朋友send嚟的
有冇人知係講邊個「教人買英國樓嘅香港平台」唔衰
「諗住買定樓之後用BNO Visa閃去英國？嗱嗱嗱，你哋真係要睇清楚，香港市面有好多教人買英國樓嘅平台，放個嘜頭出嚟大sell可以幫你搵英國代理買"筍盤"，等你可以安心出行，實情係點？
多位苦主真身哭訴：有個自稱教人買英國樓嘅香港平台，話可以介紹可靠英國物業代理，勁sell佢地啲"筍盤"。。。
呢盤生意點做大家可以參考吓：
- 多個"筍盤"免費送Japanese Knotweed做唔到按揭
- 寫明裝修費只需港幣五萬，之後Surveyor話你知喺爛屋一間 要港幣50萬先搞得掂
- 聲稱介紹之英國物業代理經過佢哋嚴格挑選 interview過哂，唔俾你知英國代理全名 收你超貴服務費，最終爛刁買唔成 英國代理唔肯退訂仲走埋佬玩失蹤，平台負責人就縮，搵鬼同你監管
- 聲稱俾錢英國代理介绍"筍盤"，其實收取英國代理回佣又冇申報，兩邊食你夾棍。
- 多位英國的代理欺騙平台裏的買家又唔公佈，大部分客戶蒙在鼓裏繼續同有問題英國代理買樓交易，洗濕哂返唔到轉頭…
- 聲稱會監管英國代理，其實收代理回佣狂開單賣樓，理得啲代理質素點、好刁爛刁，信佢會把關就真係天真囉…
- 唯一嘅英國名牌導師走咗都唔公佈收收埋埋，繼續用呢個導師嘅牌頭收新羊牯，最後俾人發現先萬般無奈退款。。。 以為㩒得住而家用翻自己牌頭收新羊牯搵大錢，每位十皮加埋回佣，呢鋪發達囉 !」
1個讚
英國樓我就無研究
不過都想搭單講下我隔山買牛既經驗
我買過既係福岡樓。
我經一間香港有唔止一間分店
專賣日本樓既agent 買 (我去尖沙咀分店)
買之前佢俾曬證明我話有租客租緊
一買即有租收
點知買左一個月……
- 租客話唔租
- 聲稱當地租務公司話我層樓太舊, 要裝修, 要我匯幾皮野港紙去執
- 執完層樓又話兩三個月搵唔到租客喇, 又話唔夠錢俾大廈管理費, 又要我匯定半年既管理費過去
都幾多巧合, 而香港agent 次次只係識得叫我俾錢整乜整物, 幫唔到手。就連裝修完, 相都無send 過一張俾我睇過。
後來係我自己搞左一大輪先轉到當地租務公司, 之後先搵到新租客。
5個讚
唔通係2X 世X??
呢間我之前見佢成日搵人賣廣告
買樓一向都要好小心, 莫講話隔山買
我買英國樓係同發展商買, 英國有上市果種, 細嘅都擔心信唔過, 有D人唔鍾意買NEW BUILD, 咁就要承擔樓主講嘅風險, 或者唔好隔山買, SO FAR我識幾個朋友隔山買二手HOUSE, 都有幾多手尾, 最誇果個買300萬樓居然話要70萬+裝修, 唔知係代理食水深定點
我都有買一層英國樓收租, 係連租約買GUARANTEE 2年6%, 中間就算租客走都唔關我事, 發展商同我簽租金回報合約的
4個讚
我都成日收到AGENT D 料, YIELD係幾高, 價錢又平, 但就係擔心有手尾同隱藏費用
其實佢計俾你睇個yield 呢
係九成未計稅
你預一年都要俾一兩個月租左右既稅
所以個yield 根本去唔到講果個數
1個讚
佢有D寫GROSS 9%, NET 6% 係咪都差唔多
岩岩search 番佢個webpage
先知原來佢地宜家都有賣英國樓
冇所謂的！C生一路串人移民，佢間忠員都一樣繼續sell英國新樓盤
3個讚
不過我都唔知你文中講果個"教人買英國樓平台"係邊個
哈
1個讚
我都唔明咁急做乜﹖個人都去英國，到時先買唔得架咩﹖
1個讚
