韓劇《海岸村恰恰恰》男主角金宣虎近日因一宗匿名爆料陷入「K演員」風波，疑強迫前女友墮胎後秒速分手。金宣虎本身未有回應事件，惟事件不斷發酵，其代言廣告全遭下架與取消活動。沉默多日，金宣虎終於喺今日（20日）發聲明，承認自己係「K演員」。
早前韓國論壇出現「人氣男演員K某真面目」文章，出post網民指自己嚿年與男演員拍拖，對方以結婚引誘佢發生性關係，懷孕後威逼佢墮胎，更馬上分手。雖然無指名道姓，但有前娛樂記者點名「K演員」就係金宣虎，外界對此感到嘩然。金宣虎今日（20日）發出聲明直認自己係「K演員」，指自己第一次經歷呢種恐懼，所以事隔兩天先表態，又對女方、一直為佢作應援嘅人及《海岸村恰恰恰》劇組致歉：「我和她是抱著好感交往，在這個過程中，我的失察和考慮不周到的行為為她帶來了傷害。」
由於金宣虎形象向來純品，更有暖男之稱，此事震驚整個網絡，網民紛紛以「玩完」形容金宣虎嘅前途，仲表示原來金宣虎一直都係扮好仔：「失望再失望，唉，好好的前程」、「承認是渣男了，都是真的，女生好可憐」、「現在看到他的照片都覺得噁心，還躲」、「講那句帶著好感交往有點噁心，誰要聽」、「往後談起這部劇（《海岸村恰恰恰》），人們只會記得男主的醜聞」、「以前對他印象不錯的，現在真的是…他在爆紅後簽廣告代言都不會心虛嗎」等等。不過，亦有另一班網民表示其實女方懷孕雙方都有一定責任，同埋韓國對藝人嘅道德標準不合理地高：「其實落唔落仔，最終決定權都喺女方度。」、「墮胎女生都可以say no啊，這是一個巴掌拍不響的事，喊著男女平等」等等；另外，又有網民指女方都算係咁，喺播完《海岸村恰恰恰》先爆料咁話。
2個讚
娛樂圈聲色犬馬, 名氣來得快去得也快, 我又唔覺韓國對藝人嘅道德標準不合理地高, 好似勝利, 鄭俊英呢D案件, 放諸四海都係犯法咖啦, 韓國咪算判得輕 (十幾單輪姦迷姦都係判4/5年)
至於K演員𡁻完鬆同迫墮胎其實之前都有金賢重前車之鑑咖啦,
娛樂圈搵錢太易, 比FANS係成個PACKAGE咁去想像, FANS磅水都係基於呢啲IMAGE - “靚仔/乖仔/高大/專一/才華…” 各式各樣幻想, 一旦發現幻想破滅係會有被騙感覺, 粉轉黑係一下子嘅事
「我只係犯左天下間男人既錯」
係咪咁講？（咁上下啦）
用下個腦唔好用條野黎諗野！
一下就咁玩完
應該咁講，想做公眾人物就應該注意埋自己私下行為同形象，要有覺悟做咗任何事都有被爆出嚟嘅一日
呢種白雪雪斯文樣我冇咩好感
識兩個係呢type
都唔係好男人
勝利都做扯皮條, 紅女星都有sugar daddy.
d經理人好多都係社團大佬, 清泉去邊度搵?
1個讚
但傳聞個女人36歲仲大過佢，又離過婚，唔係18,22歲，斷估冇佢個篇文寫到自己咁純情易呃掛。而家見俾人起底就話刪文，話唔忍心金宣虎俾人話，我就覺得假左d囉。
1個讚
金賢重個單最後好似判左係佢女友講大話？不過唔理真相係點，都係幕前同紅d 個方受影響大好多喇，而家男既好似消失左咁。
贏左官司但我覺得唔會空穴來風, 有D野法庭判你無罪但道德上都係說不過去, ANYWAY 事業亦已付諸流水
Corgi
21
記得之前有個韓女星自殺
因為被迫應酬老闆，真係好黑暗
其實全世界既娛樂圈都好黑暗，男女都要應酬老闆。外國既仲玩埋孌童
