女嗰班嘅同學搞小圈子,又係嗰啲你唔同我玩,我唔同你玩…或者講人壞話,女係班上有好朋友,幾個女仔一齊玩,但係小圈子之間又會嗌交
女話覺得好煩,已經厭倦咗,唔想返學,之前已解釋咗畀佢聽,佢媽咪我讀書嗰陣都好多呢啲嘢,不用理人哋,但係呢個星期已經接到老師兩次電話講佢哋搞小圈子…
請問應該怎樣同我女再解釋,教佢如何處理？謝謝
其實佢比黎社會做嘢都一定有機會面對咁既情況,我估你個女應該係讀緊小學咋。
1個讚
你同佢講其他果幾個女仔講你壞話只係想你唔開心你嬲，佢哋會覺得好得意。
從聽日起唔好再理佢哋，試多幾次無引唔會再講你。
中二啦
佢哋兩個圈子,我個女嗰度有四個女仔,隔離嗰堆又係四個女仔,佢哋兩個圈D人互相講大家嘅壞話,跟住又嗌交
老師前前後後已經處理咗四次
學校就係社會縮影，老師多魚，學生攪小圈子唔係新鮮事，一直都有
3個讚
咁咪各有各玩囉
理得咁多咩
1個讚
佢兩個班主任,一個新嚟嘅老師,一個做咗十幾年
新嚟個老師主動聯絡我講佢哋搞小圈子
家長會時,做咗十幾年嗰個老師,同我講話唔使理,佢哋相處當中一定有啲火花,由佢哋自己處理
1個讚
我認為有經驗老師做得對呀, 人際關係邊有人可以幫手??無論係學校定社會都係一樣。當事人自己的事。始終人夾人, 唔會所有人都是朋友。老師最大圍教小朋友要怎樣尊重人。 當然啦要攪好關係/令人認識點同人(包括唔鍾意的人)相處都會有d方法。
我唔係家長, 但有青年工作經驗, 總之遇事就諗下自己以前係點, 多數都會經歷過, 諗下當時自己點諗點處理, 可以嘗試同小朋友分享。
6個讚
多謝你嘅意見,我會將你段文字覆述畀女聽及分享我嘅經歷,多謝你
係，小圈子本身周圍都有，根本小題大做，同一班唔代表要同個個都friend
新手老師可能太理想化，覺得學校唔應該搞小圈子，大家要做好朋友⋯⋯其實小圈子大人社會都有，只要唔係實質傷害，家長盡可能唔好介入。
2個讚
新手老師同班女仔講話佢以前讀中一嘅時候都有呢啲嘢,但佢搵隔離班嘅同學玩到中三中四就冇事
實質傷害我女就話第二堆D人成日推佢,朝早又坐喺佢個位度唔願起身,讓返個位畀我個女,
佢有次分組,老師幫佢哋分,夾硬要同佢地一組,結果兩堆係實驗室大聲嗌交
勉強無幸福
未了解點解會分成咗兩派就夾硬要人坐埋，俾我係學生我會仲討厭個老師
真正想幫嘅話，係未出手嘅時候等佢哋自己settle，同時了解下點解會唔啱，出手有肢體碰撞就出嚟分開兩批傾
有時性格不合，都唔一定要一齊玩架
一班咁多女，有啲直頭獨家村添啦⋯⋯
當時老師唔知道佢哋兩批人唔啱,係佢哋嗌交老師先知,之後老師了解咗先知道分咗兩堆
其實佢哋兩批人唔啱可以兩批自己玩返㗎,我都認同呢一樣嘢,但就唔明點解佢哋分咗兩批唔可以自己玩,一定要嗌交
1個讚
呢d 位就有位入去調較啦, 唔係調較小圈子, 係教點溝通合作, 禮貌對任何人同尊重別人。 如果班女識諗可以討論點面對唔鍾意的人而不失體面添, 不過呢個就高層次d點。
同人鬧交我會定義做有失體面的事架~~
佢哋呢個年紀吾會覺得有失體面，只係想出咗啖氣
老師已教咗佢哋吾鍾意可以吾需要回應
該主題在最後一個回覆創建後30天后自動關閉。不再允許新的回覆。