想試下 但又驚處理送貨慢 處理得唔好 溶雪出事 
有無人可以分享下 
有試過hktvmall
同呢間黃店幾次
無出過事
1個讚
試過一次，其他小型網店，買雞胸肉燒賣，來之前 call 左我 make sure 屋企有人先上來，係我個賓賓on 9, 成箱凍肉放係度半個鐘都唔入雪櫃，我返來開箱，好彩燒賣仲係硬，咁樣佢車過來嗰程應該有冰住咁過來。
1個讚
咁如果無人收貨點算
Hktvmall我幫襯咗兩年以上。佢哋送嚟嗰陣嘅貨車有冷凍設備，送到上嚟仲係好實。
如果唔放心可以選送去佢門市自取，門市有大型雪櫃keep貨
3個讚
訂嘢時可以自選時間，揀啱時間先至訂，當日自己安排時間喺屋企等，而家佢哋進步咗，好準時，仲有出發前送貨職員會WhatsApp客戶。通常啲時段都係四個鐘。如果真係安排唔到人喺屋企，訂嘢時，選擇去門市自取。啲門市開到晚上九點十點都有。
我試過突然想出街食飯，叫送貨員放低喺保安檯，佢哋都會照做，但好似唔太願意（因為會溶）但都會聽你指示。咁收到時自己負責了。
我而家除了呢度基本上都唔會再去其他地方買肉食了。
2個讚
我地都每個星期買，主要有好多出面好難搵到嘅食材。
依家送貨都好準時，今年成年幾乎唯一送唔到係8號波果個星期，但係我地落返3號之後兩個鐘就送返。
買得少嘅話門市自取$200就得，不過我地好多時候順便比同事、朋友搭單
1個讚
次次都一早夾定送貨時間，未試過無人接收
係呀，只試過兩星期前打風同2020年搶米嗰陣送唔到米，其他時間都好準時
1個讚
【One Frozen】有自己司機
已幫襯超過1年冇問題
雖然小型，但係識保冷
而唔需要bubble 紙…冰種…保溫袋…
過渡包裝令我好頭痛
2個讚
HKTVmall 送貨啲哥哥有時會提話件貨係急凍嘢要雪冰箱架，我覺得幾好
試過一次老公收貨，我又唔記得提老公有急凍野，都驚佢
就咁放向度，好彩老公話送貨哥哥有提佢要雪冰箱
我啱啱收貨都有提
我幫襯過佢超過半年 頭頭都還好
之後越嚟越差 銀鱈魚俾尾位 無肉既
跟住有次佢推薦我買牛肉 黎到係變左梅既雅色曠肉 食完仲全家肚屙 咁我都忍唔住反映下 同要求下次可唔可以影張相俾我望下d肉 但佢連一句sorry 都無 浄係一個
ok icon 算 我就唔鬼再幫襯佢
不過佢個司機值得一讚 勁有禮貌
我都有用HKTVMALL買急凍嘢同氣炸鍋食品, OK嚟到仲係成舊冰咁
我都係HKTVmall 同呢間黄店好多次
Very good，無出過事
1個讚
主要係驚成埋嘢送唔會每一樣野都做得好 
四個鐘裏面知到達時間？
我都驚多包裝好麻煩
Oh no…
我諗早啲反映返有可能處理到
尤其是喺小店買嘢，一遲咗就會變咗口同鼻拗，好尷尬
其實我都唔係要求佢退錢或者退貨 真心想俾佢知有呢個情況 同下次幫下眼
同埋其實我係當日買完即時食 不過蠢在無影相同第二日先講
不過佢個回應咁 我都費事再搵佢買🥲