我知係藍店, 可以既, 已知既我都盡量唔會幫襯.
但呢間EXX, 我真係同你講, 你真係唔洗旨意再做我生意, 連突發既情況都唔會幫襯你.
話說我眼鏡爛左, 急用, 又要趕接小朋友放學…
我企響沙田某一個商場等EXX 開門, 希望可以快快買, 快快驗眼, 快快拎貨, 趕去接小朋友.
11點佢一開門, 我就行入去… 見到個4眼仔男店員響到撳個黑色手提電話, 薄既~, 我唔SURE係佢自己個人既手提, 定係SHOP入面果Ｄ 手提啦… 唔排除佢真係SET 緊支付收款功能既野…不過以我日常SHOPPING. 見到SET支付收款功能既機, 而家支付收款功能都係白/橙黑, 大舊既…
我揀左5分鐘, 真係唔等得佢繼續玩手提, 我直接問佢, “請問, 我想要呢類呢類輕既眼鏡框, 有咩選擇?”
佢好不情願, 仲要奏埋眼眉, 好悔氣咁, 指左去一邊 “果D 丫”.
我果一下真係著左… 你無野麻… 我知我唔係大6客, 唔會有大生意比你, 我都知剛開鋪, 你可能忙緊, 但我無得罪你下麻.
最後我轉身就走左去第2間配. 吼!!!
真心希望大6快D 通返關, 有多D大6人落去幫襯你, 等你唔洗服侍香港人呀!!! (唔知係咪曲呀, 總之諗返起都好嬲)
