個幾月前識咗一位外國朋友，佢接咗張單下星期嚟香港交貨俾客，佢叫我幫佢收貨，佢一早同我講明要我幫佢俾清關費先，過兩日之後我收到物流公司電郵，要俾成二十萬清關費，我即刻同網友講，我冇咁多錢俾，個網友就問我可以俾到幾多錢，我話最多一萬，佢叫我覆返俾物流公司知，先俾一萬希望可收確保件貨安全，剩餘嘅錢等佢嚟香港佢自己俾埋，我仲未幫佢俾嗰一萬，猶豫緊幫唔幫佢好，我係有懷疑，但佢又可以俾到個 tracking number我去物流公司個網度查，我又真係查得到件貨到咗香港，想問呢 d網頁同 tracking number會有假的嗎? 我應唔應該幫佢俾住清關費先?
另外，個網友 send埋佢 book咗香港酒店嘅電郵俾我，請問會有假的嗎? 成件事好真實，所以唔知應該點做好，大家可以俾 d意見嗎?
平時有冇睇開新聞？
當局者迷，除非你預無左一萬都不痛不癢
唔幫，完結
好多呢啲呃人案件
假
現實中的朋友都好少要人出咁多錢嚟幫，「網友」更加要提防吓
係我會即刻封鎖左佢，
唔同佢傾。
只係網上識嘅人，你夠膽幫佢收貨，
你有沒有想過貨品，會唔會係違禁入境物品，
都係勸你想辦法推咗佢。
就算約咗酒店和機票又如何，
佢可以隨時取消預約。
X2
正打緊相同內容
再者, 就算d 貨無問題, 佢都可以自己匯款俾物流公司, 根本唔駛你俾。件事好鬼囉
要20萬關稅 可以比住一萬先？ 淨係呢度都100%係騙案啦
就算真係有件貨都唔俾啦下嘛？
識得個幾月，又唔識真人，你諗住佢會俾返你？
好奇想知你諗住幫佢嘅原因。
好彩你仲識問吓
呢度啲人好好，幫你慳咗一萬
佢唔可以叫收貨人比左先再係尾數度扣咩？點解要你呢位識左幾個月既人去幫手？好大機會係騙案
其實現在科技發達，對方都可以網上付款。
樓主根本唔需要代支這廿萬。
好明顯係呃你啦，block咗呢個所謂“朋友“，千祈唔好比錢。
非香港居民依家唔入得境。
佢係乜原因入境？
就算入得都只可以入隔離酒店。
https://www.customs.gov.hk/tc/cargo_clearance/declaration/charges/index.html
我無聊走去睇關費點計, 嘩, 呢批貨價值驚人 
唔止係捐失錢，你又唔知果收嘅貨係乜嘢嚟，點知係咪違禁品？
仲有，如果係你，會唔會無啦啦叫個識咗幾個月嘅網友幫你比二十萬清關費？
哇, 淨睇標題都知係騙案啦
你比得起1萬, 不如你比我, 我幫你食野食曬佢(講笑咋)
真係唔好做傻豬豬
你今次比得1萬, 下次就3萬, 再下次就10萬
唔好中佢招
呢D騙案真係成日都有, 求求你, 唔好信佢啦
佢唔係得你1位朋友, 點解要你幫佢, 佢既客呢? 佢既parnter呢??
佢有好多人可以搵, 唔需要搵你呢位識左幾個月既朋友
請保持清醒, 財到光棍手, 一去無回頭
不要被騙
16億