有窗花都爬到出去
岩岩睇左真係嚇都嚇死，
有窗花可以爬到出去。 
個 B都唔細，咁都跌左出去，嚇死兼好彩！
睇到心跳加速
睇到我出手汗
好彩無事咋！
咁窄都爬到出去
啊！好驚啊！
個小朋友仲著住片？應該3歲以下？
已經有窗花喇喎大佬！佢點攝出去架
真係嚇到鼻哥窿都冇肉
好彩最後冇事
但真係嚇到心都離埋
佢應該用下兩層嘅窗花
好彩小朋友無事。
佢真係好好彩
藍田B仔爬窗險墮樓 婆婆親述事件：嚇到就嚟斷氣
2021-10-19
藍田下午發生驚險事故，一名男嬰危聳窗邊晾衫架上半天吊，事件擾攘近15分鐘，最後幸被家人救回單位內，過程驚險萬分。本報事後聯絡到男嬰的婆婆親身講述事件，又指男嬰平日已經非常百厭，幸今日及時被救回單位內，沒有釀成悲劇，又指嚇得她「就嚟斷氣」。
男嬰的婆婆指外孫叫謙仔，今年2歲多，是一名「七星仔」，他平日已經喜歡「周圍爬」，非常百厭，所以其母親已在謙仔的房間內加裝窗花，避免他發生意外。今日下午，謙仔在公公的房間內獨自玩耍，估計他疑爬過窗花縫，危聳於晾衫架，「我哋睇唔到佢爬出去，估佢應該係側身咁爬，佢隻手摣住個晾衫架條桿，不斷『呀呀呀』，出面又有人叫救命，佢（謙仔）阿媽聽到就即刻入房睇，見到咁即刻抆住佢」。
她憶述，謙仔當時捉住晾衫架吊吊揈，幾乎跌落街，幸好謙仔頭部被晾衫架卡住，女兒亦反應甚快，聞聲後立即衝上前，捉住謙仔雙手，而她則從旁協助，捧起謙仔身體，幾經辛苦才化解危機。
「好曳呀佢！」謙仔的婆婆指事後有警察到場調查，又叮囑他們盡快為窗花加上鐵網，堵塞罅隙，避免再生同類型的意外，而謙仔現時則到聯合醫院接受檢查。
＾男嬰在外牆半天吊，幸獲家人及時救回單位內。網上片段截圖
影片來源：
https://www.facebook.com/groups/254650865801392/posts/563472564919219/
頭條日報授權轉載
藍田2歲童爬窗險墮樓意外 母親涉疏忽照顧被捕
昨日(19日)下午4時許，藍田發生男童危懸窗外意外，幸其母親在危急關頭抓住男童雙手，成功將愛兒拉入屋內，其背部受傷，清醒被送往聯合醫院治理。警方經初步調查，姓黃(36歲)母親涉嫌「對所看管兒童或少年人忽略」被捕。
當時穿著尿片的2歲男童，在興田邨恩田樓4樓一單位玩耍時，疑趁家人不為意攀近鋁窗，繼而鑽過窗花罅隙爬出窗外，並坐在晾衫架上，後來懷疑感到疲倦伏下，身體郁動時遽然下墜，頭部一時被晾衫架繩索卡住，身體部分在半空吊吊揈。其母親大驚撲向窗邊，牢牢抓穩愛兒，將兒子抱往窗花罅隙，循「原路」救入單位，整個驚險過程大約歷時15分鐘。
婆婆咁堅
加個蚊網頂一頂啦
嘩，真係邊估到有窗花都爬到出去
可能窗花啲空隙太濶唔合標準？
藍田「半天吊」B仔憂有過度活躍問題 將安排醫生作檢查
2021-10-21
藍田恩田樓昨日發生男童危懸窗外意外，其母親涉嫌疏忽照顧被捕，現時獲准保釋候查，而男童則仍在醫院留醫。男嬰父親今日已聯絡裝窗師傅上門度尺，訂製堅固和罅隙較窄的窗花更換，以免再度發生同類事故。
謙仔的婆婆透露，謙仔現時仍在醫院留院檢查，而女兒則到醫院照顧。她坦言謙仔雖然已經兩歲，但至今未能說話，疑有過度活躍問題，在家總四處爬，爬凳爬床，已安排將於3歲時，由醫生檢查智力發育和行為。謙仔父母早已察覺兒子的活躍行為，擔心他有一天發生意外，遂將嬰兒床拆去床架，安裝在窗戶旁作圍欄，以防他爬出窗外，詎料昨日發生意外，「佢（謙仔）成日鍾意爬嚟爬去，講句唔好聽啲，真係眨下眼都唔得」。
謙仔婆婆續指，自己與老伴患有三高，兩度進行「通波仔」手術，難以照顧孫兒，任職化妝師的女兒只好擔任家庭主婦，全職照顧兒子，而謙仔的父親則做燒臘工作，今日在百忙中也抽時間出來，約請裝窗師傅上門度尺，訂製家居三房一廳的窗花，預計花費15,000元，希望更換堅固和罅隙較窄窗花，避免再次發生同類意外。
謙仔的婆婆指家人將嬰兒床拆去床架，放在窗戶旁作圍欄。
謙仔從一隻成人手掌大的窗隙爬出窗外。
事發於昨日下午4時許，兩歲大的謙仔在外祖父母房間玩耍，其間疑趁家人未為意時，爬上床後再遁床梯爬抵窗口，將玻璃窗推開，之後在一隻成人手掌大的窗花罅隙爬出窗坐於晾衫架，惟謙仔突然跌於兩條繩索間「卡」著頭部，半天吊搖搖欲墜，嚇得路過的街坊尖叫聲四聲。謙仔的母親聽到窗外有人大叫當時不少途人發現驚叫及指向男童位置，有人更取手機拍下驚險過程，並即時上載互聯網，謙仔家人聞途人大叫「屋裏面有無人呀？」始知出事，立即撲入房間施救，及時救回兒子一命。
咁都要拉？
的確係疏忽照顧，一屋有3個大人，都無人睇實個小朋友。