又係我開post了。。。。
我覺得我情緒差不多到了一個極限，但我真係唔知點做。。。
我同老爺奶奶住，有隻狗，有個就1歲的bb…
我係ftm,
其實一直以來，因為湊b同老公有好多磨擦
他好鐘意落order叫我跟他的做法，
但我好唔鍾意，
好似老闆叫下屬咁，
但他依然會叫我做，
唔跟就訓話訓到我妥協，
講緊12點可以講到2點幾。
咁而家他負責加固，
他放工返黎就整加固，我負責餵，
而他每日都好需要娛樂時間
成日叫我他返黎之前我就要食曬晚飯沖完涼咁啦
我其實都係趁個女訓著先可以做
有時她無訓我就真係做唔到，
咁樣又嘈左幾次
呀女同我地訓ge,
咁個女有時唔訓，要玩，
但老公要訓又嫌個女嘈。。。
我真係唔知可以點做
我搵過社工
社工只係叫我要再同老公溝通
但溝通完就係咁囉
我真係覺得好無助，好辛苦
老公講的說話好難聽
仲有好多好多事積積埋埋
搞到我情緒好差
個女好似得我一個有份咁
娘家無位收留我
而我經濟上都好難話搬出去
我究竟可以點做先幫到自己同個女。。。。。
攬攬先～
女女平時作息時間喺點？老公又大約幾點返？記得你好似話過長老係唔會幫你睇住女女，會唔會同老公傾下你有平日有乜難處？要佢知有時唔係你唔想做，係無人睇住個女
坦誠啲同老公講佢啲說話你聽咗會好難受，睇下佢有乜回應
女女而家日頭訓2次，每次一個鐘倒，我就趁呢段時間食飯同沖涼再加自己me time 咁。
你無記錯呀，老爺奶奶係無幫我湊呀不過其實我寧願自己湊自己教
我有坦白講呀，比他話返我轉頭，”你唔激我我就唔會咁講野啦”
”做得ftm,你預左啦”
中間仲會夾雜粗口
我本身係好抗拒粗口鬧人，你可以用粗口形容件事，但用粗口鬧人我接受唔倒。。。
其實一直以來我都有咁同他講，但他改唔倒。。。。
如果你走開，eg去其他房，佢會點？
又或者你明確表示清楚明白，叫佢stop，佢會點？
講真做FTM做到比工人仲無尊嚴，不如返工好過
並唔係每個男人都有大智慧會感激/欣賞/支持老婆做FTM的
無手無腳唔可以返工嗎？
難怪你老公睇到你點鬧都唔會走得甩
媽媽你為咗做女人嘅尊嚴，麻煩你真係自己去搵錢
有老人家幫你照顧個女，你根本無後顧之憂
呢個就係我積壓情緒的其中原因，無空間
同老爺奶奶住都無得走去邊
去廳呢，奶奶24小時都喺廳
我諗我可以避的都只係得廁所同廚房。
而我老公唔會理，
會享受他的free time
我都想返工，但bb仲細，仲想自己湊，自己教先安心
你唔返工，自己好容易會有情緒病
同老公多摩擦，對小朋友成長都無好處
無呀，無人幫我湊
老爺奶奶只會玩孫唔會湊
娘家無人幫手湊
佢哋一家三口拆掂佢
你唔返工，就預咗要受氣一路忍，因為你老公係佢角度無任何原因要尊重你（唔係話佢啱）
呢個問題根本無可能會解決方法
除非你返工
咁個b都要搵人睇倒我先可以返工
除左育嬰院（排緊）
我真係唔放心放比其它人湊
乜都唔得
咁你唯有繼續忍下去
雖然難聽，但可能事實真係咁。。。
一定要返工先有尊重嗎。。。
到時大家出去搵錢大家就有討價還價的能力？
其實一直以來我都忍緊，但我感到我情緒就撐唔住。。。。
上次都講過，只有經濟獨立先可以立係不敗之地。
一係你就忍屎忍尿咁忍到排到育嬰院。
一係你就不停爆佢爆到佢收皮，人係好賤，你唔還拖佢只會得寸進尺，對唔講理既人唯有用呢招。
爆我就試過，他可以講足幾粒鐘
我真係投降
我都已經盡量儲彈藥令自己手頭鬆啲
for其他FTM就未必
但for你老公就可能係咁
如果你返工你老公都唔尊重你，再考慮下一步…
其實佢講咩？有咩可以哦咁耐？
樓主自己唔改變
對方點會無端端改變呢⋯⋯呢個邏輯已經有問題
講乜其實都不是重點
重點係樓主竟然可以比老公訓話咁耐…
兩公婆嘈幾句反而正常，咁俾人訓話，真係地位好低微下，唉…