今朝一早佢又 whatsapp 我，當時我冇睇留言但知你佢，因明天屋企有帛事要做，事前我呢位朋友都知，呢輪我都要忙安排帛事。我到約十二點先覆，佢就詐我型話：『乜你瞓到十二點呀?』，我就即時著火話番佢，佢就沙冧 ! 我同佢講忙緊安排聽日帛事，搞掂得閒先傾啦 ! 
咁你呢個朋友，直頭似係有精神病喎? 
網友節哀
有帛事個人已經煩，仲要應酬佢，辛苦你。借依個機會爆佢一野當自己發洩下
1個讚
佢係唔太識做人處世，之前已經同佢講屋企老人家病重，佢都無改每日 whatsapp 掃射我，之後頂唔順話：『真係冇心情同時間同佢吹水』，佢先叫做突然醒覺，再冇聯絡一輪! 
都真係唔係識做人處世喎，知道fd屋企人有事係消失而唔係幫手/慰問。
同意網友見解，樓主真係諗諗斷捨離依位舊同事
1個讚
其實我帛事冇大搞，只係自己屋企人而已，親戚朋友因疫情關係，自己拒絕佢地前來!
只係唔想再做棋子比人玩，
打電話煩我屋企人，
威脅佢哋，我一定要同番佢講嘢。
我屋企人受唔住又不停鬧我。
依家個個都知道佢係傻嘅。
唔會接佢電話。
係啲唔識既人面前扮可憐話自己無曬朋友，
無人同佢講嘢。
話我做得好絕，
其實有冇反省過自己點對人？
好煩既時候只可以係網上呻下，
真係唔知道邊到可以發洩，
多謝大家。
1個讚
咁我歡迎你喺我呢個 post 內，分享下你嘅經歷，大家都係同路人，互相分享及扶持一下都好 
絕對支持你。
1個讚
我有個情緒有問題既十幾年朋友，佢因為身體問題無長工，所以我私人請左佢去我屋企幫手照顧小朋友。但有次佢（又）鬧自殺，話希望見下我小朋友攞D慰藉。
我突然驚醒，我今時唔同往日，我有小朋友要照顧，就算佢真係要死，我都要先保護我小朋友。我於是即刻和佢保持距離，話知佢真定假死，話知佢hurt唔hurt，總之唔可以因為幫人連累到我小朋友。
6個讚
我另外仲有不少呢d朋友，係咁whatsapp我。我會湊到佢地要適應我既節奏，明明可以即刻覆既，我都會拖一日。如果佢咁樣嬲左我，我會由得佢。如果佢忍到，我地就繼續做朋友。
1個讚
我絕對唔會遷就佢
佢SEND MSG黎都好… 我會得閒先睇, 得閒先回應. 睇心情, 睇時間.
如果佢唔高興, 都無法~ 咁由佢唔高興…
做朋友既野… 互相尊重.
而家攪到, 佢既時間就係時間, 佢既需要就係需要…
而你自己, 就係NOTHING, 永遠都要STANDBY
SORRY~ 無人可以有呢D “優惠” 只有我家人~ (我家人我都未必要咁做, 大佬要返工要做野, 我亦需要私人時間囉)
2個讚
其實你幾時覆佢都好，都唔使解釋，就算係懶唔覆佢都唔代表係你錯，你無義務無責任㗎！
試吓同佢「絕交」2、3個月，你會發覺人生輕鬆好多。
如果你真係自己都唔幫自己，其實無人幫到你。
人哋都無義務責任吸收你嘅負能量。
2個讚
我仲有d朋友，大時大節一定要約出黎，又要成日送禮，但我係鍾意靜靜過節既人，咁對我構成好大壓力。
佢地係好好既人，我唔忍心推佢地，忍左大概7年，我終於頂唔順，爆左佢地一鑊，講左我唔鍾意咁。但佢地完全唔明白我做咩，覺得朋友就係要成日一齊。
我最終ignore佢地，隔一星級先覆佢地msg，兩年先會出黎見佢地一次。佢地有hurt到，佢地到而家都唔明，不過我一於少理，人生自在好多。
2個讚
我老公和其朋友，細個做開兵，甚至大左有女朋友啦，見到觀音都係奴性慣左照顧佢。
有次兩男帶埋女朋友（一個係我）一齊見觀音，大家傾得開心時，觀音突然發脾氣「你地而家傾得好開心唔理我啦」，呢兩個男人竟然丟低女友去追觀音，然後我仲要幫手照顧另一個被丟低既女友
我和老公結婚當天，觀音遲到無相影，又發脾氣走左，以後都唔聯絡我老公。但老公終於醒覺，自己有老婆啦，唔可以再照顧呢個觀音。
後黎觀音俾男人呃，受好多傷，我老公都係一笑置之，唔再理佢。
所以唔好亂養怪物，對自己唔好，也教壞對方性格，甚至連累自己身邊人
8個讚
我情況同大家唔同，發生係smartphone 未普及之前。
讀書part time識左個人幾好傾，
到我畢業出式出來做野，因為未穩定，所以都keep到一個月返一兩日幫補，後來正職穩定左準備辭part time ，呢個人仲係part time 緊，原來佢咁多年都冇正職，
佢有提過我畢業後個人氣質唔同左，冇咁𡃁妹、更有自信、好羨慕我有新一頁，而佢唔敢跳出來，
我叫佢試左先，partime 時間算自由，正職真係唔啱心水咪quit，起碼有parttime 份糧頂到。
當然鼓勵左佢幾次，佢都係放負，
當時細路女唔太get到呢種人，後來同其他朋友講返，佢哋叫我遠離呢啲人，
咁我辭左part time後又的確慢慢疏遠到冇再聯絡，
再之後見到網上咁多人分享，先發覺咁多呢d人，唔太識形容佢地
1個讚
我有班同事個個月都會抽一晚食飯/唱k當作慶祝生日，開始好casual 得閒就join唔得閒就唔join。
整整下個搞手唔開心，話成日都唔齊人，跟住其他飯腳要氹佢就話set返d條件，12次入面只可以有1次免費預早通知缺席，第2次預早通知缺席要罰5舊，即日缺席要罰5舊，可以請病假。
壽星決定果一個月食乜野，生日果位唔洗俾錢，食飯直落都係其他人share，大概每次600-1200不等。
每人都要做一次搞手，懶公平咁抽1月邊個搞2月邊個搞。
食個飯仲慘L過返工，成日都話要埋我男朋友(當時未結婚)一齊，點知男朋友開會走唔甩照要罰錢 
果餐食BUFFET，酒店係照人頭收，連埋罰錢我俾左1300出黎。
之後我退出依個呃錢飯聚集團。
9個讚
睇見都戥樓主辛苦，朋友一齊應該係輕鬆自在，一個咁chur 令人咁有壓力既所謂朋友真係冇左都唔可惜。
2個讚
「朋友一齊應該輕鬆自在」唔係人人知，好多人會當朋友係家人咁，覺得責任上要照顧佢。尤其是個朋友好可憐，無朋友好慘，就會激發一d人既母性去照顧佢地。
我疏遠既兩個chur朋友，一個結左婚，一個長年單身，我自己就有埋仔女。結左婚個個同我講，話我地應該照顧個單身個朋友一世喎。我心諗，你自己照顧啦，我湊仔唔好。但佢地兩個就係好仲意照顧人，由得佢地互相照顧，我仲意自己一個。
6個讚
有d人幾十歲都要人圍住佢架
遲咗少少覆又出谷又盛
老闆我都唔駛即時覆啦
4個讚