係咪肯定佢唔係呀? 佢似當咗自己係你另一半喎,仲要黐身嗰隻~

1個讚

佢唔係,佢之前都拍過拖,但好似性格問題,好短時間俾女飛咗,佢亦成日街拍影女。現實中我係中意講笑,佢應該係覺得我講嘢較好笑,所以特別中意搵我而已!

尋晚佢又 whatsapp 我,我爆佢…話前日做帛事一早通知咗你,你仲 send 無聊嘢俾我做乜?佢笑話:「唔記得咗」。佢份人都過三十歲,我覺得佢仲似十零歲,乜都記上心,乜都凈係以自己隨心就做!

該主題在最後一個回覆創建後30天后自動關閉。不再允許新的回覆。