屋開支，佢負責晒？如果係，我建議叫佢每月俾一萬先la, 應該無咁大反應
1個讚
睇下比例幾多，廿蚊買六合彩都ok嘅
1個讚
有左 BB, 唔可以幻想再行AA制。你地唔再係兩個獨立個體， 係一個家庭。
男人未明都好正常，但俾錢係最低最低既要求。BB出左世後，你好可能連part time都唔可以返，零收入，因為到時你會連瞓覺都好難。然後BB開支好多，唔係老公俾錢邊個俾錢？
一般家庭有幾個玩法：
- 老公好似出糧咁，每月俾筆錢老婆，老婆用呢筆錢搞掂曬BB和自己開支。
- 老公俾曬所有屋企開支和BB開支，老婆買BB野claim返錢。如果老婆無收入，老公每月再俾幾千老婆，或者老婆私人開支全部問老公Claim。
你地趁BB未出世快點傾掂數，BB一出世就係地獄，無時間俾你地傾。你地仲要傾埋邊個湊BB，一個人係好難湊得掂，係你老公個樣都唔會幫手，快d找老人家/工人/陪月，而且要老公俾錢。你仲要求叫老公儲錢for BB開支。
13個讚
好多男人都係咁
2個讚
陀緊嗰時你唔傾掂數要佢比錢，生出嚟，仲煩
唔使唔好意思，直接講要佢比錢，個b佢有份
唔使爆，用軟功，男人會受
1個讚
多謝你嘅有用意見，我會同老公再傾，因為有咗啊b真係多咗好多洗費，需要自己之前都有啲儲蓄，但一下子洗太多錢，又一下子變咗做part time，我會建議下佢咁做先
1個讚
知道自己又係衰，成日唔敢開聲講
希望無用架，直接傾，傾唔掂就用佢父母俾壓力壓落嚟，起碼頭一年要穩穩定定咁，之後離唔離婚睇情況再決定
2個讚
未爬文：你哋肯定好後生，未到三十？
1個讚
bb係大家嘅，佢一定要負責任，可能有啲男人係要開聲先知道你要乜，大家坦白一定好過你收收埋埋但自己唔開心，bb又要屈就
1個讚
未到三十
你哋好似冇乜點溝通？已經結咗婚有埋b，唔怕將自己嘅諗法拎出黎傾。如果唔係成世流流長，點一齊行落去呀
1個讚
唔好意思sidetrack 下，如果你公司你有左之後轉你做PT，而你之前係簽full time 合約，建議你可以咨詢下勞工處公司咁做會唔會違反僱傭條例。
7個讚
[quote=“Candy4, post:1, topic:55193, full:true”]我知道今次係意外，但我好鍾意小朋友，我想俾一個最好嘅環境佢長大
[/quote]
首先，放棄「俾一個最好的環境佢長大」的諗法先，小朋友的成長環境，永遠無最好，唔好俾「最好」呢個框框限死自己
其次，你地意外懷孕結婚，即係可能本身無家庭計劃，所以唔好期望男方一時間會好上心識照顧你，識俾家用你幫補你。男人真係要見到個bb，先可能有「做爸爸了」的頓悟
你做媽媽，佢亦將為人父，唔好覺得拎佢錢使有問題，大家都係為家庭付出，只不過形式不同
好好坐低同老公傾，寫低家庭收入/支出項目再諗點分配，同埋最緊要傾下bb出世後的各種安排
10個讚
認同樓上咁講，結左婚，仲要有埋bb 已經係一個家庭做單位，你唔係駛佢啲錢，係大家為家庭一齊付出，你負責懷孕生b湊b,佢負責俾錢，你唔好睇低自己付出，唔係出錢先叫付出，其實你可以理直氣壯。
你唔改變自已嘅想法，生左b 只會更難捱，一係一心請工人，生完b 就做返全職，咁樣你可能會多返啲安全感。
5個讚
兩夫妻坦白，真誠溝通，互相信任先可以長久，你哋仔都有埋，怕咩開口要錢？
1個讚
我都覺得好奇怪、樓主老公就算喜歡小孩、都未必有打算要揹起頭家、更加無諗過樓主會轉左做pt 、而家住屋開支邊個俾架？會唔會老公本身都有壓力？
以佢老公收入同疏爽情度、樓主都係排定育嬰園之後返工好過
2個讚
其實睇你情況, 我諗你真係要諗定將來要交低BB俾屋企人湊
或者排育嬰院
如果唔係覺得你有機會因為$而同老公有矛盾
1個讚
同意，我都好好奇，間公司咁都得架咩
1個讚
有需要就要用，要問，佢一直以來冇比開你，都唔會主動比你
1個讚