想問訂咗半年租約， 租唔夠半年就走， 是一個月前通知， 咁呢一個月通知我仲使唔使交租？
正常死約內走，不論你幾時走都係要俾半年錢。除非同業主協商完佢唔洗你俾。如果生約的話，一個月通知，你俾租到你搬走交鑰匙日就ok。
4個讚
最好睇返合約 合約可以雙方自訂
外人點會知你件合約內容呢 
如果無寫明退租通知期 （通知期亦可以雙方自訂）咁果6個月會係死約
咁你住唔住夠6個月 都要俾足6個月錢
1個讚
提早走係BREAK CLAUSE, 唔係一定有, 要雙方同意寫左落合約, 否則6個月咪死約
除非你地係講明MONTHLY TENANCY
如果唔係死約，一個月通知期，你果一個月仲住喺入面，點解可以唔洗俾租 
1個讚
你反問樓主係啱，我都想知道點解最後一個月，樓主會覺得唔使交租。
你俾咗一個月按金，所以諗住一個月通知，咁就唔駛俾租，直接用按金抵消？
如果錯，下面可以唔駛睇
如果估啱，正常做法係唔可以以按金抵消租金，應該要照俾租，直到成個約完咗，業主check吓無問題，交鎖匙，收返按金，有問題就要再傾點處理
2個讚
如果係死約, 要俾足6 個月。按金不可當租金
係呀我個意思係咁， 係經紀教， 還可同業主傾
謝謝以上各位回覆，教導
更清楚明白了
你個經紀教壞人，
該主題在最後一個回覆創建後30天后自動關閉。不再允許新的回覆。