佢樓上覆左明白，希望堅明啦！幾十人比左意見都照去馬的話，只可以講係命中注定啦…
1個讚
你小心寄D非法野比你，例如:毒品。比人拉時，水洗都5清
我5會立亂比地址人，同幫人收野
題外話，純討論
講真，有你地址又做得啲咩？隔離落街啲信箱偷封信都有地址有名，咁係咪又可以用個地址做啲唔好嘅野？
又或者有個鄰居好憎你嘅，佢都一樣知你地址，咁係咪又可以用到你地址做犯法野？
我係真心唔明有地址可以做得啲咩？
2個讚
我之前有個朋友, 佢單身左好耐, 好恨拍拖. 在網上識左個鬼佬(真身唔知係咪), 在WHATSAPP 溝通左好耐, 佢好ENJOY呢段關係. 問我意見, 我話我唔會阻你. 只要你禁實你個銀包就隨便玩. 無幾耐之後, 我問佢點, 佢話佢終於開口攞錢. (我唔記得佢用咩理由), 佢即時BLOCK 9左佢.
我唔係話樓主呢件事關愛情事, 但網上識人一講錢就十成係呃人.
4個讚
睇標題都可以好肯定答你係騙案，睇埋內文更加肯定同上哂新聞嘅騙案手法一樣！錢一定唔使俾、呢位「網友」可以唔使再聯絡，而且建議你唔好再喺網上交友。
叫得佢收件既，佢個名同電話都比埋人唔出奇啦！你諗唔到既唔代表d騙徒諗唔到。我身邊有親戚比人攞左地址去借錢，做佢既擔保人，依家耐唔耐就有追數電話。電話可以改，住址點搬…
又或者將來個騙徒要報仇，响樓主不知情況下寄左毒品包裹比佢，佢或屋企人傻傻下又收左，咁就賴野啦！依家係講緊對方係不法份子喎。將來既事冇人知，保險d報定案好。
1個讚
騙子點會浪費時間報仇吖
毒品又咁貴，做乜要蝕本搞人啫
正路拿拿淋瞓身下個目標呃下個廿萬啦
10個讚
99.9% 假
樓上都係講定worst case出嚟提醒樓主啫
小心駛得萬年船嘛
萬事小心總好過完全冇危機意識嘅
2個讚
事但啦…備案又冇壞既，出事就後悔啦！
如果你驚既話 你都求其作個藉口話公司突然要你出差 都係幫唔到喇 跟住唔聯絡
（最好當然備案啦 不過都明白有時候講左你都未必會做 咁退一步都可以咁既）
雖然樓上都n多人講左係騙案 再補充多一次 之前有幫公司做過清關比關稅 係唔可能比住少少先 亦都冇可能20萬咁多 亦唔會咁比法 你估黑社會比贖金咩 就算黑社會都唔肯由20萬收到得1萬啦
2個讚
你放心一萬唔畀,遲下又減到有八千五千三千,甚至1000,
你不如同佢zoom,我估即死,因為對唔返之前畀你D相個樣
1個讚
咁都信？唔怪之得啲騙案長做長有
先過25萬比我先,5萬係車馬費,收到自然會落力幫你
假 因為身邊有人中過招
依家d AI 好勁，之前有人攞咗何已完個樣live 咁同人傾計
唔知邊個垂涎佢嘅美色。
2個讚
一定係假！親身經歷，遇過類似事件，又係有tracking number同網站，查證成個網站都係假的。
同埋假如真係要廿萬清關費，邊可能畀一萬“都好啦，要住先”？！擺明係呃得幾多得幾多。
3個讚
咁少?呢個case我係之前亡國都見有人差些中蕉
1個讚
如果係越南盾嘅話，咪幫佢俾住嗰一萬先囉，佢同你見面時切記要佢還。
其他課幣叫佢食自己啦。
20萬關稅？ 咩貨嚟？ 你同佢咩關係？ 叫佢TT20萬俾你交咪得，用下腦，佢係外國，邊有可能香港收貨呀？ 人永遠犯同樣錯誤，以為自己唔會受騙