誠品都遲早GG

誠品售《八國聯軍乃正義之師》 被指或違國安法 遭文匯大公狙擊後下架
2021/10/17 - 16:57

由中聯辦控制的《大公報》今日(17 日)以頭版報道狙擊誠品書店「賣毒書」,指控誠品出售一本名為《八國聯軍乃正義之師》的書本,歪曲八國聯軍侵略中國的史實,又稱有市民向國安處舉報,《文匯報》亦刊登相關內容。《立場》記者今日下午到誠品書店,已不見相關書本,職員指全線都無相關書本。

該書指八國聯軍為救被大屠殺傳教士、基督徒
《八國聯軍乃正義之師》出版日期是今年 7 月 20 日,由台灣的時報出版社發行。作者為劉淇昆,他出生於中國北京,雙親為知識分子,在 1957 年「反右」運動中被定為「極右」,他之後曾赴港定居,後移民加拿大。

據《八國聯軍乃正義之師》的書本簡介稱,1900 年的北京朝廷腐敗、賦稅沉重、義和拳殘暴,認為八國聯軍「是一場救援行動,而不是侵略行為」,又稱當時的中國百姓大多感謝八國聯軍的占領行動,八國聯軍實際上是一支「因為人道危機而不得不興的仁義之師」。

該書第一節「概論」舉例指,義和團當年「扶清滅洋」,洋人、洋婦、洋孩格殺勿論,信洋教的亦罪不容誅,「義和團殺害外國傳教士、洋人工程師、華人基督徒和他們的家人,燒教堂,扒鐵路,焚車站,割電線,拔電桿,毀橋樑,搗學校,砸醫院,破郵局,毀機器,沉輪船,燒(西)藥房,搶銀行,搗報館;打家劫舍,殺人放火」。文章形容,八國聯軍行動的唯一目的,是「解救被困京城、危在旦夕的各國外交官和正在被大屠殺的外國傳教士、僑民和華人基督徒」。

傅健慈稱出售書本或違國安法

《大公報》今日頭版以「竟美化侵略者 市民憤怒報警 誠品賣毒書」為題,指近日收到市民投訴,有台灣背景的誠品書店正出售《八國聯軍乃正義之師》書籍,內容公然歪曲歷史。《大公報》形容,該書「誇大義和團的殺戮、滿清政府對義和團的姑息」,罔顧八國聯軍在中國的惡行,又大肆鼓吹「中國戰敗是中國之大幸」、「八國聯軍扶危救難,解民倒懸」、「中國官民對聯軍感恩戴德」等觀點,是意圖為西方侵略者「洗白」,美化西方列強的侵略。

報道引述香港法學交流基金會副主席傅健慈稱,出售有關書本可能觸犯國安法第 30 條、或《刑事罪行條例》下的「煽動意圖罪」,促執法部門盡快展開調查,追究相關人士刑事責任。

國安法第 30 條列明,為實施國安法第 20 條分裂國家罪、第 22 條顛覆國家政權罪規定的罪行,「與外國或境外機構、組織、人員串謀,或者直接或者間接接受外國或境外機構、組織、人員的指使、控制、資助或者其他方式支援的,依照本法第二十條、第二十二條的規定從重處罰。」

《星島日報》則引述民建聯立法會議員葛珮帆指,收到市民向她投訴有關書籍,有人已向警方國安處舉報。她認為,書籍有無違反國安法,視乎出版目的,例如是否為了煽動仇恨針對中國、背後是否涉及外國勢力及資金,相信政府會調查清楚。

1個讚

誠品好似係台灣店?

誠品台灣,不過遲早都無架啦,得番三中商。

5個讚

都唔係喎,誠品喺大陸做得唔錯,跟返條線唔好覺得有一國兩制咪得囉

喺蘇州,勁靚,我之前都好想去睇下

其實點解佢地又唔講,滿人入侵中華嘅?

誠品老闆偏藍喎~

1個讚

咁一係自我審查囉

不過唔係自己友窄d

1個讚

呢本書似乎只係以另一角度睇史實
無XX聯軍就無新中X,無新中X就無X共,得益者喺度扮乜嘢?!

3個讚

其實誠品都愈黎愈似精品百貨多過一間書店

原來係咁?

1個讚

揀係賣書邊賺錢

1個讚

台灣好多間誠品都係咁。
生意角度,精品真係賺錢過書。
佢哋d文具用品,有d係香港搵唔到。

2個讚

以前睇過啲文章,誠品台灣做到差不多第9年先無再蝕錢。

唔好呀,經常去尖沙嘴個間誠品夠大種類多門面又舒服

誠品有好多三中商唔肯出既書,唔會藍啦

1個讚

我仲記得太古誠品職員搞鳩一間鋪內既精品蛋糕店law

3個讚

誠品實在好成功,以全球書店生意嚟講,佢嘅scale, depth, 選書、環境、氛圍、以至書評都做到一流

就算唔係全球,亞洲都肯定係第一。日本仔都勁讚

冇一個自由政府、自由社會文化、一群高質素愛閱讀嘅讀者群係絕冇可能產生出誠品,所以只有台灣做到。

大陸及香港只copy到個形,捉唔到個神,當佢係商場ok嘅,蘇州嗰間都正嘅,但唔可以踩紅線囉

有台灣人都批評誠品覇權,但佢總算成功,好似我哋誠哥咁,你冇咁上下實力同影響力,稱不上覇權,令人又愛又恨

1個讚

一定唔可以當佢黃,黃都唔會明言。但做生意嘅角度佢係摸索緊條線,必要時咪將香港嘅生意當喺內地咁囉,應該醒嘅

1個讚

香港誠品已經好克制,今年雙十節提都冇提,反而十月一黃金週做咗promotion

1個讚

都想做消費券果批