請問大家有過相同的情況嗎?
我b14日 之前都好地地有大便
呢兩日突然無大便
不過佢有不停放屁
有時會見到佢塊臉谷到紅哂
唔知係咪想痾又痾唔到
今日仲要係咁瞓唔到
我係埋身人奶加奶粉比佢食
前日有鼻敏感流鼻水
就無埋身 全日奶粉
會唔會關全奶粉事?
我要同佢睇醫生嗎?
好擔心🥲
請問大家有過相同的情況嗎?
我b14日 之前都好地地有大便
呢兩日突然無大便
不過佢有不停放屁
有時會見到佢塊臉谷到紅哂
唔知係咪想痾又痾唔到
今日仲要係咁瞓唔到
我係埋身人奶加奶粉比佢食
前日有鼻敏感流鼻水
就無埋身 全日奶粉
會唔會關全奶粉事?
我要同佢睇醫生嗎?
好擔心🥲
緊要啦。我地都唔係醫生
在兩餐之間比小小水佢飲,
閘手順時針「初」肚仔,
健康院問下
關事
樓上方法可跟住做
同埋試下轉另一隻牌子奶粉
也可試試飲水奶
我囡都係咁
成日不停同佢搓肚
初生BB 不用飲水
你盡量全母乳,一定有改善的
同時打電話去健康院約見醫生
人奶為主少便便都唔出奇,bb有冇無故哭鬧?不過有屁放即係腸有郁動,可觀察多一兩日先
我仔食人奶時都會幾日先去一次
記得bb咁細唔好飲水
佢未至於哭鬧 淺眠啲啦
同心情有啲差咁
佢胃口又無咩嘢
頭先有打去醫院bb房問姑娘
佢話暫時正常嘅 睇多一日先
不過有啲焦慮
聽日會去健康院問問
多謝各位🥲
幫咗佢按摩 有放屁
不過都仲係未有poo🥲
其實通常醫生都係會話:
有屁放就唔使擔心
我囡屙唔住屎就係咁
如果可以餵返人奶就餵人奶,因為人奶水分多,bb少有大便問題
無得就快轉奶奶同不停搓肚,如果唔係大便留係肚太耐會乾,屙出黎都有機會搞到肛裂
再唔得快去看私家醫生,呢d小問題政府醫生唔會幫你睇,
好大可能奶粉問題,水份唔夠
其實BB幾日無便便好普遍,其實睇醫生都幫唔到你咩。
你多啲同佢按摩,同郁腳仔,好似幫佢踏單車咁,都有助排便
可以就俾多啲人奶,人奶水份足,都有幫助。不過人奶有時吸收好,又會好多日無便便,我細女試過10日
再唔係大仔全奶粉,試過一招就係搵線花棒了少少凡士林,再係佢個肛門位了一圈,通常即日疴到。不過我通常係大仔細個個陣成4日都冇便便先用呢招。
按摩記得順時針按呀,尤其focus 喺你嘅右邊多啲。用右手畫大半圓,或者上到下咁掃都會幫到佢
可能突然間食全奶粉肚仔有啲唔慣, 消化時間都唔同。都係如果有屁放, 食得玩得就觀察同埋按摩多啲。
謝謝各位
等我一陣同佢沖涼之後試下你個方法
因為只有10幾日大
又突然無poo 所以特別擔心🥲
第一次做媽媽係緊張,不過好似樓上講,食得玩得訓得同有放屁,都唔需要太擔心。
該主題在最後一個回覆創建後30天后自動關閉。不再允許新的回覆。