我都斷咗好多所謂嘅「朋友」
但呢個搵我做假想敵嘅人未斷到，因為仲有班共同朋友，試過佢問嘢，我答佢，仲話我錯（其他朋友都係講我嗰個答案，佢先知自己7咗）
依家只可以佢講嘢唔多應佢，同埋佢咁鍾意搵我比較，我就俾佢知，佢點都比唔上 
2個讚
咁佢真係好𤓓
可能佢係妒忌你過得太好
我個「朋友」無聊到連天氣都要同我拗一餐
我心諗 係咪拗贏就會好天 
利申：仲未斷哂，一齊住，依家搵緊地方搬
對我來說，朋友嘅啱傾嘅都係隨緣，已經少咗上心。呢幾年嚟，大家都各有自己家庭，各有各忙。有心的，更忙都可以抽一刻聚一聚。冇心的，總會好多理由聚不到。有時剛相識，大家啱傾咪好似識左好耐的朋友。不過，大家平常心，沒有刻意去保持聯絡。所以話有朋友又得，冇朋友都得？
3個讚
啊，咁我都幾唔同，其實我有咩事，搵朋友先過搵屋企人
不過我都唔係一大堆朋友嗰隻，係有好幾個好friend嘅，真係好交心嘅
1個讚
祝你快啲脫離苦海.
我認定係朋友嘅人，我會對佢哋好好，但意識到對方奇怪（之前提嗰個就嚴重踩到我底線），我會分得好明顯，唔會再當佢係朋友.
可能咁樣會俾人感覺唔識做人，非白即黑咁，但我覺得呢個社會已經夠唔係開心，無謂再留啲令自己唔開心嘅人係生命入面，唔好話所謂嘅朋友，我連親戚都斷.
5個讚
多謝！
我都祝福你繼續幸福俾你「朋友」睇 
1個讚
年紀大咗個心好攰，唔想再識朋友，可能係我自己變得怪咗。
有d唔熟都叫，一係就返教會
我曾經都有呢d frd
又要去排隊店，又遲早又盛
比佢早到一次就催命咁
係咪因為你太靜，所以好少主動關心朋友？
友情同愛情一樣，都係需要經營嘅。
可能有時同朋友傾偈，你會少啲主動講嘢或者主動去問朋友最近點啊？主動問近況，關心下有冇咩困難，同埋可以聆聽或者俾意見？
我有見過一啲人，每次出親嚟淨係講自己嘅近況同自己嘅困難，但係從來都唔會關心人哋，或者追問下人哋最近點，然後去聆聽。久而久之大家都覺得冇興趣再同佢一齊出嚟食飯。
2個讚
我呢個Nancy朋友真係極品嚟架，佢啲衰嘢真係有排講
又試過一次約食飯，佢話要湊仔去唔到咁遠，叫我哋去荃灣食，我哋都就佢
佢仲指定餐廳，揀咗間超多人嘅泰菜，book咗位都仲要等
諗住佢咁近，應該會早啲去攞位，點知到7:30 book枱時間，全部人到晒，得佢一個未到
到7:45佢send whatsapp嚟，話佢個仔點點點，嚟唔到
呢個就係唔想就佢嘅原因，就佢地點就佢餐廳，佢都仲要放飛機，好可惡
2個讚
細個讀書年代, 性格活潑健談, 去邊都有一大班朋友。
越大個越怕熱鬧, 估計老咗應該過老人與狗生活。
你媽咪係咪好隨和同埋唔計較既人？
我媽咪都係咁，周圍都有人同佢打招呼，但佢d 朋友唔係深交，主要都係吃喝玩樂，同埋好似都係人地同佢講自己野多，可能佢係好既聆聽者？
我自己唔係咁既人，話不投機半句多，對我工作有利用價值既人我先會spend time。（我既工作overlaps 我既生活＋興趣）
3個讚
係呀，好順得人，自細教我俾人洽都唔好計較 
佢好識做人，同好多人都好friendly
呢樣我就學唔到喇
深交與否就唔知喇，我覺得佢啲朋友都好信任佢嘅。不過佢都教我有某啲嘢點friend都唔會同人講，啲女人知道咗就會點點點。
咁佢都會同某啲人friend 唔到嘅，例如兩年前開始有班阿太玩過興趣班識嘅，到社會事件嗰時覺得當中幾個心地唔好，咁就冇來往。
2個讚
係，咁佢都真係花左好多心機經營關係
2個讚
藍絲 = 自x私
2個讚
細個多朋友，大咗慢慢朋友越嚟越少，應該係自己問題大啲，以前會介意，宜家習慣咗又覺得幾好幾自在。
某啲嘢唔好同人講，係啲咩呀？我怕自己犯咗都唔知 
我係飲飲食食去玩既朋友多，但密友少。以前讀書孖公仔既所謂閨蜜，大個左就會發現好多其實係你可以過得好，但唔可以比佢過得好，否則會酸同眼紅。
講開心嘢，鐘意你既人會覺得係分享，唔鐘意既會話係曬命。講唔開心嘢亦可以話係放負同有唔同解讀。
而家有心事都係同老公講多，關注自己家庭。
2個讚
樓上咁啱講咗
就係令人覺得你好過佢嘅嘢。
大部分女人都唔鍾意。
當然，有少部份人唔會咁，我個best friend 同我媽都係喇。
1個讚