https://m.facebook.com/story.php?story_fbid=4498680493547372&id=642866689128791
今晚3車poop又嚟「巡查」黑、白布街
其中我哋好兄弟的66雞煲因兩名食客紙仔沒有填寫正確資料，被停晚市7日，老闆仲被帶返狗屋
每次見到呢類黃店被停業的post,下面留言總少不免見到「poop放蛇」「一定係搵人扮客固意亂填」
我想講，每日我好um噚咁同每一個填紙仔客講：「check得好緊，麻煩一定要填正確資料」。
當然，大大大部分的客人都好乖，認真填資料，但每日都總有幾個自私精，8個字的電話號碼，連1個數字都認唔到
⋯⋯
正如今晚的情況，當我哋知道popo準備嚟掃場，我哋重新再問：「請問有邊位客人頭先資料寫得唔清晰，麻煩問我哋同事拎張新紙仔再填，門口有popo準備入嚟，中咗要罰錢！」至少有7、8位客人表示想再填過，真係好失望
我哋明白大家對政府課防疫措施嘅唔信任，但我想同大家講，填假資料已經唔work 喇，而家只會害到您，咁會害埋您幫襯嘅舖頭。
唔好以為淨係寫紙仔的客人有問題，scan「安心」的食客懶係「奉政府喻」，但都係有好多客求其開左個app然後扮scan, 得罪講句，你已經貪方便㗎啦，咁點解仲要咁懶呢？
Popo 一但搞上門真係會咁無聊, 所有紙仔倒曬出嚟，叫在場食客認領番，逐個名核對，遂個電話打查證。Scan 安心出行嘅客人都無例外，要遂個客人出示番紀錄。一但有甩漏，無情講——客人罰$5000，食肆按情況停7 or 14日。
如果大家想守住黃圈，麻煩大家唔好抱住求其填or唔scan的幸運心態入黃店。黃店係高風險被查地方！黃店街的黃店更是極高風險！
武肺期間，無論間膠板、買空氣淨化機、加強人手消毒清潔，我哋用咗好多人力物力守護同事&食客健康，每間黃店都已經努力硬撐。請身為食客嘅您都盡返您嘅責任，保障您同食肆的安全
我哋每日無論幾認真地檢查叮囑客人填寫，相信總會有百密一疏嘅時候，更遑論其實我哋食肆係冇權核實客人嘅資料，卻有機會被客人的一時「僥倖」的心態而被禁/停市⋯⋯只要大家的一個心存僥倖的「無所謂求其填」，足以令一間黃店蝕到入肉，甚至要執笠！平心而論，咁⋯⋯公平咩？
任何一間食肆被禁晚市，話就話可以做午市，但老實講，禁晚市期間我哋租照交，同事人工照比⋯⋯更何況一間甜品店或者任何小店14日只做午市嘅生意額同埋支出足以令到舖頭面臨執笠嘅危機。無呃你，但而家生意就係咁差。
所以最後、最後我再次拜托每一位支持我哋黃店的手足，做一個負責任的食客。
而我哋都會努力做好清潔、消毒，保障大家安全，食得安心放心。
大家加油。
