因為而家 cctv 同感應燈技術成熟，圍住間屋地下外牆都裝曬。
由上方向下偵察既感應器無咩特別，但由身高水平正面裝既感應器好有問題。
係錄影唔到任何人或動物情況下，感應燈可以打橫逐盞著？好似有人行過咁！
情況唔密，但都發生過好幾次。
間屋無問題，一家大細都住得舒服。
估計係"朋友"路過，不過完全估唔到紅外線感應有哩個功能。
可能係蝙蝠/雀仔 飛過，我樓下d蝙蝠都會低飛
自動著燈個速度係同人行過既步速差不多，飛行既速度唔會咁慢。
錄影係睇住一盞盞咁著燈，裝燈範圍約十米長，有三盞正面感應壁燈，錄影範圍係影晒的。
詳細睇過外國研究文章後，紅外線感應器係偵測熱度變化。"朋友"係唔會熱的，凍就聽得多。
因此理論上，唔會偵測到 “朋友”。
而空無一物底下，有咩有熱能。
就係光線，各種帶能量射線。
睇完一堆資料，結果係解釋唔到咁奇怪情況。
但比較肯定係紅外線感應對無熱能既"朋友"無反應的。
變成無意義帖，不好意思。
3個讚
有意思, 我睇完又識多D, 又明多D… 
佢熱下身啫，無事既
1個讚
你住外國嗎？
“朋友＂應該係能量團，所以感應到
係呀，而家去左英國。
我都認為 "朋友"係能量體。
不過確認目前民間所用既紅外線感應裝置，未細緻到可以偵測到果種能量。
而由上向下既裝置無這情況，相信係帶能量既射線並唔會由地下向上照射，所以唔似正面燈被觸發。
2個讚
呢個topic 幾有趣噃 
2個讚
其實呢種感應裝置主要分兩種. 一種係紅外線感應, 另一種較新嘅係雷達感應. 而雷達感應係非常敏感, 連好細嘅聲音或昆蟲飛過或好遠距離都有機會觸發到. 所以個裝置上嘅靈感度好難較得好. 所以有時靈感得滯就會好始冇嘢經過都會有反應. 以前幫公司去大陸廠驗貨就有好多呢種問題. 嚇到D客以為有’朋友’出現.
4個讚
長知識了，啱啱google下，見話雷達隔住牆都感應到行過。
我住村屋近排裝了感應燈在屋外，好似樓主夜晚咁有時都見佢無端端著，可能就係太靈敏依個原故。
係呀, 微波雷達感應器係可以穿牆. 但香港見大部份都係仲用緊舊式紅外線感應. 除非係工商業應用. 例如:停車場、商業大廈、機房…等等.
個敏感度可以調校嘅, 不過有時係個感應器壞都有可能.