囡囡中二,數學同科學最差,科學背極同做練習都唔識
最近測驗,數學幾乎全班第尾咁濟
我老公係大學主修數學,已經不斷同個女練習,亦有補習,到重測先考返好啲
上年中一都唔係咁,今年嘅嘢確實係難咗,真係好驚佢跟唔上
補習係咪一對一？我小朋友中四由好差無興趣到而家轉好，主要係遇到個好補習老師
係私補,一對一
佢係冇興趣,加上唔知係咪冇心做,有時又好奇怪,例如今日補習老師同佢做因式分解,又突然全部啱曬
,但一時又全部錯曬
有無同補習老師傾下點樣對正下藥，拉老上樹係好難搞
補習老師話因為佢唔係成日做,今日講完一星期後已唔記得,要keep住每日做
既然係短期記憶考慮下係咪要補密d，多做下練習
老公已經每日同佢做一小時,補習姐姐一次過補曬英文同數學,佢只可以一星期嚟兩次
老公話遲啲補習姐姐唔做就自己教番
主修數學唔一定識解數。正如五星級酒店大廚唔一定識教小朋友煮野食，反而一個普通興趣班導師教得好。學校幾乎個個數學老師都係專科讀數，但好肯定唔係個個都教得好教得明，遇著冇興趣就更加困難。
以前我都係狂補數，一星期一次，一次兩個鐘，個補習社畀好多練習，多到唔日日做就肯定做唔曬，但真係見到有成績。同補習姐姐講當白紙重新教過，最簡單嗰款做起，然後用 MC 睇下 concept 清唔清，然後先再落文字題。啱一半唔啱一半，即係 concept 唔穩陣。
6個讚
上年中一冇補習,只有老公教,曾經攞過數學全級第五
依家先啱啱開學,教咗一課,測咗驗兩次,佢話學校老師解釋得唔好,所以唔明白,經過補習老師同埋老公教之後確實係識做返
咁會唔會唔好一次過補英文同數學，分番開可以比多啲時間操數？
你個女對藝術天賦高唔高? 有無興趣? 識計數/DSE 數理考得好/數理工科大學讀上去，呢三樣嘢可以無關係。有啲心理醫生可以有 personality test 或者 career test, 分析年青人潛能，如果你唔係太了解仔女，或者怕有 bias , 可以搵其他專業人士幫手。
我個女本身數學一樣差，上到中學好啲，但肯定無天份，Science 就一樣讀極都唔識，補習天王都話最多 DSE 攞 4, 不過佢其他嘢，visual art , 日文就好叻，所以我係放手俾佢讀佢想讀想讀嘅嘢，條件係有 passion , 唔準 hea 讀。
我自己都領個嘢，以前窮又要留係母校讀精英班，先讀理科，入engineering, 俾我再選一定讀文科。
1個讚
係分開補，星期六補數，星期日補英文
佢最憎視藝，但好鐘意中史，西史，中史攞過全級第一，佢成日同我講話到選科時都係攞第一，就可以揀，但佢又話想做醫生
1個讚
我果個岩岩相反
數理勁 唔洗點教
文科就廢
個個小朋友都有自己叻嘅嘢，不過都煩點令佢理科好D
佢對呢D完全冇興趣，都吾知點算
數學盲路過，我都係鍾意文史哲嘅理科人，我自己的話解釋concept 可以運用想像力當講故事咁解釋 （係咪好難明
）
我見好似有個page 叫文科生的醫生？以前文科同學外加human bio 做咗護士。
讀文科都可以做醫生嘅。我識唔少大學同學讀完文史哲degree之後轉左行做護士, 咁當然同醫生差好遠, 但係讀醫可能chem, bio已經好夠, 數同physics 未必咁關事。
關於數學, 我小學果陣都好好, 好到去參加奧數。但係去到中學, 當時升中唔習慣, 之後又俾老師打擊, 之後就KEEP住岩岩合格。入到理科班但係全部理科都好差,唯一有一科可以拎全班第一,什至公開試拎A就係因為有個好老師。所以我覺得咩人教好緊要, 如果佢唔慣呢個老師, 就要揾其他方法, 如果爸爸教得佢明咁都幾好呀。
可能讀文科會啱佢多啲。我女讀歷史好辛苦。數學、is中間成績。數學有去補習班（現代小xx)一星期一次，再去漢x書局買啲練習做。
廿五年前文科有得讀human bio。到我嗰代已無。