其實30歲都未夠真係話細唔細，話大唔大，但依家越嚟越多人三十幾歲先結婚⋯⋯因為畢業先出嚟做左7-8年野，講真儲到幾多錢⋯⋯搵3萬如果儲萬5就好好好叻啦
樓主真係要坐低同老公傾下，計下大家有幾多積蓄，睇下d 錢要點分配用，同佢要比幾多加用先至夠大家洗
我想講生仔，BB 未出細都用左>10萬（連埋請工人陪月保品），咩都係錢黎，仲未計BB出細要買保險打針個d ，樓主都做個list 出黎計下數
1個讚
同埋你而家一定要同佢傾埋生完邊個湊B, 你做FTM自己湊就要問清一個月有幾多家用, 請姐姐既以你part-time人工好難負擔, 咁你就要準備轉返做full time/ 搵過一份,
靠長老湊要有心理準備一定會嘈, 育嬰院難排+唔平
1個讚
仲有，佢既然有賭開嘅習慣，最好傾好家用叫佢set自動轉賬，出糧嗰日就好過數，費事一陣間又賭曬同你講無錢俾，你又心軟
話俾佢聽係咁做要確保BB生活有保障，有淨嘅儲嚟俾BB第時用
2個讚
始終無計劃下懷孕, 可能老公到BB識講少少野先有爸爸感覺啊…
辛苦啲…捱到一歲多啲…同佢報N班/托兒…自己返full time?
1個讚
呢間公司近排已經裁走咗幾個人，因為呢份係我第二份轉既公司黎，做咗半年到，我要做夠十個月先有產假，之後就俾佢無理俾信話轉我做pt
, 我都已經處理緊件事
你係做左半年先有BB定你做到而家半年?
有薪產假係由你放產假既第一日計起已係呢間公司工作40星期就有
3個讚
你公司咁樣應該係犯法，你睇下勞工處/平機會可唔可以幫到你
同埋你唔轉part time 係一定夠資格攞14個星期有薪產假（條件=工作日數：攞產假前夠280日），但佢咁樣轉你part-time，等你做唔夠280日，變相你嗰14個星期產假，係一毫子都冇。你公司真係好無良喎！
1個讚
住屋開支我哋又未算好大壓力，因為佢係圍村人，有個單位已經係屬於佢，所以我哋無供樓租金負擔，只係普通裝修加傢私配置，同埋平時日常水電煤費用
我做到而家半年，如果計到我生個陣其實仲差個半月先有有薪假放，個陣個啊姐話我成日放假去產檢身體狀況又差又放產假，之後叫我不如直接做pt,佢搵人做主力，我後勤幫手，我個陣又唔想無咗份工，所以唯有番住先好過無收入，不過其實佢咁都可以叫歧視，所以我都打咗去平機會投訴，而家都幫我處理緊
1個讚
冇拒絕？
係，樓主意外懷孕，要時間調適下，不如好好地拎出嚟傾下，除咗錢，其實之後照顧小朋友安排都好需要傾，一五一十講清楚，等對方知道大家身份將會唔同喇，要認清依個身份嘅責任。
在所訂定的產假開始前已按連續性合約受僱滿40星期；
即係只要你唔係入職前懷孕(孕期一般40週), 基本上都一定有有薪產假
所以佢一定係呃你
轉做PT就要改本身張約/END咗張FT約, 佢係叫你自己RESIGN轉PT定係點呀?
除特殊情況外（關於懷孕僱員的職業保障詳情，請按此處參閱答5。），僱主解僱懷孕僱員，即屬違法，僱主可被檢控，一經定罪，最高可被罰款10萬元。此外，僱主必須在終止合約後7天內，支付下列款項給僱員：
( 1 )
解僱代通知金；
( 2 )
一筆相等於1個月工資的賠償款項*；及
( 3 )
假如僱員繼續受僱便會有資格領取產假薪酬，僱主須支付僱員14**星期產假薪酬。
追到佢比返14星期糧比你
上面好多人覆佐家用同part time我就唔再講。
淨想講句為母則強，既然爸爸未生性，你就係bb最大既依靠。如果你樣樣都唔為自己同bb爭取，受苦既唔只係你仲有bb。
凡事諗下bb，俾多d勇氣。當見到bb個下你就會覺得咩都值得，加油！
2個讚
嗯，樓主老公係原居民，冇住既問題，可能亦唔點諗生B後既事，你就迫佢諗
樓主自己計下條數，直接出聲話係每個月家庭開支，自動轉帳，搞掂。
冇供樓交租負擔，件事唔難解決，除非佢係賭徒+冇打算響財政上為個家付出。
該主題在最後一個回覆創建後30天后自動關閉。不再允許新的回覆。