我都冇乜。
有心識都冇，但其他人好似好易識到咁
命係咁
me 
如果是你刻意一個人就無問題。但如果不是，可能你做左d得罪人既野不自知。
首先我自己以前係咁，原來我既言行有d古怪，會講唔岩場合既野，或者做太白癡既行為，或者講野好直，或者成日長篇大論講自己見解，或者成日否定人地，或者吹水吹得太勁，或者講黎講去都係悶既話題，或者口齒不清，大家就慢慢疏遠我。
大過左知咩事，就好好多。有時見到d朋友，去到唔同地方都得罪人，大家背後都會勁笑佢，或者會勸佢
6個讚
我諗我算少呀，得幾個，本身唔係好花時間社交。加上道德潔癖，2019後我啲朋友又少左啲，唔speak out已經唔係我密友。
2個讚
日日自己一個lunch, 都唔知幾開心
邊店唻咁多朋友?
2個讚
係，我諗樓主依刻要諗下當你發現現況係無乜朋友，咁你感覺係點？
覺得舒服就由佢啦，唔駛理人係點或者覺得自己怪咁。
如果唔滿意意狀，咁咪諗下點改變。
我直情一個朋友都冇. 我既世界得我老公.
可以話有好有唔好. 但我唔係一個鐘意出街. 花花世界喜好玩樂既人. 我鐘意留係屋企多啲.
所以我覺得呢種生活適合我.
如果樓主覺得想識多點朋友. 可以從興趣方面入手呢.
不過在我個人來說.我好怕是非.
所以一個人有時可能會有怨無路訴. 但總比要同成班人講是非好
4個讚
我早結婚，大學畢業後幾年就已經請飲，當年請嘅兄弟姊妹，座上大學同學賓客，因為剛剛 grad. 仲熟，當年好多一請就到，廿年後嘅今日，已經好多都無來往，而佢哋飲完我嗰餐十年後結婚都無請我，咁我算唔算有賺?
年紀越大，朋友都唔會多，生意上有來有往嗰啲已經賺咗，中學同學仲 keep 到幾個，但都係一年見兩三次。
如果你要長期有一大班大一齊玩嘅感覺，我建議你搵一啲可以多人玩嘅嗜好，總之係定時要出來操練，例如，行山，單車，長跑。 你睇吓發哥，六十幾歲同成班行山朋友做完運動之後就一齊飲茶，咁就開心過左一個星期日嘅早上。
4個讚
我都係, 好enjoy一個人lunch日日諗食咩好野
如果有同事即日約我lunch, 會打亂左我計劃, 唔多想去
前一日約我, 有個心理準備, 會好少少
但其實最想自己一個
回番樓主先
其實冇朋友都冇咩所謂
內向既人我覺得唔洗勉強自己
自己有時同朋友食完飯
要用番2-3日去回氣
即係個人既精神用盡左, 抽乾左個人, 好空虛咁
而家同朋友食飯都可免則免
3個讚
年紀越大真心既好朋友會越少，朋友呢啲係強求唔到架，有緣又啱key唔係刻意搵就有，獨立有好多好處，有朋友相分享都係唔錯
1個讚
其實我覺得無乜朋友都唔係大問題，一向都唔太鐘意social，咁啱呢兩年疫情經歷埋大肚同生b，忽然變得同身邊朋友好似更疏離，有時想搵人呻下都唔係咁容易
當時點解會比人排斥，其中一班可能係果期我好唔開心，成日呻，所以佢地唔鐘意，另一班應該係覺得我際遇好過佢地，有時呻下返工辛苦，佢地覺得我曬命掛 (但其實你睇我好我睇你好，我都係想分享下)
不過最令我唔開心嘅係佢地竟然係用排斥呢個方法黎處理，老實講，如果真係當我係朋友，而我做完啲野令你唔鐘意，點解唔可以話我知，等我改或者化解一啲誤會
所以某程度上我真係果種道不同不相為謀，既然你都無心去維繫我地嘅關係，我寧願退出唔再來往
1個讚
其實去到咁上下close既朋友就自自然然得返幾個, 一隻手都數得哂
因為好多so call朋友都會因為種種問題而變到唔再係close friend
2個讚
我又諗起我個Nancy朋友
話說我呢個朋友，佢教小朋友嘅態度，對待朋友嘅態度，處事嘅態度，都係好自私，好唔理人感受/意見，又唔會睇環境做人
舉個例：
一班朋友幾個月先聚會一次，當然想搵個可以坐耐啲嘅地方，於是有人提議bbq，大部分人都讚成，然後Nancy就話：不如去xx屋食放題
唉，大家都唔出聲，為有我開聲講，食放題果啲個零鐘就比人趕走喎，唔可以坐耐啲
其實Nancy自己想食放題，同我哋聚會就係其次，但就想大家都就佢，講白啲呢啲人就係自私
但作為成年人，唔通你話要食放題，我就開口話：「你份人真係好自私喎，係要人就你」咁樣咩，大家都覺得，唔啱玩以後唔再搵佢就算，唔想攪到要鬧交收場
雖然唔知你啲朋友為乜唔同你聯絡，但可能同我心態差唔多
6個讚
以前D好姊妹慢慢都好小見面，多數WSTAPP下咁
人愈大愈唔想去識朋友，有人就有是非
反而想俾多D時間同家人一齊
我自己慣咗獨處，但都有d 朋友會約出嚟見面，傾吓傾吓就幾個鐘，雖然唔多見，但一出嚟就唔怕無話題嗰隻。但就無一個朋友我可以赤裸裸地將我所有祕密都同對方講，由細到大慣咗收埋自己。
1個讚
有時自己付出咗，人哋都唔接收，慢慢就變得唔想再試.
試過真心當人哋係朋友，點知人哋就用我嚟做假想敵，其實有冇諗過我唔想同佢比㗎？好地地唔得㗎咩？
1個讚
我而家都無曬朋友，細個識既酒肉朋友就以為自己有好多fd，但全部只係嘻嘻哈哈。而家人大左，覺得d人好假，斷捨離曬“朋友”，覺得一條友仲爽。真心朋友得返3，4個，再加埋老公
屋企人先係最能交心既人，自己有乜事，只有父母兄弟姐妹先會關心自己同幫自己
3個讚
我都經歷過 
唔知點解有啲人係唔可以好地地同人相處，傾下計都會俾啲有骨嘅說話你聽，講咩都要唱反調（我改咗佢花名做「唔係星人」）
但佢哋同其他人相處又可以好地地，我都懷疑係咪我氣場太弱先俾佢恰 或是 佢係專對越熟嘅人越差
依啲朋友要斷捨離
4個讚